Tassaavoq nunarsuaq tamakkerlugu angalasinnaasunut qarasaasiatigut attaveqaatikkut angalanermut tunngasunik soqutiginartitaminnik paasissutinillu ujartuisunut, illit suliffeqarfigisappit qanoq ittuuneranik takutitsisoq. Nittartakkat pitsaassusilersuisarfiit soorlu TripAdvisor, Booking.com aamma Yelp iluaqutigalugit, tikeraaq kinaluunniit illit inoroorsaarfiutigisanni inisimasorisimasat, ulluinnarlugu angallatarisimasat, neriniartarfiutigisanni nerisitarisimasat il. il. misilittakkaminik avitseqateqariaannaavoq – pitsaasumik imal. pitsaanngitsumik – qarasaasiatigut attaveqaatikkut nunarsuarmiut tamarmik takusinnaasaannik nalilersuuteqarnermigut.
... tikeraaq kinaluunniit illit inoroorsaarfiutigisanni inisimasorisimasat, ulluinnarlugu angallatarisimasat, neriniartarfiutigisanni nerisitarisimasat il. il. misilittakkaminik avitseqateqariaannaavoq...
Continues further down the page...
Pingaartuuvoq illit inuttut tigussaasuunerit, tikikkuminartuunerit, attavigineqarsinnaasuunerit, kiisalu tunniusimasutit takutissallugu.
Attaveqaatitigut pitsaasumik nalilerneqartillutit, kissalaarutaasumik akissuteqalaarneq qujaniarnermik takutitsiviusinnaavoq, soorlu ”Qujanaq!” allatulluunniit akissutitut ilassinnissummik. Qisuariarnerit tikeraamut tassungarpiaq takussutissaavoq, illit eqqaamanninernik, aammalu angalanissamut piukkuulersinaasunut uuminngalu naliliinermik atuartumut takutitsilluni, illit tutsuiginartuunernik.
Tamannalu aamma peqqutigalugu, attaveqaatitigut isornartorsiorneqartillutit pisussaaffivit iluaniippoq tamanna iliunniutissatut tigunissaa, ataqqinnittumillu tassunga akissuteqarnissat. Pisariaqartillugu, pissutsit pineqartut nassuiaateqarfigikkit immaqalu allaat utoqqatsissuteqarlutit. Aammaloortumik tikeraamut tassungarpiaq pineqartumut takutitsinerussaaq, pineqartup misigissusai isumaalu soqutigigitit. Angalanissamut piukkuulersinnaasunuttaaq takutissavatit, illit aamma inuinnaagavit aammalu pissutsit isornartorsiorneqartut tullissaanut pitsanngorsaaviginiaritit.
Taamaattumik, illit suliffeqarfippit attaveqaatitigut tusaamaneqarnera aqulissallugu piareerpit?
Attaveqaatitigut najuunneq, nalilersuutinut akissuteqarneq ilaalu ilanngullugit, tusaamaneqarnermik aqutsiniarlutit illit qanoq iliuuseqarsinnaanerit pillugu siunnersuutit uani taakkartorneqartut assersuutit ilaaminiinnaraat.
Paasissutissat annertunerusut aammalu siunnersuutit pitsaasut uani nassaarineqarsinnaapput atuagassiami paasissutissiissummi, Visit Greenlandip pilersissimasaani, Attaveqaatitigut Tusaamaneqarnermik Aqutsineq. Taanna attaveqaatitigut tusaamaneqarnerup aqutsinerullu silarsuaanut illit iseriartuaarninni erseqqissumik aqqutissiuunniarlutit.
Nunarsuarmi inuit attavigeqatigiinnitta iluani assigiimmik oqariartuutillit naammattumik amerlassuseqartillugit takornartat oqaasiinut upperinninnitsigut allannguuteqarsimavugut. Assersuutigalugu illit neriniartarfigisat ullorissanit tallimaasunit 4.5, pulaartuusimasut 500-t naliliineri aallaavigalugit pissarsiarisimagukkit, angalanissaminut piukkoorsinnaasup naliliissutit tutsuiginartuutissavai.
Qitiusumik tamanna isumaqarpoq pulaartup ataatsip misilittagaa pitsaasoq (pitsaanngitsorluunniit), angalanissamut piukkuulersinnaasut tusindilikkaat aaliangerniarnerinut sunniuteqarsinnaasoq.
Taamaattumik, illit soqutigisannut naapertuulluarpoq sapinngisamik pitsaanerpaamik tusaamaneqarnissaq, tassanilu atuisunut kiffartuussineq tunisassiallu pitsaanerpaat, pitsaanerpaamik nalilerneqartarlutik. Tassuunakkut illit tusaamaneqarnerpit sanarfinera, angalanissamut piukkuulersinnaasumik attaveqateqalerninniit aallartittarpoq.
