Ullutsinni attaveqaqatigiinnermi takusassiatut atorneqarnerpaasartut tassaapput assit videollu. Akissarsiaqaatigalugu assiliisartut soqutigisaralugu assiliisartunit, pitsaasunik atortunik software-nillu assinik allanngortiterinermi atorneqartartunik atuisunit, unammillerneqarneruleraluttuinnarput. Tamanna assiliisartutut sulisartunut aarlerinarsinnaavoq, taamaalillutillu akissarsiutigalugu assiliisartut ilai imminnut illersorlutik qisuariartarput.
Maannakkut arlalinnik suliassanik ingerlatsivugut, siornatigut atuisunit sianerfigitittarlutalu allaffigitittarpugut, assiliisartumit suleqatigisarnikuusatsinnit Karsten Bidstrup-imit taarsiivigineqaqqulluni attavigineqartarsimasunit. Karsten Bidstrup internet-ikkut bureau-t minnerpaamik marluk atorlugit (not-allowed.dk aamma fechner.legal/en) pilersitseqqaartutut pisinnaatitaanermik innarliisimasunik ujaasisarpoq. Fotodatabasemi atuisuunikunut amerlasuunut attaveqartarsimavoq taarsiivigeqqulluni ’atsiornertalimmik pisinnaatitaanermik’ innarligaasimasutut, tassaasoq tamatigut assiliisup aqqanik assimi saqqummiunneqartumi allaqqanissaanik pisinnaatitaaffik. Taarsiivigineqarnissamik suliat siulliit aallartimmata Karsten Bidstrup-imit assilisat tamaasa photos-visitgreenland.com-imit piiarpagut, kisianni assit internettimiittut fotodatabasemi atuisutsinnit suli downloaderneqartarput. Visit Greenland 2003-mili Karsten Bidstrup-ip assiutaanik pisisarpoq.
Atsiornertaliineq
Ophavsretsloven-imi §3 malillugu pilersitseqqaartutut pisinnaatitaasup pisinnaatitaaffigaa saqqummiussisoqarnermi suliai ’atsiornertaqarnissaat’. Assit ’ammasumik licensi’ atorlugu saqqummersinneqarsimasut atsiornertaqarnissai pisariaqanngillat, soorlu Creative Commons Public Domain-imi, kisianni assini licensit allat atorlugit saqqummersinneqarsimasuni suliat atsiornertalernissai pingaaruteqarpoq. Visit Greenland Karsten Bidstrup-ip assilisaanik atsiornertalinnik pisariaqartunik pisisarpoq, taamaammat assiutiminik atsiornertaqanngitsunik nassaaraangami pisinnaatitaavoq tamanna patsisigalugu taarsiivigeqqunissaq.
Assiliisartut suleqatigisartakkagut allat atsiornertalimmik pisinnaatitaanermik innarlerneqarsimanertik peqqutigalugu taarsiivigeqqullutik fotodatabase-mi atuisartunut allanut attaveqarneq ajorput, taamaammat eqqumaffigeqquarput Karsten Bidstrup-imit attavigineqariaannaanerit – nalaatsortumik assiutaanik saqqummiussisimassaguit. Taamaaliorsimaguit assit taakku piaartumik assinik allanik taarsernissaanik siunnersuivugut.
Ukiut ingerlanerini Visit Greenland-ip assit Karsten Bidstrup-imit pisiai mappemi uani takusinnaavatit. Atuisutut assiutaanik ataatsimik arlalinnilluunniit atuinerlutit nalorniguit ataasiakkaarlugit misissorsinnaavatit.
Nittartakkami saqqummiussinermi nalinginnaasumik assiliisup aqqa assip atiani imaluunniit alt-tekstimi allallugu naammattarpoq – kisianni Karsten Bidstrup-IMUUNNGITSOQ. Assini naqitikkani tamatigut assiliisup aqqa assimut ilanngunnissaa pisariaqartarpoq imaluunniit assip nassuiaataani ilanngunneqarsinnaavoq.
Qujanaq suleqatigiinnitsinnut paasinnissutissinnullu!
Inussiarnersumik inuulluaqqusilluta
Visit Greenland
Continues further down the page...
