2016’imi aasakkut Campus Kujallermi imatut atuagassaqarpoq: ”Isumannaallisaaneq, ilisimasat, akunniliulluni sullissineq, nalinginnaasumik sullissineq – kiisalu nuannersumik misigisaqartitsinissaq ukkatarinerullugit, timaani sivisunerusumik takornariartitsisarnermik suliaqarusuttunut, ilinniartitaaneq taanna tulluartuuvoq.
Ilinniartitaanermi eqimattakkaartunik ilinniartitsisoqartassaaq, oqalugiartoqartassalluni, isumasioqatigiittoqartarluni kiisalu ornitassaasinnaasut tikillugit suliassanik misiligaasoqartassalluni.
Continues further down the page...
Islandimi ilinniartitaaneq malillugu kiisalu kalaallit takornariaqarnermik sullissisut assigiinngitsut isumasioqatigalugit, ilinniartitaaneq inerisarneqarnikuuvoq. Ilinniartitaaneq taanna nutaaq, Issittumi Guide-tut ilinniartitaanermut, 2013imi aallartinneqartumut paarlatsissatut periarfissaatinneqarpoq. Akunnerit 8’t sinnerlugit takornarianik angallassisarusuttunut ilinniartitaaneq sammitinneqarpoq.
– Nunanit tamanit misigisassarsiorluni takornariat piumasaqaatigisartagaat tamarmik Kalaallit Nunaanni nassaassaapput, ilinniartitaanermi pisortaq, Rie Oldenburg, oqarpoq.
– Tamannalu pissutigalugu, pinngortitami sivisunerusumik angallassisinnaaneq pingaartinnerullugu guide-tut ilinniagaqarsinnaaneq pisariaqartinneqarpoq.
Naasut, uumasut kiisalu geologii, misisassarsiorlutik takornarianut guide-unermi pariaatsit, angallatinik 12it tikillugit ilaasoqarsinnaasunik inuussutissarsiutigalugu angallassisinnaasutut angusinissaq siunniullugu kiisalu ikiueqqaarnissamut pikkorissarneq siuarsagaq, ilinniartitaanermi ilinniartitsissutigineqartassapput.
Ilinniartitaanermut atatillugu silami sammisassat Ilulissani ingerlanneqartassapput, tamatumalu kingorna Qaqortumi Campus Kujallermi ilinniarneq ingerlateqqinneqartassalluni.
Ilinniartut siulliit 24it Nunatsinni sumiiffinnit tamaneersuupput. Taakkua ilinniarnerminni ukiup affaa siulleq Ilulissani aallartippaat – taakkualu ilinniarnertik decembarimi Qaqortumi Campus Kujallermi naammassissavaat.
Ilinniartitaaneq pillugu annertunerusumik paasisaqarusuttut imaluunniit guide-nngornissamut piukkunnaatilimmik atassuteqarusuttut, uunga saaffiginnissinnaapput: Campus Kujalleq Rie Oldenburg, Ilinniartitaanermi pisortaq Mail: ro@cak.gl
Ilinniartitaanermi ilaatigut sammisarineqassapput; naasut uumasullu; kulturimut atatillugu nunap atorneqarnera, guide-tut sulinermi periaatsit, timaani ikiueqqaarneq (Wildernes First Responder), sermersuup sinaata eqqaani pisuttuarneq, tuluttut oqaatsit kiisalu kulturimik paasisimasaqarneq.
Ilinniartitaanermi eqimattakkaartunik ilinniartitsisoqartassaaq, oqalugiartoqartassalluni, isumasioqatigiittoqartarluni kiisalu ornitassaasinnaasut tikillugit suliassanik misiligaasoqartassalluni. Ilinniartitaanerup 20 procentiata missaani – Imarsiornermik Ilinniarfik suleqatigalugu, angallamik 12it tikillugit ilaasoqarsinnaasumik ingerlatsisinnaanermut uppernarsaammik tunineqarnissamut piumasaqaatit ilinniartitsissutigineqassapput.
