Inuussutissarsiornikkut Kalaallit Nunaata nappatigisaasa ilaattut takornariaqarneq inissisimavoq, taamaammallu takornariaqarnerup inerisarnissaanut aningaasaliisoqartariaqarluni. Pitsaassuseq isumannaallisaanerlu Kalaallit Nunaanni takornariaqarnerup ineriartortinneranut tunngaviusariaqarput.
Kalaallit Nunaat ornissallugu akisoqaaq, taamaammallu ineriartortitsinermi takornariaqarnermut atatillugu takornariallu misigisaqartinneranni pitsaassuseq isumannaallisaanerlu qaffasissoq tunngavigineqartariaqarput. Takornariaqarnermi pitsaassutsimik qulakkeerineq aamma unammillernissamut takussutissaassaaq, takornariarfissatut Kalaallit Nunaannut sakkortuumik unammillertut nallerniarsinnaassagutsigit.
Naqissusertariaqarporli pitsaassutsimik oqarnermi Kalaallit Nunaanni kusanartorsuarnik akisuunillu neqerooruteqarnissaq eqqarsaatigineqanngimmat. Kalaallit Nunaannut atatillugu pitsaassuseq tassaavoq pinngortitaq attorneqanngitsoq, piviusorpalaarneq kiisalu inuussutissarsiortut sumiiffinni immikkuullarissunik misigisaqartitsisinnaanerat.
Naqissusertariaqarporli pitsaassutsimik oqarnermi Kalaallit Nunaanni kusanartorsuarnik akisuunillu neqerooruteqarnissaq eqqarsaatigineqanngimmat. Kalaallit Nunaannut atatillugu pitsaassuseq tassaavoq pinngortitaq attorneqanngitsoq, piviusorpalaarneq kiisalu inuussutissarsiortut sumiiffinni immikkuullarissunik misigisaqartitsisinnaanerat.
Continues further down the page...
Siullertut akuerisaasutut nalilersuisarneq qimallugu pitsaassutsimut ilisarnaasiisarnissaq ornigineruarput. Tamanna Kalaallit Nunaanni pissutsinut naleqqunnerusoraarput, akuerisaasarnikkut nalilersuisarneq akitsorsaataasumik pingatsiuttumiit akulerunnernut pisariusunillu nalunaarusiornernut atatinneqartarmat.
”Taamatut sunniuteqarneq inuussutissarsiortut pisariusunik pisassarsiortariaqanngillat, akerlianilli isumasioqatigiinnissamut pitsaassuserlu pillugu siunnersuinissaq sukumiinersumik sammineqarsinnaassalluni. Tamatumuuna pitsaassuseq qaffaaqataasinnaassaaq kiisalu inuussutissarsiortut tulluusimaanerullutik inerisaaqataasinnaassallutik”, Julia Pars nangilluni oqarpoq.
Pitsaassuseq pillugu siunnersuisarnermut atatillugu ilisarnaasiisoqartalissaaq, soorlu ulloriartalersuinikkut. Niuernermi nittarsaassinikkut ersarissumik pitsaassutsip ilisarnaaserneqartarnera atorneqarluarsinnaassaaq, pisisartut akornanni takussutissaannaanani aammali tarkornarialerisunut allanut takussutissaassalluni.
Tamatut aaqqissuussisarneq ukiut marluk miss. qaangiuppat atuutilersinnaasorineqarpoq. Atuutsikkiartuaarnisssaa tullinnguuppoq, aallaqqaataaniit ingerlatsilluarnissaq piffissallu ingerlanerani inerisaanissaq pingaaruteqarmata. Visit Greenlandip tamanna tutsuiginarluartutut suliarerusuppaa, nunalu tamakkerlugu pitsaassutsimut ilisarnaasiisarnissaq sukumiisumik suliarerusupparput, siunniussallu anguniarnerani inuussutissarsiortunit aaqqissueqataasutut paasissutissanik pissarsiniartassalluta.
PITSAASSUTSIMUT ILISARNAASIINEQ
Pingaarnertut nalilersugassaasut tassaapput soorlu kiffartuussineq nittarsaanerlu – isumannaallisaaneq – avatangiisit kiisalu kulturi, taakkualu pillugit ersarissumik ilisarnaasiisoqartarnissaa siunniunneqarpoq. Nalilersorneqartut naammassigaanni nioqqutigisaq ersarissumik pitsaanerulersutut ilisarnaaserneqqartassaaq. Pitsaassutsimik qaffaaneq ilisarnaasersuinikkut ersarississaaq, tamannalu pitsaanerusumik nioqquteqalerneq unammillerniarnermi iluaqutaasinnaassalluni. Tamatumuuna pisisartut pissutsit tamaasa qanoq issusaat qulakkeersinnaalissavaat kiisalu Kalaallit Nunaata ataatsimut isigalugu takornariarfissatut tusaamaneqarneranut pitsanngoriaataassalluni.
