Nersornaammik pinnannermi isumassarsiatsialannik pilersitsinernillu erseqqissaanissamut, suliamullu nalliuttorsiutiginninnissamut nersorneqarnissamullu periarfissatsialaavoq, takornariaqarnermilu suliaqartunut tamanut isumassarsititsisinnaalluni.
Corona nalaanneqarpoq inuuniuterpullu piffissap ilaani matuneqavissimavoq. Pisoq nammineq aqussinnaasimanngisarput.
Greenland Tourism Award una aqqutigalugu takornarialerisoq ataaseq nersorusupparput; immikkuullarissoq, allaanerusumik eqqarsarsinnaasimasoq Coronamillu nalaatsinerlunnermi qunusuilluni nutaaliullaqqillunilu aniguilluarsimasoq.
Kina toqqarusuppiuk?
Nersornaatip takornarialerisoq ataaseq, Coronamik nalaatsinerlunnermi nutaaliullaqqissutsimigut aniguilluarsimasoq erseqqissarusupparput. Suliffeqarfik pitsaassutsimigut, isumannaassutsimigut sumiiffimmilu pimoorussinermigut piujuartitsisumik ineriartortitsinissamut tapersiisoq.
Toqqaanermi oqaatsit ataani allassimasut ukkatarineqassapput;
Pitsaassuseq ”misigisatsialammik” aallaaveqarpoq, tassa misigisassaq/tuniniagaq pisiniamut qanoq saqqummiunneqarnersoq sumiiffimmilu qanoq naleqartitsinersoq. Dommerit aamma isumannaassuseq, pinngortitaq piorsarsimassuserlu, kiisalu nutaaliullaqqissuseq isiginiassavaat, tassaasut misigisaqartitsinermi qitiulluinnartut.
Greenland Tourism Award Visit Greenlandimist Air Greenlandimillu aaqqissuunneqarpoq, Innovation Greenlandilu dommerioqataalluni.
Inuk imaluunniit suliffeqarfik aalajangersimasoq, Kalaallit Nunaanni takornariaqarnermut immikkut ittumik suliniuteqarsimasoq piukkussatut toqqaruk, nersornaatit suussusaat qulaani allassimasut malillugit.
Takornarialerisoq imaluunniit suliffeqarfik takornarissanik sullissisoq Kalaallit Nunaanni nalunaarsorneqarsimasoq arlaalluunniit piukkussatut toqqarsinnaavat.
Piukkussat aalajangiinermi tunngaviit aalajangersimasut malillugit nalilersorneqassapput ajugaasorlu dommerinit attuumassuteqanngitsunit, sammisamullu nalunngisaqarluartunit toqqarneqassalluni.
Continues further down the page...
