Kalaallit Nunaanni attaveqarnernut atortulersuutinik ineriartortitsinermut pilersaarutit

Aningaasaliinerit nutaat – soorlu mittarfissanut, Kalaallit Nunaannut sunniuteqangaatsiassapput.

Marsip ulluisa 24-anni 2021 saqqummersinneqarpoq 

Kalaallit Nunaata attaveqarnermut atortulersuutinullu atatillugu ineriartortitsinera maannakkorpiaq oqaluttuarisaanermi immikkuullarilluinnartumik inissisimavoq. Tamannalu nunatta tikikkuminassusaanut qaqugorsuarmut allannguisussaavoq. Sanaartornermut logistikkimullu tunngatillugit unammillernarnerit ilagivaat Nuummi, Ilulissani Qaqortumilu mittarfissat nutaat sananiarneri. Saniatigut aamma umiarsualivinnik aqquserninillu nutaanik sanaartortoqarpoq, ilaatigut Sisimiuniit Kangerlussuarmut aqqut – Kalaallit Nunaanni illoqarfinnik marlunnik siullermeertumik attaviliisoq.

Takornarianik sullissisartut nunatsinnut tikittoqarnerusalernissaanut aamma piareersaleruttorput. Akunnittarfinnik nutaanik ineriartortitsisoqarpoq, tikeraanut ornitassanik sanaartortoqarluni, takornarialerisullu neqeroorutinik nutaanik pilersitsiortorput.

Saniatigut aamma Kalaallit Nunaata takornariaqarnerata arajutsisimanngilaa, ineriartortitsineq annertooq piujuartitsisumik ingerlanniarutsigu, politikkinik najoqqutassanillu nutaanik pilersitsinissaq pisariaqartoq.

Paasissutissat ataaniittut siunissami pilersaarutit pillugit eqitsiinerupput, nutaanillu pisoqaraangat nutarteneqartassallutik.

Malugiuk aprilimi 2021-mi Visit Greenlandip Travel Trade Forum, saqqummersissammagu, tassaasoq ilisimasanut avitseqatigiiffik – annikitsunik inerinartortitsinerit takornarianullu neqeroorutit nutaat pillugit ’Nutaarsiassanik Avitsigit’-mi ilanngunneqarsinnaassapput.

Index

Mittarfiliornerit

Nunap immikkoortui

Mittarfinnik ineriartortitsinermik suliniut

Kalaallit Nunaanni Naalakkersuisoqarfik 2025-p tungaanut pingasunik nutaanik mittarfiliornissaminut annertuunik anguniagaqarpoq: Nuummi, Ilulissani Qaqortumilu. Tamanna anguniarlugu allaat qaqqanik nuutsiterisoqartariaqarpoq imaanullu nunamik immiisoqassalluni. 

Kalaallit Airport International A/S aamma Munck Gruppen A/S, Nuummi Ilulissanilu mittarfissat siulliit sanaartornissaannut isumaqatigiissusiorsimapput. Mittarfiit nutaat sananeqassappata ujaqqat katillugit 12.5 million kubikkit qaartinneqassapput.

Nuuk

(2023-mi naammassisussatut naatsorsuutigineqarpoq)

Atlantiku qulaallugu timmisartuussisunut mittarfissaq 2200 meterinik takissusilik 2020-mi aallartinneqarpoq, 2023-milu naammassineqarnissaa naatsorsuutigineqarluni. Nuummi timmisartoqarfik ataatsimik mittarfeqassaaq, marlunnik timmisartut tikikkaangamik  aallaleraangamillu ingerlaarfissaqassallutik, illumi immikkoortumi napasuliaqassaaq, ilaasunut aallartarfik/tikittarfeqassaaq kiisalu timmisartunut inissiiveqassalluni.

