Kalaallit Nunaanni takornariaqartitsinerup sumiiffinni aalajangersimasuni inuussutissarsiutiginiarnerani ilisimasortaasussat, siunissami takornariaqartitsinerup ikorfartorneqartuarnissaanut pingaaruteqarnerpaapput. Kalaallit Nunaanni sumiiffinni ilisimasortanngortut kingulliit sulilu ilinniartut ilaat, siunissami suleqatigilersinnaasatit pillugit ilisarititsineq uani atuaruk.
Takornariaqartillugu sapinngisamik sumiiffimmeersunik ilisimasortaqartarnissaa Kalaallit Nunaannit pingaartinneqarpoq, takornariaqartarneranulli ukiup qanoq ilinera apeqqutaajuartarmat, aataavartumik kalaallinik ilisimasortaarusuttunik pilerisaarisarneq iluatsikkuminaappoq. Taamaakkaluartoq innuttaasut akornanni takornariaqarnerup oqaluuserineqarnera naliginnaajartuinnartillugu, tamatuma pingaartinneqarnera annertusiartuinnarpoq.
Piffissaq aasakkut upernaakkullu takornariarfigineqarnerusartoq ukiut tallimat ingerlanerinnaani sivitsoreernikuuvoq, piffissallu sinnerani suliniutit inerisarneqartuarlutik. Avataaniit takornariartartut aamma suli amerliartorsinnarput.
Takornariaqarnerup isumalluarnarsiartuaarnera ilutigalugu, Kalaallit Nunaanni takornarissanik sullissisussat ilinniartitaanissaannut periarfissat annertuumik suliniutigineqarnikuupput. Campus Kujallermi (Qaqortumi ilinniarfik) Service Økonomitut ilinniartitaasarneq ukiut marluk affarlu ingerlanneqartareersoq nangillugu qaammatini sisamani Arctic Tourist Guidetut imaluunniit qaammatini arfinilinni Arctic Adventure Guidetut ilinniaqqinnissaq periarfisaalernikuuvoq.
Continues further down the page...
linniarfinni takornariaqarnermut tunngasuni taakkunani, ukioq affakkaarlugu 12-it miss. ilinniakkaminnik naammassinnittarput amerlaqataallu ilinniartunngortarlutik. Ullumikkut 79-it sinnerlugit Arctic Tourist Guidetut 20-illu Arctic Adventure Guidetut naammassinikuupput, sulillu amerliartorlutik.
Takornarianut ilisimasortanngortut sisamat, tamarmik ilinniarnerminni assigiinngitsunik killiffeqarlutillu suliallit naapisimaarpagut. Siunissami Kalaallit Nunaanni takornariaqarnikkut periarfissat kiisalu namminneq nunaminni ilinniarnertik pillugu isumaat uani atuarsinnaavat.
Lasse: “Takornariaqarneq soqutigisariuarnikuuara. Takornarissat namminneq alapernaallutik Kalaallit Nunaanni pinngortitap kulturittalu misigisaqarfiginiarneranni ikiorsinnaaneri nuannareqaara – namminerlu alutorsaatigisarakkit peqataaffigisarusuttuarpakka. Ulluinnarni sungiutiinnakkagut pillugit takornarissat apersortarmata maluginiakkat amerlisarput. Nammineq nunaga pillugu ullut tamaasa ilikkagaqartuarnera qatsutassaanngilaq.”
Arne: “Kalaallit Nunaat nunarsuatsinni nunat avinngarusimanerpaat ilagimmassuk, avataaneersut ikittuinnaat ornissinnaavaat. Taamaammat tikittartut maaniinneranni nuannersumik misigisaqartinnissaannut uanga angallassisutut periarfissatsialattut isigaara, misigisaqaqatigiinnikkullu ikinngutigiilersinnaasarluta.”
Willy: “Siunissami takornariartartussat amerlaqisut nunatsinnut qanittumiit ungasissumiillu takkussuutilerpata uanga tikilluaqquseqataarusuppunga. Naatsorsueqqissaarnerit takutippaat, Kalaallit Nunaanni suliffeqarfiit takornarialeriffiit amerlanersaat avataaneersunit ingerlataasut. Nunatsinni takornarialeriffiit nunaqavissunit pigineqartut ikittuinnaapput. Uanga nammineq nunaga sinnerlugu sulisunut peqataarusuppunga.”
