Greenland Tourism Award 2019imi ajugaasussatut piukkunneqartut nassiussorneqareermata, nalilersuisussat immikkut ilisimasallit (Visit Greenland, Air Greenland kiisalu Greenland Business) ajugaasussaq nassaariniarlugu nalilersuilerput.
Maannakkumiit Greenland Tourism Award aqqutigalugu Kalaallit Nunaanni takornarialerinermik inuussutissarsiortoq ataaseq nersorniarneqartalissaaq. Tassa takornarialerisuni piukkunneqartut akornanniit ataaseq toqqarneqartassaaq. Taamaalilluni Greenland Tourism Award aqqutigalugu takornarialerillammaat nersorniarneqartassapput, killiffiusumut eqqaasitsissuteqarlutillu Kalaallit Nunaanni takornarialerisut suleqatigiinnerulernerat pilersinneqassaaq.
Takornarialerinermut atatillugu isumassarsiatsialaat erseqqarissarnissaannut, angusat pitsaasut persuarsiutiginissaannut, minnerunngitsumillu allanut isumassarsiutaasussamik nersornaasiinissamut, Greenland Tourism Award periarfissatsialaavoq.
Takornarialerinermi nioqqutigineqartoq, nungusaataannginnermik pinngortitamilu akornusersuinnginnermik eqqarsaammik salliutitsisoq, Greenland Tourism Award aqqutigalugu nittarsaanniarneqarpoq. Qitiusumik oqaatsit ataani allassimasut immikkut maluginiarneqarput:
Kalaallit Nunaanni takornariaqarnerup ineriartortsinnissaanut pitsaassutsit piujuartinnissaat pingaaruteqarpoq. Sorpassuit pitsaassutsimut atatinneqarsinnaapput, Greenland Tourism Awardimi ”misigisat nuannersut” pitsaassutsimut aallaaviginiarneqarput. Nioqqutigineqartoq pisisartumut qanoq saqqummiunneqarpa kiisalu isumannaallisaaneq, pinngortitaq inuit naapeqatigiittarnissaat kiisalu inerisaaneq misigisaqartitsiniarnermi qitiutinneqarnersoq maluginiarneqassaaq.
Greenland Tourism Award 2019imik kina nersorniarneqartoq ungasinngitsukkut saqqummiutilerutsigu malinnaagina.
Continues further down the page...