Ilulissat

(2024-mi naammassisussatut naatsorsuutigineqarpoq)

Atlantiku qulaallugu timmisartuussisunut mittarfissaq 2200 m-nik takissusilik Naalakkersuisunit aamma kissaatigineqarpoq. Qaartitsineq siulleq Januarimi 2020-mi pivoq. Sanaartorneq 2. Kvartalimi 2020-mi aallartinneqarpoq 2024-milu naammassisussatut naatsorsuutigineqarluni.

A passenger boat near Ilulissat and the ice fjord in Greenland. By Mads Pihl

Qaqortoq

(2025-mi naammassisussatut naatsorsuutigineqarpoq)

Mittarfik nutaaq 1500 m-nik takissusilik Kujataani Qaqortumi pilersaarutigineqarpoq. Mittarfik ima inissisimavoq 1,799 m-it tikillugit tallisinneqarsinnaassalluni. Pilersaarutit malillugit timmisartut tikissinnaasut 70 – 100-nik ilaasoqarsinnaassapput, mittarfillu tikiffissanut ungasinngitsunut attaveqarsinnaassalluni, soorlu Islandimut Iqalunnullu. Qaqortumi mittarfissap sanaartornissaanut kikkut suliassinneqassanersut / neqeruussanersut suli oqaluuserneqarpoq sulilu naluneqarallarluni.

Sunset over Qaqortoq in South Greenland. Photo by Mads Pihl

Hans Christian Munckimit Kalallit Nunaanni mittarfissat pillugit ataatsimeersuarnermi, Confederation of Danish Industry (DI)-mit aqqissorneqartumi saqqummiinera uani isiginnaarsinnaavat.

MUNCK GROUPIMIT VIDEO (Dec 2020)

Paasisaqarnerugit: Kalaallit Airports

Ullumikkut timmisartut ingerlaarfigisartagaat

Kalaallit Nunaanni ullumikkut annermik timmisartuussisartut marluupput: Air Greenland aamma Icelandair.

Air Greenland 

Air Greenlandip saqqummiussaanut linki

Air Greenland international route Map (2021)

Nunap immikkoortui

Ilulissat



Unnuisarfiit

  • Best Western ‘Hotel Ilulissat’ (2021-p naalernerani).
    Best Western hotels Ilulissani Best Western Plusimik ammaanissaminik pilersaaruteqarpoq. Akunnittarfik piujuartitsisumik ingerlatsisoq 78-nik ineqassaaq, neriniartarfeqassalluni kiisalu aneerasaartarfeqassalluni angisuumik. Piffimmi najugaqartunit aningaasaliisunillu akunnittarfik sanaartorneqassaaq ingerlanneqassallunilu.
    Sumiiffik: Kaaleeraq Poulsenip Aqq. 6

  • Hotel Hvide Falk (November 2019-mi aallartittoq)
    Naammassinissaanut pilersaarut kinguaattoornikuuvoq, COVID-19 peqqutigalugu. Nutarsaaneq annertooq ukiut arlallit suliarineqartussaavoq.

  • Oqaatsut’s H8 Explorer Restaurant
    Oqaatsut’s H8 Explorer restaurant tassaavoq neriniartarfik mikisunnguaq nuannersoq, Ilulissat qanittuani nunaqarfimmi innuttaasunut 30-usunut, kalaallit nerisassaataannik sassaalliisoq. Tassani qajartornermut atuarfik ingerlatiinnassavaat, SUP-ernerlu neqeroorutiminnut ilanngutissallugu. Taamaalillutik nunarsuarmi SUP-ertarfinni avannarpasinnerpaanngorput.
Kayakers from PGI Greenland in front of Restaurant H8 in Oqaatsut in Greenland. Photo by Mads Pihl

