Mobil smartphonit atuisuminnut iluaqutaasunik nipiliorlutik sajukulaarlutillu kaasarfimmiorineranni ilinnut nalunaarut e-maililuunniit takkuppat nalunaarfigitikkaangavit, inuit ilinnik pissarsiarinninniartut pissarsiarinissat naatsorsuutigisarpaat.
Continues further down the page...
Nunarsuarmi misissuinerit naapertorlugit e-mailit affai nalunaaquttap akunnerata ataatsip imaluunniit nalunaaquttap akunnerisa marluk ingerlaneranni akineqartarput.
Siunnersuut: Allaffimmiunerusoq ulloq naallugu qarasaasiamut qanillutit suliguit, nalunaaquttap akunneri taakkua marluk akinissannut siunertarisinnaavat. Immaqaluunniit allaat allaffimmi unammisitsilaarlutit. Sulisoq emailinik nalunaaquttap akunneri marluk ataallugit akisinerpaaq qaammatip ingerlanerani arlaanni eqquisinnaavoq.
Misissuinerit takutippaat, ullut marluk qaangiunnerini ilinnit akissummik ujarlerunnaartartut.
Nunat akornanni piffissap nikinganera kinguaattoorutinut tunngaviulluartarput, tamanna pisarpoq ataatsimiigiarsimagaangavit, ulloq taanna angalagavit imaluunniit piffissaarukkavit.
Misissuinerit takutippaat, ullut marluk qaangiunnerini ilinnit akissummik ujarlerunnaartartut.
Tunngaviusoq nassuiaatitassaqarluartoq kiserngoruttoq tassaavoq, akisassatit soqutiginnginnakkit. Angalasussanik pilersaarusiornermi pilersaarusiorneq illit akinnginnerit peqqutaalluni unitsinneqarneq ajorpoq. Tamatumunnga taarsiullugu pinngortitami pisunnissat unammillertsivit neqeroorutai misissorsinnaavaat imaluunniit angalatitsivik saaffigisimasinnaavaat, akineqannginneq arlaleriarlutik misigigamikkut aalajangerlutillu, najukkami takornarialerisut toqqaannartumik attaviginissaat ajornarpallaartoq.
Siunnersuut: Akinissamut nalunaaquttap akunneri marluk ajornarpat, taava sivikinnerpaamik ullut marluk ingerlaneranni akinissat isumagissavat. Piffissaq ingerlatillugu, attaviginninniartup suliffeqarfiutinnut soqutiginnikkunnaaraluttuinnassaaq. Allatut oqaatigalugu, niueqatigiinnermi periarfissaq amigaataavoq. Takornarissanillu nunani tamalaani sullissisartoq akinngikkaanni, niuernissamut periarfissanik untritilinnik annaasaqarneruvoq.
Aamma nunarsuarmi tamarmi misissuinerit naapertorlugit, emailimik akisisarneq minutit marluk ingerlaneranni pisarpoq. Aamma qularinngivippara, emailit nammineerlutik akisartut misissuinermut matumunnga sunniuteqartorujussuusut, kisianni eqqartortillugu….
Siunnersuut: Nammineerluni akisartoq sukkasumik attaveqatigiigasuaataasinnaavoq. Taanna toqqaannartumik inummik attaveqartitsineq ajorpoq inuillu nalunngilaat, kingusissukkullu akineqarnerminnut nassuiaatissarsisarlutik. Soorlu assersuutigalugu sulinerit angallassinerilluunniit peqqutigalugit qarasaasiaq qimaqqakulasarukku, inuit naluneq ajorpaat, nammineerluni akisartup tamanna nalunaarutigisarpaa qaqugulu uternissat ilisimatitsissutigisarlugu.
Facebook sullitaminnut inuussutissarsiortunut takutittarpaa, suliffeqarfiup quppernera aalajangersimasoq “minutsialuit ingerlaneranni”, “nalunaaquttap akunnerata ataatsip iluani” imaluunniit “nalunaaquttap akunniminaaluisa iluanni” akisartoq. Aammattaaq immikkut ittumik ersarissarneqarsimavoq “nalunaarutit qisuariarfigineqapallattartut”, ulluni arfineq-marlunnilu kingullerni nalunaarutit tamarmik 90%-ii minuttit 15’it qaangiutinngitsut akineqarsimasut.
TripAdvisorip aamma piffissaq akinissamut atorneqartoq suliffeqarfiutillit nalunaarutit kingulliit 20’t akinissaannut piffissaq qanoq sivisutigisoq akisimanersut misissortarpaa. Taakku oqarput, suliffeqarfiit nalunaaquttap akunneri arfinillit imaluunniit sivikinnerusumik qisuariartut sivisunerusumik qisuariartunit marloriaammik inniminniiffigineqartartut.