Greenland Tourism Award tassaavoq takornarialerisumik pikkorissumik nersuineq. Ajugaasoq ilaatigut takornariaqarnermik inuussutissarsiutilinnit aamma toqqarneqarsimavoq, ”taamaalillutik takornariaqarnermik inuussutissarsiortut sulianik pitsaasunik nersueqataapput, Kalaallillu Nunaata takornariaqarnerani periarfissanik pilersitsillutik”, Jacob Nitter, Air Greenlandimi pisortaaneq oqarpoq.
”Maligassiuisunut, nutaaliorsinnaanerullu sumiiffimmi inuiaqatigiinnut takornarianullu iluarisimaarinnittunut qanoq sunneeqataasinnaaneranik takutitsisunut nersorinninneruvoq,” Christian Wennecke, Innovation Greenlandimi pisortaq oqarpoq.
Greenland Tourism Award, piujuartitsinermik eqqarsartariaatsimut tapersiivoq, ajugaasorlu toqqarneqarsimavoq oqaatsit ukua qitiutillugit; pitsaassuseq, sillimaniarneq, avatangiisit pinngortitarlu, innuttaasunik peqataatitsineq nutaaliorsinnaanerlu. Covid-19 peqqutigalugu nutaaliorsinnaaneq ukioq manna pingaartumik ukkatarineqarsimavoq.
”Takornariaqarnermi piujuartitsineq suliffeqarfimmi allanngortitseriasaarnissamut piareersimasinnaanermut, nalaatsinerlunnermilu qaangiilluarsinnaanermut aamma tunngaveqarpoq”, Mads Skifte Souschef, Visit Greenlandimi pisortap tullersortaa oqarpoq.
Takornarialerisoq sammisani taakkunani naleqqussallaqqissoq allannguinissamullu ammasoq Greenland Tourism Awardimi nersorniarneqarsimavoq. Taamaattumik immikkut ilisimasallit tulluusimaarlutik toqqaasimapput ilisaritillugulu;
Diskobay Tours, Frank Larsenimit aamma Nivé Heilmannimit pigineqartoq 2014-miilli misigisassarsiorlutik takornarianut pitsaassusermik, sillimaniarnermik minnerunngitsumillu sullissinermik pitsassuarmik takutitsisarsimapput. Kalaallit Nunaanni pissutsinut pinngortitameeriaatsinullu unneqqarissusertik aqqutigalugu misigisassanik ukuninnga ammaasimapput; serminik iigartartunik misigisassarsiorneq, qimusserneq, pisunneq, imaatigut angalaarneq, tuperni illuaqqanilu Qasigiannguit eqqaaniittuni unnuineq. Qeqertarsuup tunuani takornariaqarnermi ineriartortitseqataalluarsimapput.
“Diskobay toursip ukioq manna Tourism Awardimik pinnannera tusarlugu assut tupaallaatigalugulu tulluusimaarutigaarput. Nuanneqaaq Qasigiannguani Qeqertarsuullu Tunuani takornariaqarnermik ineriartortitseqataanerput maluginiarneqarmat. Uagutsinnut takornariaqarnerup siammarternissaa sumiiffiullu ineriartortinnissaata qulakkeernissaa pingaaruteqarsimavoq. Taamaattumik iluatsillugu Qasigiannguani tapersersorneqarnerput qujassutigaarput. Qimussiussisartuniit takornariartitsisartuniillu tapersersorneqartinnata maanna angusarput angusinnaasimanavianngikkaluarparput. Uagutsinnik toqqaasimasunut ulluinnarnilu tapersersortitsinnut qujanarujussuaq.
Immikkut ilisimasallit Visit Greenlandimeersut, Air Greenlandimeersut Innovation Greenlandimeersuullu erseqqissaapput, Greenland Tourism Award ukiut tamaasa ingerlanneqartassasoq. Kalaallimmi Nunaanni takornariaqarnermi inuussutissarsiortut akornanni ineriartortitsinermik takutitsinissamut periarfissatsialaavoq.
Ukioq manna immikkuullarissumik ataatsimiititaliap “People’s Choice Award” pilersissimavaat, takornarialerisoq immikkut ittumik takornariaqarnermik inuussutissarsiortunit toqqarneqarluarsimasoq sullissilluartartorlu nersorniarlugu. Toqqarneqarsimavorlu:
“Tupaallaatigaluguli tulluusimaarutigeqaara people’s choice awardimik, uanga suliakkalu nersorniarlugit pilersitsisoqarsimammat. Nuannaarutigaara tusarlugu sullitannut sullissilluartarsimanera. Taakkoqanngikkaluarpat tamanna angusimanavianngikkaluarpara. Visit Greenlandimut ataatsimiititaliamullu aamma qujarusuppunga awardimik uuminnga ajugaatimmannga.”
Diskobay Tours, Nivé og Frank, oqarasuaat 266038
Travel by heart, Elise Bruun, oqarasuaat 550905
Visit Greenland, Pisortaq Hjörtur Smarason, oqarasuaat 34 28 31
Air Greenland, Pisortaaneq Jacob Nitter, oqarasuaat 34 34 34
Continues further down the page...
