Isumaqatiigiissut atsiorneqarsimasoq tunngaviutillugu, Icelandair aamma Visit Greenland, Kalaallit Nunaannut angallanneq atoruminarnerulernissaa sulissutigigaat, takornariaqarnerlu siuarsarnissaanut tapersersuinerannut ersersitsivoq. Suleqatigiinnissamut isumaqatigiissut 2027-ip naanissaata tungaanut atuutissaaq. Kalaallit Nunaannut angallannikkut attaveqaatit pitsanngorsarniarlugit aammalu nunarsuarmi angalaffissatut avinngarusimanerpaat ilaannut angalanermi tamakkiisumik misigisassat pitsanngorsarniarlugit qanimut suleqatigiissapput. Icelandair ajorsitassaanngitsumik Kalaallit Nunaanni uku tikiffigisarpaai Nuuk, Ilulissat, Kulusuk aamma Narsarsuaq.
Nuummut tikissinnaasut amerlasussaat annertusiniarput
Ukioq manna Maaji aallarnerfigalugu Icelandair-ip Kalaallit Nunaanni illoqarfiit pingaarnersaannut Nuummut timmisartuussisarnini annertusiniarpaa, 2025-imi tikissinnaasut 120%-imik amerlineqarnissaat pilersaarutaalluni. Kalaallit Nunaata angalaffissatut soqutigineqarnerulerneranut annertusaaneq ersersitsivoq.
Anne Nivíka Grødem, Pisortaq, Visit Greenland, oqarpoq:
“Visit Greenland sulissutigaa takornariaqarneq – nunaqavissunut, inuussutissarsiorlutik takornarialerisunut aammalu nunat tamalaat akornanni tikeraanut naleqarnerulersitsisoq.
Timmisartuussinerit pitsanngorsarneqarnerisigut periarfissat nutaat, takornariaqarnikkullu nuna tamakkerlugu iluaqutaanerulernissaa pilersinneqarpoq, tamannalu qilanaaraarput ineriartortinnissaa Icelandair, suleqatigisartakkagullu allat peqatigalugit.”
Bogi Nils Bogason, Siulittaasoq aamma pisortaq, Icelandair, ilanngussivoq:
“Kalaallit Nunaat Icelandair-imut niuerfiuvoq pingaarutilik ineriartortorlu, tulluusimaarutigaarpullu Visit Greenland-lu suleqatigiinnerput iluatsilluarnikuusoq, ingerlateqqissinnaagatsigu. Kalaallit Nunaanni tikittakkagut sisamat attaveqaqtigiilernerisigut, timmisartuussinikkut angallafigisartakkagut Island aqqutigalugu, maanna Kalaallit Nunaat, Europa aammalu Amerika Avannarlermi angalaffigisatta 60-it akornanniituni attaveqaatit pitsaanerpaat ilaat neqeroorutigisinnaavagut.”
Attavissaq:
Icelandair – Media Relations
Guðni Sigurðsson
[email protected]
+354 822 7711
Visit Greenland – Head of International Relations
Tanny Por
[email protected]
+45 20 76 96 90
Continues further down the page...
