Julia Pars ukiuni kingullerni qulini nunatta piorsarsimassutsikkut illorsuani, Katuami, pisortaanerusimavoq taamaammallu misigisassaqartitsinissamut aqutsinermullu tunngasunik misilittagaqarluni. Julia Henley Business Schoolimiit (Tuluit Nunaanni) MBA angusimavaa, kiisalu takornariaqarnermut atatillugu akademiøkonomitut ilinniagaqarluni. Julia 1992 aamma 2007 akornanni Kalaallit Nunaanni takornariaqarnikkut sunniuteqarsimavoq. Piffissami tassani Greenland Tourismimi assigiinngitsunik suliaqarsimalluni, soorlu aamma pisortaanermut tullersortaasimasoq.
Continues further down the page...
Julia Kalaallit Nunaat nalunngilluarpaa. Ilulissani inunngorpoq, ukiulli kingulliit arlalissuit Nuummi najugaqarsimalluni. Ukiut kingulliit qulit takornariaqarnikkut toqqaannartumik akuunngikkaluarluni Juliap inuussutissarsiutip ineriartornera malinnaaffigisimavaa. Minnerunngitsumillu nunatta avammut ilisarnaatigilersimasaa “Pioneering Nation”, pisortaanertut siuliata Anders Stenbakkenip siuttuuffigisimasaata, ineriartortinneqarnera malinnaaffigisimallugu.
Nunatta nunallu immikkoortuisa immikkut ilisarnaataat kiisalu tusagassiutitigut tuniniaasartutigullu suliat tunngaviullutik Kalaallit Nunaat nunarsuarmi erseqqarinnerulersimavoq. Takornariat erseqqarissumik kikkuunerannik nassuiaasersuinermi takuneqarsinnaavoq misigisassarsiortartut nunatta pinngortitaanik assissaqanngitsumik sakkortusinnaasullu piorsarsimassutsimillu immikkuullarissuusumik misigisaqarusuneq aallaavigalugu takornariartartut. Nunarsuarmi takornariaqarneq annertusiartortillugu Kalaallit Nunaannut pingaartuuvoq tikeraartut pinngortitamik inuinillu naapitsineranni immikkuullarissumik misigisaqartissinnaanissaat.
(…)Siunissamilu aamma nunap immikkoortui sumiiffinnilu takornarialerisut peqatigalugit takornariaqarnerup inerisaqqinnissaa aallunneqassalluni.
Julia Pars isumaqarpoq nunatta ilisarnaatigiligaa ukiuni aggersuni suliffeqarfiup suleriaqqinnissaanut toqqammavigissaarutigissagaa. Siunissamilu aamma nunap immikkoortui sumiiffinnilu takornarialerisut peqatigalugit takornariaqarnerup inerisaqqinnissaa aallunneqassalluni. Takornarialerinerup imminut napatissinnaalernissaa anguniarlugu inuussutissarsiut nunatsinnut tamanut ukiorlu kaajallallugu inuussutissarsiutaalernissaata siammarneqarnissaa misilittariaqarnera pingaartuusorivaa, taamaalilluni Kalaallit Nunaanni takornarialerineq taamaallaat aasakkut qaammatit pingasuinnaratik sivitsornissaat.
Visit Greenlandimi siulersuisut Julia Parsimik Kalaallit Nunaanni takornariaqarnermik inerisaaneq aamma avammut nittarsaassinikkut suleqateqalernissartik qilanaarivaat
Apeqqutissaqartoqaruni siulittaasoq Kenneth Høegh saaffigineqarsinnaavoq.
Oqarasuaat +299 56 56 04
E-mail: keho@kujalleq.gl