Sikkersoq: “Meeqqat atuarfiannili 2001-imi Nuuk Tourism suliffittut misilikkakku takornarialerineq soqutigisarilerpara. Campus Kujallermi Adventure Travel Guidetut ilinniarfik aallartimmat aalajangerpunga, takornarialerineq pimoorullugu ilinniagaqarfigeriarlugu nammineq suliffeqarfimmik aallartitsiniarlunga.”
Lasse: “Malinnaaniarnaqaaq, misilitsinneerarpassuit soraarummeernerillu aqqusaagassarigatsigit. Atuanngiffeqarpianngilagut, ilinniagaqarluarnarlunilu pissanganaqaaq. Ungasinngitsukkut pikkorissarnitsinni sammivagut, kulturimut atatillugu qanga nunap atorneqartarsimasup qanoq takuneqarsinnaanera kiisalu illukut allallu siuaatsinnit kingornussagut oqaluttuatoqqanut anersaarsiornermullu tunngasut oqallisigalutigit. Ilinniakkatsinnut ilaapput uumasunut naasunullu tunngasut, timaaniitsilluta siumukkatta sunut atorneqartarneri ilanngullugit oqaluttuarisinnaaniassagatsigit. Kalaallit Nunaata sannaa pillugu aamma sammisaqarpugut, sermip pinngortitamut sunniuteqartarnera kiisalu aatsitassat suut sumiiffimmi nassaassaanersut ilinniarlugu. Pikkorissarneremi allami aamma sammivarput Wilderness First Aid – Timaani Ikiueqqaarneq, taannalu naammassigatsigu uppernarsaammik tunineqarluta, timaani napparsimmavimmiit ungasissumi allatulluunniit ikiorneqarsinnaanngiffimmi ikiueqqaarsinnaasutut piginnaaniliisumik. Sermersuakkut angallassineq misilikkatsigu angallassisartumut ikiortaaneq misilipparput, ilisarnanngitsumilu sungiusimanngisamik avatangiiseqarluni sumiissusersiorneq aamma misilillutigu. Tassani aamma nalinginnaasumik isumannaallisaaneq sivisunerusumillu angallassinerit misilittarnissaannut periarfissinneqarpugut. Tamakkua saniatigut tuluttut oqaatsit ilinniarnissaannut piffissarujussuaq atorparput kiisalu kulturit assigiinngitsut pillugit paasisariaqakkat ilinniarlugit, angallavissat aqqusaagassallu tyskinut, spaniamiunut, tulunnut, amerikamiunut minnerunngitsumillu kinamiunut tulluarsarsinnaaniassagatsigit. Angallammi naalakkatut maannakkut inaarutaasumik misilitseqattaarpugut, takornariat nammineerluta angallassinnaaniassagatsigit imaluunniit imaatigut angalatsitsivimmik nammineq aallartitsisinnaassalluta.”
Naasut uumasullu pillugit ilikkagaqangaatsiarnera aamma nuannaarutigaara. – Willy Phipps
Willy: “Kalaallit Nunaanni Arctic Tourist Guidetut ilinniartitaaneq periarfissaammat nuannaarutigaara, minnerunngitsumik taanna aqqutigalugu oqaluttuarisaanerput, kinaassuseq kiisalu nammineq nunanni kulturi pillugu ilikkagaqarluarama. Kalaaliusugut atuarfimmi nammineq oqaluttuarisaanerput pillugu ilinniartitaaneq killeqarpoq. Naasut uumasullu pillugit ilikkagaqangaatsiarnera aamma nuannaarutigaara. Ilinniartitaaneq aatsaat aallartippoq aqqutaanilu iluarsisassaqalaassalluni, ataatsimulli isigalugu ilinniartitaaneq pitsavimmik aaqqissuussaavoqq. Taamaakkaluartoq ilinniutigineqartuni Kitaani pissutsit sammineqarnerpallaarnerat isornartorsiorusuppara. Isumaqarpunga Tunumi kulturi annikippallaamik sammineqartoq, uanga nammineq Tunumiuullunga ilinniakkakka aallaavigalugit paasissutissiisarusuppunga, Tunumiulli oqaluttuatoqaat amigaatigalugit.”
