Maajimi Kitzbuhelimi Adventure Elevate Europe ingerlanneqarnerani Kalaallit Nunaat sinnerlugu aallartitaasut saqqummiussaqarput. Adventure Elevate Europe siullermeertumik Europami ingerlanneqarpoq, uanilu nunat 39-it nunarpinnit tallimaasunit peqataaffigineqarluni attaveqatigiilersitsinerit nalituut, B2B ataatsimiinnerit, oqalugiarnerit aammalu katerisimaartinneqarnerit ingerlanneqarput.
Pisut pingaarnerit
Oqaloqatigiinnerni anguniagaq pingaarnerpaasimavoq takornariaqarnikkut akisussaaffiup ineriartortinneqarnissaanut Kalaallit Nunaatalu sumiiffinni – Avannaani, Kujataani, Tunumi aammalu Kitaani, periarfissaasa kusanassutsimikkut tupinnartut nittarsaannissai. Aaqqissuussinermi suleqatitut pingaartut Visit Greenland scenemi annermi 5 minutsini sivisussuseqartumik saqqummiivoq, saqqummersillugu ullutsinni Kalaallit Nunaat qanoq isikkoqarnera ersersillugu aammalu misigisisassarsiortunut ulluinnarnilu takornariarumasunut misigisassarpassuit periarfissaasut ersersillugit.
Utimut nassatassat pingaarnerit
Misigisassarsiornerit annertunerit aaqqissuussineruvoq minnerit ilaattut taasarsiaqartoq peqataasullu 200-350 missaaniipput. Kalaallit Nunaata aallartitaasa ataatsimeersuarnerit taama annertussusillit suleqataaffigissallugit tulluartutut isigai, tassami ilisarisimasariilernissaq itinerusumillu suleqatigiilernissamut periarfissagissaartoqarnerusinnaanera takuneqarsinnaammat – pissarsiffiulluarnerummat ATTA Adventure Travel World Summit-mut 850-nit peqataaffiusumut sanilliullugu.
Taamaammat, angalanermik aaqqissuisartunut niuernikkut inerisaaniartunut tamanna peqataaffigineqarnissaanut innersuunnaqaaq, soorluttaaq isumassarsiorusuttut ATWS eqqarsaatigisinnaavaat.
Kalaallit Nunaat sinnerlugu peqataasut makkunanit peqataaffigineqarpoq:
Peqataasut tamarmik attaveqatigiinnerunissamik aaqqissuussanut naleqarluartinneqartunut peqataapput, attaveqarfigiligassat nutaat pilersillugit suleqatigiiffioreersullu nukittorsarlugit. Adventure Elevate Europe peqataaffiginerani Kalallit Nunaata misigisassarsiorluni angalaffissatut tusaamaneqarnera nukittorsarneqarpoq piujuartitsinermillu tunngaveqartumik takornariaqarnerup ingerlanneqarnerata pingaassusaa apuunneqarluni.
Adventure Elevate Europe-mi najuunnitta takutiinnarpaa Kalaallit Nunaata misigisassarsiorfissatsialattut nittarsaanneqarneranut tunniusimanerput.
Nunarsuarmi takornariaqarnermi ingerlatsinermi siuttuusut agentiusullu peqatiginerisigut attaveqarnerput annertusarparput pitsaanerpaallu ilinniarfigalutigit angalasussallu tikittartussat nunatsinnut tulluartut kajumilersinniarlugit Kalaallit Nunaata misigisassatigut neqeroorutigisinnaasai nittarsaappavut.
Visit Greenland suleqatigalugu nittarsaassiffiit peqataaffigisagai piffissami aggersumi ingerlanneqartussat uani imaluunniit paasissutissanik amerlanerusunik pissarsiumaguit attavigitigut maana b2b@visitgreenland.com
Ella-mit qisuariaat / Two Ravens:
Isumaqarpugut Adventure Elevate aaqqissuussinerusoq torrallataq, uatsinnullu peqataasunut naleqarluartutut isigaarput. Attaviit pitsaasut pilersippagut, taakkuuppullu siunissami suleqatigilerumaagassagut, kisiannili aamma isummersoqatigilluagassaguttaaq. Uppernarsarneqarpoq tamanna ATTA tassaasoq attaveqatigiittarfik uatsinnut tulluartuusoq, tassaniimmata uatsinnut tulluartunik sullissineq. Pisisartut amerlanerpaanngikkaluarput, uagut kissaatigisatsituut, kisianni agentinut allanut innersuunneqartarpugut najuutinngikkaluartunut suleqatigilluarsinnaasagulli, taakkualu maanna attaveqarfigaagut.
Ilikkagaqarnaqaartaaq isumassarsiarpassuaqarnarluni workshoppini ingerlanneqartuni soorlu sillimanierneq aammalu piujuartitsineq misigisassarsiortitsinermi angalatitsinermi ingerlatsinermi.
Continues further down the page...
