Sikuiuitsumi Kujallermi angalasitsisanngikkaanni, Kalaallit Nunaanni assartuiniarneq allani ornigassani pissanganartorsiorfinni pissutsinut assingunavianngilaq.
Pinngortitaq avatangiisillu qanoq innerat aalajangiisuujuaannarpoq sunaluunniit qularnaavissorneqarsinnaanngilaq. Timmisartut qanoq ittut atorneqarniarnisaannut allaat aaliangiipput.
Kalaallit Nunaanni angalanermi tunngaviusumik pisariaqartitat eqqaaniaqqillugit, ´Greenland 101 clips´ nunani tamani nunallu iluani angalanermut tungasut isiginnaakkit.
qularnaveeqqusiinissaat pillugu sukumiinerpaamik siunnersuutigiuaannaruk, kinguartoorsinnaanerlu eqqarsaatigalugu ullunik arlalinnik angalanerup sivitsorsinnaanissaa piareersimaffigisariaqartoq paasissutissiissutigalugu.
Continues further down the page...
Piviusoq: Nunarsuatsinni timmisartuutileqatigiinnut allanut sanilliullutik Air Greenland aamma Air Iceland sinnilimmik nassatanut annertuumik akiliisitsisarput.
Air Greenlandimik akikinnermi angalasup ataatsip nassatarisinnaasaasa killigaat 20 kg / 44 lb tigummiarlugulu nassarsinnaasap ataatsip killigalugu 8 kg / 18 lb. Akisunermik angalasut nassarsinnaasaasa killigaat 30 kg / 66 lb; taakkua aamma tigummiarlugit nassarsinnaasaasa killigaat 8 kg / 18 lb, marlunnik katillugit 8 kiilunik nassataqarsinnaatitaallutik.
Nassatat pillugit Air Greenlandip aaliangersagai uani atuakkit www.airgreenland.com.
Air Iceland assigiinngitsunik periarfissaqartitsivoq, nassatalli ataatsimut poortukkat nalinginnaasumik oqimaassuseqartussaapput 20 kg / 44 lb tigummiarsinnaasallu killigalugu 6 kg / 13 lb. Akisunermik angalasut marloriaammik oqimaassusilinnik nassarsinnaatitaapput.
Nassatat pillugit Air Icelandip aaliangersagai allat uani atuakkit www.airiceland.is.
Kalaallit Nunaanni mittarfiit takissusaannut naleqqussaallutik, timmisartuutileqatigiit tiimmisartunik sarpilinnik mikisunik imaluunniit qulimiguulinnik atuisariaqartarput. Inuit nassatallu killilimmik inissaqarnerat pissutaanerpaavoq.
Timmisartumut ilaanerit tamaasa oqimaannerusunik nassatat akilerneqartassapput. Angalanermilu timmisartut arlallit ilaaffigissagaanni akitsoriartupallassinnaalluni. Ilaasut tamarmik oqimaatsunik nassataqartillugit, isumannaallisaaneq pissutigalugu ilaasut aamma oqimaalutarneqartariaqarnikuupput.
Atisat oqimaannerit, soorlu tuluujussuaq issusooq imaluunniit jakkit kamippaallu pisuttuarutit angalaninni atortakkit.
Ukiuunerani angalanermi takornariat oqorsarluarsimanissaat ilimanareerpoq.
Aasaanerani Qeqertarsuup Tunuani qulimiguulimmik angalasoqarsinnaanngilaq. Pissutsit sivisuumik taamaannikuupput. Sumiiffiit akornanni Disco Line namminersortullu imaatigut angalatitsisarput. Air Greenlandip qulimiguuliutai attartorlugit Disko Line qaqutigut angallassisarpoq.
Qeqertarsuup Tunuani Kujataanilu sullissinissamut Naalakkersuisut Disko Linemik 2017´imi isumaqatigiissuteqarput. Tamatuma kinguneranik Ilulissani, Aasianni Narsarsuarmilu angallassinermik Air Greenland isumaginnittuujunnaarpoq. Disko Linep angallassisarnera pillugu uani atuarit http://www.diskoline.dk/en/.
Disko Line aamma Air Greenland assigiinngilluinnartumik allanillu isumaqatigiissuteqaratik angallassisartuupput, taamaammallu soorlu sila pissutigalugu kinguartoornerit (unnuiffissaqartitsinikkut akeqanngitsumilluunniit nerinissamut) periarfissiinikkut nunat tamat akornanni angalasut taarsiiffigineqartanngillat.
Imaatigut angalanerit akunnernik arlalinnik sivisussuseqarsinnaasarmata angallatasi tamulugassanik taqusseqqusakkit, angalanermilu silamiikkusussappata naleqquttunik atisassanik nassaqqusarlugit. Taakkua tassaapput pitarneqarsinnaanngitsut qaleriiaat kiisalu kamippaat qajannaatsut quaannaveequtillit.
Angalallutit arlaannik nalaataqaruit akiliiginnarlutit aaqqiisinnaanngilatit. Timmisartoq ilaaffissaq uniinnarpat timmisartuutileqatigiinnut allanut ilaaniaannarsinnaanngilatit. Nunap saniliani Islandimi timmisartuutileqatigiit attartuiffiginissaat allatut periarfissatuaavoq.
Nunap iluani timmisartuutileqatigiit allat angallassisanngillat. Air Greenland Air Icelandilu ullut assigiinngitsut angallassisarmata, nunanut allanut angalaniartut nalinginnaasumik ulloq angallavissartik eqqorlugu allannguisinnaaneq ajorput.
Sila ima ajortigitillugu allaat Air Greenland angallassisinnaajunnaarpat – timmisartortartut silarluttumi misilittagaqarluartut imaluunniit timmisartuutileqatigiit nunamit allameersut – angallassisinnaanavianngillat.
Angalanissaq kinguartinneqarpat taamaatiinnarneqarpalluunniit angalasup inissisimanini naammagiinnartariaqarpaa. Qanoq avinngarusimatigisumiinneq qanorlu silarlutsiginera kiisalu ukiup qanoq ilinera apeqqutaatillugit, sapernguneq ulloq ataatsimiit sapaatip akunneranut sivisussuseqarsinnaavoq. Timmisartumik imaluunniit imaatigut angalatitsisut angalaqqinnissat qularnaatsumik nalunaarutigippassuk aatsaat ingerlaqqinnissat pilersaarusioruk.
Arlaannik siammaattariaqarsorisannik siunnersuutissaqarpit, misilittagalittulluunniit innersuussutissaqarpit?
Taava eqqarsaatersuutitit pillugit uunga allaffigitigut b2b@greenland.com.
Piviusorpalaartumik takorluukkat anguniarnissaannut pitsaanngitsunillu aqqusaagaqarsinnaanerit pinngitsoorniassagaanni, Kalaallit Nunaanni angalaniarnermi qanoq pisoqariataarsinnaanera pillugu angallassat paasitinneqartariaqarput.
Angallassavit angalanerminni qularnaveeqqusiinissaat pillugu sukumiinerpaamik siunnersuutigiuaannaruk, kinguartoorsinnaanerlu eqqarsaatigalugu ullunik arlalinnik angalanerup sivitsorsinnaanissaa piareersimaffigisariaqartoq paasissutissiissutigalugu.
Takornarianut siunnersuutigisinnaasavit makkua ilagaat.