Kalaallit Nunaanni takornarialerisunut pisussaqartillugu najoqqutassat

Visit Greenland qanoq saqqummersitsinerni, workshopini suliffeqarfiillu naaperarnerini suliniuteqartarpa?

Marsip ulluisa 24-anni 2021 saqqummersinneqarpoq 

Takornariaqarnermi saqqummersitsinerit, workshopit suliffeqarfinnillu naapisitsinerit Kalaallit Nunaata peqataaffigisai Visit Greenlandip tuniniaaviinut pingaarnersiukkanut sammisassapput.

Pisartut taakku tuniniaanermi suleqatigisanik suleqatissanillu naapitaqarnissamut periarfissatsialaapput, Visit Greenlandilu tuniniaasunik eqqortunik suleqatigisinnaasanillu piukkunnartunik attaveqalernissaminik anguniagaqarpoq. 

Pisartut taakku Kalaallit Nunaat tamakkerlugu akisussaassusilimmik takornariaqarnerup siammarsarnissaanut anguniagaqarput.

Takornarialerisut kikkut pilerisaarinissamut tunngatillugu pisussanut peqataasinnaappat?

Takornarialerisut tamarmik saqqummersitsinernut pisunullu suugaluanut peqataanissaminnut periarfissaqarput.

Ilaatigut – tamatiguunngitsoq – Visit Greenland pisussanik aalajangersimasunik aaqqissuussisarpoq.

Ilaatigooriarluta peqataasinnaasunik toqqaasariaqartarpugut. Tamanna pisarpoq pisussami peqataasinnaasut amerlassusaat killeqaraangat. Nuna tamakkerlugu takornariaqarnermut siunnersorti akisussaasuuvoq, peqataasunik toraagalimmik, Kalaallillu Nunaanni takornariaqarnermi sinniisuusinnaasunik peqataasitsisarnissaq. Taamaattoqartillugu najoqqutassat ataani allassimasut atuuttarput:

1. Suliffeqarfik Kalaallit Nunaanni CVR-normuqassaaq, piffissap takornariarfiusartup iluani Kalaallit Nunaanni sulisulimmik allaffeqarfeqassalluni imaluunniit Kalaallit Nunaanniit suleqateqartassalluni. Suliffeqarfik Kalaallit Nunaanni akileraartassaaq.
2. Suliffeqarfiit sulisulimmik allaffeqarfeqanngikkunik imaluunniit Kalaallit Nunaanni suleqateqanngikkunik, CVR-imullu taamaallaat nalunaarsorneqarsimallutik, tamatigut peqataanissartik naatsorsuutigissanngilaat.

Qaaqqusissutit pisussamut aalajangersimasumut attuumassuteqartumik agguaanneqartassapput. Visit Greenlandip akisussaassusilimmik takornariaqarneq siammarterusuppaa. Isumaliuutillu ataani allassimasut ilanngunneqartarput:

• Piujuartitsisumik ileqqoqarneq 
• Pitsaassusilinnik isumannaatsunillu tuniniagaqarneq
• Tuniniakkat tuniniaaffinnut tulluartunut agguataarnissaat
• Tuniniaaffinnut attuumassusilimmik ineriartortitsineq

Pisuni aalajangersimasuni peqataasussanik toqqaaneq marlunni avinneqartarpoq.

Siulliutillugit pingaartinneqartarput takornarialerisut Kalaallit Nunaanni najugallit. Aappaattut pingaartinneqartarput pisiortorfiit attuumassutillit, Kalaallit Nunaata avataaneersut.

Toqqaanerup ingerlaasaa

Killiffik 1: Pisussaq nittartakkatsinni B2B-nullu emailikkut nassiuttakkatsinni saqqummersinneqassaaq.

Killiffik 2: Suliffeqarfiit piffissaq killiliussaq sioqqullugu peqataanissaminnut qinnuteqarsinnaapput.

Killiffik 3: Visit Greenlandip peqataaniarlutik qinnuteqartuniit pisussamut attuumassuteqarnerit toqqassavaat nalunaarfigalugillu.