Cruise Forum 2025-imut peqataagit – tassani ukkatarissavagut

Kalaallit Nunaanni umiarsuit takornariartaatit atorlugit takornariaqarneq sukkasuumik ineriartorpoq, ukioq 2024 pisoqarfioqaluni iluatsitsiffiulluarluni aammalu pingaarutilinnik misilittagaqarfiulerpoq. Suliaqarfillu manna nukittorsarniarlugu siunissamullu akiuulluarsinnaanngornissaa qulakkeerniarlugu, Kalaallit Nunaanni umiarsuit takornariartaatsit atorlugit takornariaqarnerup akisussaassuseqartumik ineriartortinneqarnissaanut ataatsimoorluta siunnerfiliinissarput pingaaruteqarpoq. 

Asasarput nunatsinni umiarsuarnik takornariaqarnikkut suliffissuaqarnermi suleqat

Cruise Forum 2025 tassaavoq suliaqarfik manna akimorlugu paasisimasaqalernissamut suleqatigiinnerullu nukittorsarnissaanut illit periarfissat. Suleqatigiinneq, ilisimasatigut siammarterineq ataatsimoorlunilu suliniarneq aqqutigalugit, najukkami inuiaqatigiinnut  suliassaqarfinnullu, taakkulu ataatsimoorlutik iluaqutissaannik periusissanik ineriartortitsisinnaavugut, umiarsuillu takornariartaatit 2025-imi angallatilernissaat  piareersarlugu. 

Cruise Forum 2025-imut peqataagit – tassani ukkatarissavagut

• Suliassaqarfik nunalu akimorlugit maanna suleqatit siunissamilu suleqatigilerumaagassat
• Umiarsuit takornariartaatit atorlugit takornariaqarnerup ineriartorneranut sinaakkutit, politikkikkut anguniakkat takornariaqarnermullu inatsisip isumaa 
• Takornariaqarnikkut suliffissuaqarnermi atuuffiit assigiinngitsut, taakkulu qanoq isumaqarnerat  

Peqataanissat pingaaruteqarpoq, pissutigalugu umiarsuit atorlugit takornariaqarnerup, Kalaallit Nunaat tamaat sunneqqammagu – najukkami suliffeqarfinniit takornarialerisuniillu, kommunit oqartussallu ilanngullugit.

Ataatsimiinnermut paasissutissaasinnaasut
Ulloq 25. martsi 2025
Piffissaliussaq 08:30 – 17:00 (Peqataasunik nalunaarsuineq 08:00-miit 08:25-mut ingerlanneqassaaq)
Sumiiffissaq Hotel Arctic, Ilulissat
Oqaatsit atorneqartussat Kalaallisut qallunaatullu toqqaannartumik oqaluttaasoqassaaq

Ornigullutit peqataanissannut periarfissaqanngikkuit, internetikkut (online) peqataasinnaavutit.

MALUGIUK: Pisinnaasarput tamakkerlugu internetikkut (online) peqataaneq pitsaanerpaajutinniarsarissavarput, tamakkiisumilli Cruise Forum 2025 pissarsiaqarfigineqassappat ornigulluni peqataanissaq innersuussutigerusupparput.

Peqataanissamut nalunaarnissaq pisariaqarpoq
Inissat qulakkeerniarukku kingusinnerpaamik ulloq 17. martsi 2025 nalunaareersimassaatit. 

Takuss!