29-inik ukiulik Magnus Biilmann Trolle, Copenhagen Business Schoolimi ‘Management of Creative Business Processes’-imik ilinniagaqarpoq, aammalu London Metropolitan University-mi ilinniarsimanerminut atatillugu ‘Social Media Marketing’-imut ‘Digital Marketing’-imullu tunngasunik ilisimasaqarluarluni.
“Visit Greenlandip inoqatinut attaveqaatitigut nittarsaassinermi anguniagarai, Kalaallit Nunaat takornariarfissatut pilerinarsassallugu, aammali takornariaq tikittussaq nunap immikkoortuini sullissisunut, takornarialerisunullu atassusernissaa.
Taamatuttaaq Kalaallit Nunaannik nittarsaassineq takornariaqarnermut iluaqutaanissaa, tigussaanissaalu pingaartinneqarluni. Magnusip takornariaqarnermi piujuaannartitsinermut suliniutit pillugit ilisimasai, inoqatinullu attaveqaatinut atuinermi misilittagai peqqutigalugit, qularnanngilaq Visit Greenland ilisimasaqarluartumik atorfinitsitsoq. “Visit Greenlandip pisortaa Anne Nivika Grødem oqarpoq.
Magnus Biilmann Trolle aamma Kommuneqarfik Sermersuumi takornariaqarnermut ineriariartortitsinermut suliniutinik ukiut arlallit, Nuummi innuttaasut suleqatigalugit suleqataasimavoq. Tassani Visit Nuuk ineriartortitseqataaffigisimallugu.
Continues further down the page...