Ineriartortinneqartut allat

  • Ilulissat Icefjord Centre (Aasami 2021-mi ammartussaq)
    Suliniut 108 mio kr-nik nalilik RealDaniamit aningaasaliiffigineqartoq Dorte Mandrup Architectsinillu ilusilersorneqartoq 2021-mi ammartussatut pilersaarutaavoq.
    Sumiiffik: Illorsuaq Ilulissat avataani, illoqarfiup Kangiatalu Sulluta akornanni inissisimassaaq. Sermermiut tungaanut qisunnik aqqutiliaq aqqusaarlugu. Qattunermi inissisimavoq, Kangiata Sullluanut isikkiveqarluni.
  • Aurora Centre Ilulissat
    Aurora Centre Ilulissat, arsarnerit pillugit paasissutissiinermut misigisaqarnermullu centerissatut pilersaarutaavoq. Saniatigut aamma centerip atortorissaarutai nunat tamalaat akornanni arsarnernik misissuinernut iluaqutaasinnaassapput. Centeri immikkuullarissumik inissisimassaaq, Kangiata Sullluanut, UNESCO World Heritage Siteusumut isikkiveqassalluni.DTU Space tamatuminnga pilersitsisuuvoq. DTU, centerip piviusunngortinnissaanut aningaasaliisartunik arlalinnik oqaloqateqarsimavoq, maannakkumulli suli annerusumik paasissutissiisimanani.

    Sumiiffik: Ilulissat kujataani, heliportitoqqap nalaa arsarnernik isiginnaarfissatut assut piukkunnaateqarpoq. Tassanimi qaqqat illoqarfimmiit qullernut assersuisuummata.


Uummannaq

Uummannami umiarsualiviup allinissaa

UUM1500-B01 proposal, akuerineqarsimasoq malillugu, Uummannami umiarsualivik avannamut kujammullu allineqassaaq. Avannamut alliliissut umiarsuarnut annernut pajuttaatinut atorneqartassaaq, kujammullu alliliissut umiarsuarnik orserfittut atoneqartassalluni. Avannamut alliliissut aamma umiarsuarnut mikinerusunut misissuiartortunut atorneqartarnissaa ilimanaateqarpoq.

Back to index

Allattut

Mads Lumholt & Tanny Por

Visit Greenland

Nutaarsiassaqarussi: Quppernermut uumunnga atatillugu nutaarsiassaateqarussi ilanngukkusutassinnik, Tany Por attaveqarfigisinnaavarsi tanny@visitgreenland.com 

Nutaarsiassat kingulliit

Misissuinerit kingulliit takutippaat takornariat nunanit allaneersut qanoq naleqartigineri    

Takornariat nunanit allaneersut nunatsinni inuussutissarsiornikkut ukiuni kingullerni annertusiartuinnartumik inissisimalerput.
Cruise tourism digital platform

Nittartagaq nutartigaq atorlugu takornariartaassuit nunamut iluaqutaalluartumik tunniussaqartarnissaat qulakkiissuaa

Kalaallit Nunaat takornariartaassuit tikissallugu nuannareqaat aammalu ilimanarsereerpoq ukioq 2024 tassaaniartoq aatsaat ...

Susassaqarfiit sumiiffinni takornariaqarnermik suliaqartut akimorlugit suleqatigiinneq ataatsimut nukissaqalersitsivoq

Visit Greenlandip ulluni marlunni nunatsinni immikkoortuni Destination Management Organizations (DMO-nik taaneqartartut, tassalu tikiffinni kattuffiit aaqqissuussinermik suliaqartut) ataatsimiiteqqammerpai, tassanilu siunertaavoq takornariaqarnermi ineriartortitsinermi suleqatigiilluarnissaq aammalu nuna tamakkerlugu takornariaqarnermi suliaqartut suleqatigiilluarnerat nukittorsassallugu.
Kalaallit Nunaanni takornarialerisunut pisussaqartillugu najoqqutassat Idrissia Thestrup teaches agents about the tools Visit Greenland has for their use at VNTM 2017 Sessions, by Jiyeon Juno KimPhoto by Jiyeon Juno Kim - Visit Greenland Four women waving hello in Narsaq in South Greenland. Photo by Mads Pihl COVID-19-ip kingorna innuttaasut takornariat pitsaanerusumik isiginiarnerul...