2023-mi tusagassiuutineersunit pingaarnersiuinerit

Juunip 17.-at 2024

Tusagassiuutit suleqatigilluarnerini takornariarfissat nittarsaalluarneqarsinnaapput, ilanngutassiat, assit inuillu attaveqaataanni imassat nuannersut pilersinneqarlutik, taamalillutik takornariat Kalaallit Nunaannukarusussuseqalersillugit. Taamaattumik suli Visit Greenlandi tusagassiuutit angalanissaannut aningaasaliisarpoq, tamannami PR-imik pilersitsinissamut pisariinnerpaammat.

2023-mi tusagassiuutini oqaluuserineqarnerup isiginiarnerini, suliniutigut nalilersorneqarsinnaapput inerinerillu ilikkagaqarfigineqarsinnaallutik.
Pingaarnersiuinerit oqariartuutillu Visit Greenlandip tusagassiuutinut tunngatillugu pisarnertut nalunaarusiaani 2023-meersumi katersorneqarsimapput, taakkulu suleqatigisatsinnut naleqqussagaapput.

PR-imut suliniut sunniuteqarluartoq

Tusagassiuutini saqqumilaarluarsimanitsinnut 2023-mi sunniuteqaqataalluartoq marsimi pisimavoq, tassanimi Kalaallit Nunaata saqqummiuppaa ukioq tamakkerlugu aasap nalunaaqutaata malinneqalernissaa. Visit Greenlandip allannguineq erseqqissarniarlugu suliniuteqarsimavoq, Kalaallillu Nunaanni nalunaaquttap isumaa ukkatarineqalersillugu. Qaammammi tassani ilanngutassiat 537-t saqqummersinneqarsimapput, qulequtsikkat: “Kalaallit Nunaata aasap nalunaaqutaa malittuaannalissavaa”

Tusagassiuutit akilerneqarsimasut amerlanernut annguttarput

Nalunaarusiami ersarippoq angalanernit, VG-miit, Air Greenlandimiit, Icelandairimiit takornarialerisuniillu akilerneqarsimasunit ilanngutassiat inunnut amerlanerusunut annguttarnerat.

Ilanngutassiat annerpaat

1. Greenland wants you to visit. But not all at once (New York Times)
   (Atuartartut: 140,8 mio., Social Echo: 998)
2. Greenland to Stay in daylight saving time forever (AP News)
   (Atuartartut: 140 mio., Social Echo: 1525)
3. With @mesmerising landscapes, thrilling wildlife – and new airports opening up.. is Greenland the new Iceland?
   (Daily Mail) (Atuartartut: 86,4 mio., Social Echo: 69)
4. Visit Greenland: Pledge for 5 Key Commitments to Sustainable Tourism (Forbes) (Atuartartut: 73 mio., Social Echo: 23)
5. Why you shouldn’t wait until winter to see the Northern Lights
   (The Telegraph) (Atuartartut: 27 mio., Social Echo: 12)

Sammisat pingaarnerit

• Arsarnerit (nalinginnaasumik isiginiarneqarnerusarput)
• Piujuartitsineq
• Aasap nalunaaqutaa
• Tammaarsimaarneq
• Pinngortitaq

Unammisitsineq pitsaanngitsumillu oqaluuserineqarneq

Visit Greenlandimi tusagassiuutini oqaluuserineqartarneq, takornariaqarnermi siunnersuisoqatigiinnut allanut; Visit FaroeIslandsimut, Visit Icelandimut Visit Norwayimullu sanilliunneqarpoq. Marsimi Kalaallit Nunaat tusagassiuutinut tunngatillugu ajugaasimavoq, aasap nalunaaqutaa allanngortinneqarmat. Tamannalu unammisatta tusagassiuutini saqqumilaassusaannut sunniuteqarsimavoq.

Visit Icelandimi saqqumilaarnissamut periarfissaq annerpaasimavoq, takornariat Islandimi sissat ulorianarnersaanni imarmit erfagiussaangajassimagamik. Tamatuma takutippaa pitsaanngitsut pillugit oqaluuserineqarneq saqqumilaarsitsinerusartoq. Saniatigut ersarippoq tusagassiuutit annerit inunnut amerlanernut annguttarnerat. Visit Iceland ikinnerusunik ilanngutassaateqarpoq, annernilli saqqummersitsisarlutik, atuarneqarnerusarlutillu.

Oqaluuserineqarneq nukittorsaruk

Lonely Planetip saqqummersitaani, ‘Best in Travel 2024’, Kalaallit Nunaat 2024-mi ornitassani piujuartitsinerpaatut allaaserineqarpoq. Tamanna annertuumik saqqumilaartitsivoq, Kalaallillu Nunaata oqaluuserineqareerneranut ilanngutasseeqqinnissamut periarfissiilluni. Tamanna pitsaasumik kinguneqartitsisimavoq, siunissamilu periarfissaqalissagutta periutsip atoqqinnissaanut eqqaamasassanut ilanngunneqassalluni.
Tusagassiuutinit tigulaakkat amerlanerit uani nassaarineqarsinnaapput: https://traveltrade.visitgreenland.com/media-highlights/

Siunissami tusagassiuutit angalanissaannut tapersiinissat

Visit Greenlandip takornarialerisut suleqatigisarpai, neqeroorutissat, ornitassat misigisassallu nittarsaallugit. Neqeroorutissaateqaruit pitsaasumik, nittarsaakkusullugulu, nunanilu tamalaaneersunik tusagassiuutinik angalatitsinissamut aningaasaliinissamut suleqatigerusulluta, taava attavigisigut: press@visitgreenland.com. Ukiup tulliani ornitassani ineriartortitsinissamut pisariaqartitat allattulereernikuuaguut.

Ukioq manna angalanissat aningaasalikkat tassaapput:

• Feb: MICE, Nuummi Ilulissanilu ukioq
• Apriili: Ilulissat – Uummannaq
• Juuli: Aasaq: Tunumi nannunik takornariarneq
• Aggusti: Qasigiannguit, Aasiaat, Ilulissat aqqutigalugu Eqi
• Aggustip naanerani / septembari: Nuuk – Maniitsoq
• Novembari: Nuup mittarfissaata ammarneqarnera