KIFFARTUUSSINEQ KIISALU NIOQQUTIT PILLUGIT ERSEQQARISSUSEQ
Naliliiffigineqartussat nalunaarsorneqassapput kiisalu pitsaasumik kiffartuussinissaq, nioqqutit ersarissaavigineqarneri kisialu pisariitsumik inniminniisinnaaneq qanoq anguneqarsinnaanersoq nalunaarsorneqassallutik. Tamanna unneqqarissuunermut inussiarnersuunermut kiisalu sumiiffigisameersuunermut tunniusimanermullu ilisarnaataassaaq. Tamatuma nalilerniarneranut soorlu sulisorisat kiffartuussinissaannut isumannaallisaanissaannullu politikkeqarneq naliliissutaasutut ilaasinnaavoq. Nalilersuiniarnermi aamma aallaavigineqarsinnaapput soorlu nioqqutit qanoq nittarsarneqarnerat kiisalu paasissutissat suut ilanngunneqarnersut.
ISUMANNAALLISAANEQ
Kalaallit Nunaanni takornariat misigisaqartinniarnerini isumannaallisaaneq qitiulluinnarpoq. Taamaammat isumannaallisaaneq nalilersuinermut sunik sammisaqartitsinerit immikkoortillugit nalilersorneqartassapput (qajartorneq, pisuttuarneq, imaani angalaarneq il.il.). Tamatumunnga atatillugu misigisassanik nioqquteqarnermi inatsisaareersut aallaavigineqarsinnaapput, kiisalu isumannaallisaanermi nalilersugassat pineqartillugit nunani tamani isumannaallisaanermut nalinginnaasumik piumasaqaataasut aallaavigineqarsinnaallutik.
AVATANGIISIT, PINNGORTITAQ KIISALU KULTURI
Pinngortitamut kiisalu uumassusillit ataqatigiinnerannut takornariaqarneq akornutaasinnaavoq, takornariaqarnerullu annertusiartuaarnerani tamakkua akornusersornerat annertusiartuinnarsinnaalluni. Taamaammat malittarisassaqartitsisoqartariaqarpoq kiisalu nakkutilliisarnissamut aaqqissuussisoqartariaqarluni, akornusersuutaasinnaasut sapinngisamik annikillisarniarlugit. Takornariaqarneq aamma kalaallit kulturikkut kingornussaannut sunniuteqarnerlussinnaavoq. Paasissutissiilluarnikkulli, ingerlatsilluarnikkut kiisalu misissuisarnikkut takornariaqarneq pinngortitamut kulturimullu aaqqinneqarsinnaanngitsumik akornuserneqarnissaat pinngitsoortinneqarsinnaalluni. Kalaallit Nunaani pissutsit eqqarsaatigalugit nalilersugassat immikkoortut taakkua pingasut nalilersorneqartarnerisigut, takornariaqarnerup akornusersuutaasinnaanerisa pinngitsoortinniarnerannut iluaqutaasinnaapput.
Visit Greenlandimi nuannaarutigalugu tulluusimaarutigalugulu Towards More Tourism 2018 (TMT) eqqaasarparput. Peqataasummi malunnarput assut pimoorussillutik anguniagaqarluarlutillu ingerlatsisut. TMT, takornarialerisut peqatigalugit aqqanilinnik anguniagassanik pilersitsivoq. Anguniagassat tallimaat tassaavoq: Kalaallit Nunaanni takornariaqarnermi pitsaassutsimut ilisarnaasiisarnerup atuutilernissaa.
“Takornarialersut namminneq pitsaasumik periutsimik piumasaqarnerat takussutissaavoq pingaarutilik. Taammaattumik suliniutigerusupparput Kalaallit Nunaanni takornariaqarnermi sullissinerup, piujuartitsinissap isumannaatsumillu takornariartitsisarnissap iluani pitsaassuseq qaffasissoq anguniassallutigu.” Julia Pars, Visit Greenlandimi ningiu taamak oqarpoq.
Visit Greenlandi TMT-qareersorlu pitsaassutsimut ilisarnaasiinermi periusissamik pilersaarusiorluni aallartissimavoq. Ilisarnaasiinerni isiginiarneqassapput: Isumannaassuseq, sullissilluarneq kiisalu pinngortitamut kulturimullu qajassuussineq. Ilisimasat sumiiffinnit allanit, nunani allanit nunatsinnilu aaqqissuussanit pineqarsimapput, anguniarlugu najoqqutassiat Kalaallit Nunaannut tulluarsakkat pitsaanerpaat pilersissallugit.
