Ukiuni kingullerni qulini tunniussarisimasaanik nuannaarutiginninnerput matumuuna ersersinniarparput.
Idrissia Thestrupip takornariaqarnerup iluani sulinini 2010-mi Destination Northgreenlandimi Ilulissaniittumi aallarnerpaa, kingornalu Nuuk Tourismimi Sales & Cruise Manageritut sulilerluni. 2013-imi Visit Greenlandimi suliniutinik ataqatigiissaarisutut sulilerpoq, taamanerniillu suliffeqarfimmut ilaalerluni.
Idrissia Visit Greenlandip aaqqissugaanerata allanngortinneqarnera pissutigalugu allaffimmut Nuummiittumut nuunniarani aalajangiussimavaa, taamalu Visit Greenlandimi naggataamik sulisussanngussalluni juunip ulluisa 23-anni.
Idrissia Thestrupip tunniusimalluni sulinera Visit Greenlandip avammut saqqummertarneranut aammalu nunatsinnit nunanillu allanit qanoq isumaqarfigineqarneranut pitsaasumik sunniuteqarsimavoq. Nunap takornariarfittut ineriartortinneqarnissaanik pilerisaarinermillu ilisimasaqarnera Kalaallit Nunaanit misigisassarsiorniartut pillugit takornarialeriffiuneranut siuarsaaqataasimavoq.
Visit Greenlandip Idrissia siunissamik pitsaanerpaamik kissaappaa, suliffeqarfimmullu tunniussinnaasimasai qujamasuutigeqalugit. Idrissia Thestrup Visit Greenlandimit soraaruni siunnersortitut namminersortutut nutaanik unammilligassarsiussaaq.
Continues further down the page...
