FAQ – Nannunik takusassarsiorneq

• Kalaallit Nunaanni akiliilluni takornariaqarnermut akuersissumik pisoqarsinnaavoq Kalaallit Nunaanni najugaqaraanni aammalu minnerpaamik ukiuni marlunni tamakkiissumik akileraarusigaasaraanni. Una takuuk
• Kalaallit Nunaat tamakkerlugu inuinnaat nannunik takusassarsiortitsisinnaanissamut akuersissummik qinnuteqarsinnaapput. Qinnuteqartorli Kalaallit Nunaata suani takusassarsiortitsisarnissani nalunaarutigissavaa.
• Piginneqatigiiffiit imaluunniit aktieselskabit Kalaallit Nunaanni inissisimasut, suliffeqarfiit namminersortut imaluunniit soqutigisaqaqatigiit ingerlatseqatigiifii, Kalaallit Nunaanni inunnik nalunaarsuisarfimmi allaqqasut aammalu minnerpaamik ukiuni marlunni Kalaallit Nuanaanni akileraarusigaasartut akuersissummik qinnuteqarsinnaapput, kommunimi sumiiffimmi nunap ilaanik nannunik takusassarsiornissamut periarfissaqartoqartillugu.
• Umiarsuit takornariartaatit nunanit allaneersut nannunik takusassarsiorusussappata, nunaqavissumik ingerlatsisumik imaluunniit suliffeqarfimmik akuersissutilimmik suleqateqarlutik tamanna pisinnaavoq. (Maannakkut akiliilluni takornariaqarnermi nannunik piniarnertaqanngitsumik akuersissummik piginnittoqanngilaq).

• Nannunik takusassarsiorneq inuinnarnit imaluunniit suliffeqarfinnit tunisassiatut neqeroorutigineqarsinnaavoq. Tassa imaappoq, akiliilluni piniarneq nalinginnaasumillu nannunnik piniarneq pineqartillugu akiliilluni takornariaqarnermik nannumik piniarnertaqanngitsumik neqerooruteqartoqaqqusaanngilaq.
• Timmisartut, qulimiguullit aamma qamutit motoorillit, qamuteralaat, ATV aamma dronit ilanngullugit akiliilluni takornariaqarnermut atorneqaqqusaanngillat.
• Takornariaqarnermi sammisassaqartitsinerup iluani akiliilluni takornariaqarneq ataatsimut taaguutaavoq sammisassani nannut, piniarnertaqanngitsut, pineqartillugit.

Takornariaqarnermi akuersissut tassaavoq pisortaqarfiup suliffeqarfiullu akornanni isumaqatigiissut, isumaqatigiissut nunap ilaani sammisaqarnermik aalajangersimasumik suliffeqarfiup kisermaassisinnaaneranik tunniussisoq.

• Takornariaqarnermi akuersissutit atuuttuussusaasa sivisussusaat assigiinneq ajorput. Takornariaqarnermi akuersissutit pigineqarsinnaapput ukiut 5-20 akornanni, takornariaqarnermi akuersissummik qaangiuttoorsimagaanni sivitsuinissamut periarfissaqarpoq.
• Takornariaqarnermi akuersissummik piginnittut ukiumut ataasiarlutik Naalakkersuisunut nalunaarutinik sammisaqartitsisimanernik imalinnik tunniussisassapput.

Kommuni nunap ilaani sammisaqarnissamut tunniussisimappat akiliilluni takornariaqarnermik nannunik piniarnertaqanngitsumik akuersissummik qinnuteqartoqarsinnaavoq.

• Takornariaqarnermi akuersissut suliffeqarfimmut allamut tunniunneqarsinnaavoq, aatsaat Naalakkersuisunit akuerineqarsimappat. Takornariaqarnermi akuersissut tamanut ammasumik tunniunneqartarpoq inatsit una malillugu.
• Suliassamik ingerlatsineq Nunanut Allanut, Inuussutissarsiornermut Niuernermullu Naalakkersuisoqarfimmi suliarineqartarpoq.

Naamik. Nannut Kujataata Kangianiittut eqqissisimatitaapput taamaammallu piniarneqaqqusaanatik. Tamanna nannunut ajornartorsiortitsisunut, arlaleriaq qimaasinniarneqaraluartunut, atuutsinneqanngilaq. Nannunik piniarneq illersuinerlu pillugit inatsit uani takuuk.

Takornariartaatit (nunaqavissumik ingerlatsisumik akuersissummik piginnittumik ilaqarlutik) nannunut minnerpaamik 200 meterinik ungasitsigissavaat. Akuersissuteqaqqaarnani nannunik takusassarsiortitsineq inerteqqutaavoq.

Kalaallit Nunaanni najugaqaraanni qinnuteqaammik immersueriarluni Nunanut Allanut, Inuussutissarsiornermut Niuernermullu Naalakkersuisoqarfimmut nassiussilluni qinnuteqartoqarsinnaavoq. Paasissutissat allat aamma qinnuteqarnissamut immersugassat: www.sullissivik.gl -mi nassaarisinnaavatit.