Tamanna Nunat Avannarliit Killiit takornarialerisut saqqummersitsivianni Islandimi 16. oktober 2023-mi pisumi immikkut aaqqissuussaasumi suaarutigineqarpoq.
Kalaallit Nunaanni takornarialerisunit nersorniarneqaannarani Sisimiut Private Boat Safarip piginnittua tammajuitsussarsillunilu Air Greenlandimit angalanissamut 10.000 kr.-ip nalinganut pisissutissannappoq.
Jan Banemann, tassaasoq Sisimiut Private Boat Safarip piginnittua, ukiut 35-t ingerlanerini angallassillunilu immamik sisimiullu eqqaanik ilisimasaqarneruleraluttuinnarsimavoq, tassanilu angallassinerit misigisassallu asseqanngitsut eqimattanut amerlanngitsukkaartunut tuniniartarpai, tassani ilaatigut Sisimiuni UNESCO World Heritage Tour. Angallassinermini nunaqarfiit uumasullu takutittarpai aalisariaatsillu assigiinngitsut oqaluttuarisarlugit.
Takornarianut puigunaatsorsitiinnarnatik Jan Banemann ilaqutaalu najukkaminni avatangiisiminnik piujuartitsinissamut pingaartitsinerminnik sulerusussuseqarnerminnillu najukkaminni ilisimaneqarput. Kajumissutsiminnik suliaqartuupput, ilaatigut takornariaqarneq sioqqullugu avatangiisiminnik nunami immamilu eqqakkanik katersisartuullutik. Avatangiitsimut akisussaaffeqarneq allanut assinganik suliaqarusussuseqalersitsisinnavoq. Sisimiut private oat Safarillu suliaqartarnermini najukkaminni allanngueqataavoq.
Piujuartitsinissamut Pisussaaffiqarneq aamma angallassinerani takuneqarsinnaavoq, tassanimi kiffartuussami pisariaqartitaanut nalimmassarlunilu Sisimiuni takornarialerisunik suleqateqarneranut iluaqutaalluni. Takornarialerinerup najukkami iluaqutaanissaa aammalu pinngortitap asseqanngitsup innarlerneqarnissaa siunertarai.
Greenland Tourism Awardip siunertaraa takornarialerisut piujuartitsisumik nioqqutillit isumannaatsumik, pitsaassutsimik, avatangiisinut, nutaaliortumik inuiaqatigiinnullu akisussaassuseqartumik pingaartitsisut nersorniarnissaat.
Ukioq manna Greenland Tourism Awardimut innersuussat nunap immikkoortortaannit assigiinngitsuni ingerlatsivinnik innersuunneqarput. Ukioq manna nersornaaserneqartussanut dommerisut Visit Greenlandimit, Air Greenlandimit aamma Nalik Venturesimeersuupput. Ukioq manna suliffeqarfiit innersuunneqartut takutippaat akimut suleqatigiinnermut soqutiginnittoqarlunilu avatangiisitsinnut akisussaaqataanissamut soqutiginnittoqartoq.
Ukioq manna takornarialerisut innersuunneqartut allat tassaapput, Unique Tours Ilulissat, Mikami Hostel fra Qasigiannguit, Qooqqut Nuan Nuummeersut, Amazing Tours Greenland Qaqortumeersut aamma Arctic Dream Tasiilameersut.
Continues further down the page...
