Greenland Tourism Award tassaavoq takornarialerisartumik pikkorissumik takornariaqarnermik inuussutissarsiortut allat namminneq nersornaasiinerat.
“Kalaallit Nunaanni takornariaqarnermut atatillugu sulilluarsimallutillu puigunaatsunik tunniussaqarsimasunut taamaalilluni nersornaasiisoqartarpoq”,
Air Greenlandimi pisortaq, Jacob Nitter, oqarpoq.
Piujuartitsinissaq tunngavigalugu takornariaqartitsinermik eqqarsaat Greenland Tourism Awardimi aallaaviusoq, ajugaasutullu toqqarneqartup sulineranut makkua tunngavilersuutaallutik; pitsaassuseq, isumannaallisaaneq, avatangiisit kiisalu pinngortitaq, sumiiffimmi najugalinnik peqataatitsineq kiisalu inerisaaneq.
“Takornariaqartitsinermut atatillugu piujuartitsineq imminullu akilersinnaasumik ingerlatsineq tassaavoq takornariaqarnerup iluani suliffissanik pilersitsineq, Kalaallit Nunaanni pinngortitamut pisuussutinullu atatillugu ineriartortitsineq kiisalu isumannaallisaanermik annertusaaneq”,
Visit Greenlandimi pisortaq, Julia Pars, oqarpoq.
Tassalu tamakkununnga atatillugu nutarterilluartoq Greenland Tourism Awardimik nersorniarneqarpoq. Taamaammat immikkut ilisimasallit tulluusimaarlutik toqqarpaat:
Lars Peter Anker Møller, Arctic Dream, Greenland Tourism Award 2019imi ajugaasoq.
2007imili qimussernermik, piniarnermik, imaatigut angalanermik, qajartornermik, aalisarnermik Tunumilu qaqqasiornermik aallussaqarpoq. Pisisartup misigisaqarluarnissaa, paasissutissiisarneq akisussaanerlu eqqarsaatigalugit Arctic Dreamimit immikkut suliniarnikuuvoq.
Video takuuk ajugaasullu nersorniarneqarnerani peqataallutit:
Continues further down the page...