Sikkersoq: “Aap, 2013-imi maajimi Arctic Tourist Guidetut naammassivunga, Service Økonomitullu 2015-imi novembarimi naammassillunga. Maannakkut Keilirimi ilinniarnera qiteqquppara, 2018-imi maajimi naammassivissussallunga. Keilirimi ilinniartitaaneq inerisarluagaaneruvoq, nunani tamani pissutsit ilanngussorneqaramik ilinniarnerlu sivisunerulluni, Arctic Adventure Guidetut ilinniartitaanermi Kalaallit Nunaanni pissutsit aallaavigineqarnerugamik. Arctic Adventure Guidetulli ilinniartitaaneq misilittagaqarfigineqareeruni inerisarneqaqqinnissaa takorloorsinnaavara. Nunat allat suleqatiserinissaat silatusaarnerussaaq, soorlu Canada Islandilu taamatut periusseqartut.
Nunat allat suleqatiserinissaat silatusaarnerussaaq, soorlu Canada Islandilu taamatut periusseqartut. – Sikkersoq Hansen
Sikkersoq: “Aap, tamanna pilersaarutigaara. Sivisunerusumilli maani sermersuakkut angallassisarneq sungiusarsinnaagukku, ukioq ataaseq suli Islandimiikkusuppunga. Canadami Thomson River University-mi, aamma Leikirimitut TRU Adventure Studies naapertorlugu ilinniarfimmi ilinniaqqinnissara periarfissaavoq. Taanna ilinniagaq ukioq ataatsimiit pingasut tikillugit sivisussuseqartarpoq.”
Willy: “Kalaallit Nunaanni takornariaqarneq siuariartorpoq, soorunami illoqarfiit nunaqaaarfiillu ilaanni malunnarnerusumik. Assersuutigalugu Kulusuk, maannakkut takornariaqarfinnik tallimanik ingerlatsiviusoq, Islandimiillu toqqaannartumik Kulusummut timmisartoqartarnera isumalluutaalluarpoq. Uanga nammineq suliffeqarfik Greenlandic Indigenous Guides aallarteqqammerpara, ulluinnarlugu Islandimiit tikittartut sullinnissaat eqqarsaatiginerullugu. Neqeroorutigisinnaasagut tassaappput timmisartoqarfimmiit nunaqarfimmut pisuttuarneq, katersugaasiviliarneq kiisalu Kulusummi nalinginnaasumik inuunerup misilitsiarnera. Neqeroorutigisinnaasama nittarsaannissaat manna suliaraara, neriuppunga soqutiginnittut tamatumani ikiorumaaraatigut.”
Arne: “Kalaallit Nunaanni takornariaqarnerup ineriartornissaa pissanganartuaannarpoq. Nunani allani kukkussutigineqartartut iluatsitsinerillu malinnaaffigilluarpagut, sissuigassagut eqqumaffigerusullugit. Eqqarsaasersuutit politikerinit tusaaniarneqarnerusartuuppata takornariaqarneq annertunerusinnaangaluarpoq.”
Sikkersoq: “Kalaallit Nunaanni takornariaqarneq siunissami neriunartoqarluarpoq, kalaallit amerliartuinnartut takornariaqarnermut tunngasunik ilinniagaqartalermata kiisalu ilinniartitaanerit Campus Kujallermi assigiinngitsunik sammivilersorneqarnikuummata. Inuusuttut Kalaallit Nunaanni takornariaqarnermik suliaqalerusuttut amerliartuinnartut tusartarpakka.”
Eqqarsaasersuutit politikerinit tusaaniarneqarnerusartuuppata takornariaqarneq annertunerusinnaangaluarpoq.”
Lasse: “Neqeroorutigisinnaasatta nutaat inerisarsinnaaneri pikkoriffiginerulertariaqarparput. Nammineq suliffeqarfimmik aallartitsiniarnerup unammillernarlunilu qunugineqartarnera paasinarpoq, minnerunngitsumik ukioq siulleq nalorninartoqarsinnaasaqimmat. Neqeroorutigisinnaasalli nunani allani suleqatigisanut ilikkartinniarnerat, nittarsaaniarneq tuniniaanerlu piffissamik atuinartaqaat. Neriuppunga misiliisartut amerliartuinnarumaartut. Oqaluttuarisaanerup takutippaa naggataatigut iluatsitsisoqartuaannartoq. Arctic Circle Racetut Polar Circle Marathonitullu ittunik misigisassarsiorfiusunik pissanganartunik amerlanerusunik pilersitsisinnaasugut isumaqarpunga. Assersuutigalugu Nuummiit Kapisilinnut qaannamik unammisitsisoqartalersinnaavoq, illoqarfiillu nunaqarfiilluunniit ilaanniit tullianut ungasissumut pisuttuartitsinerit inerisarneqarsinnaallutik.”
