• Saqqaa
  • Nutaarsiassat
  • Umiarsuit
  • Sakkussat
  • Takornarialerisut
  • VG pillugu
Traveltrade - Visit Greenland
  • Saqqaa
  • Nutaarsiassat
    • Travel Trade Forum
  • Webinarit
  • Umiarsuit Takornariartaatit
    • Umiarsuit tikittarfii
  • Sakkussat
  • Takornarialerisunik ujarliut
  • Niuernermik ineriartortitsineq
    • Saqqummersitsinerit
  • Tusagassiutinut
  • MICE
  • Visit Greenland pillugu
    • Sulisut
    • Periusissaq
    • Suliffissat
    • Ukiumut nalunaarut ileqqoreqqusallu
    • Saaffissat
  • → Media Request Form
  • → VisitGreenland.com
  • Search
  • MS Fram in Illorsuit in Greenland. Photo by Mads Pihl - Visit Greenland

Kalaallit Nunaanni umiarsuarnik takornariaqarneq allanngoriartortoq: Cruise Workshopimit Maaji 2020-mi ingerlanneqartumit tigulaakkat

Ukioq manna maajip 19-ni 20-nilu Visit Greenland AECO-lu Kalaallit Nunaanni umiarsuarnik takornariartaatinut attuumassutilinnik suliaqartartunut workshopertitsipput. Workshopip siunertaraa takornarialerisut ataatsimoortissallugit unammillernartullu oqaluuseralugit: soorlu maannakkut pisup unammillernartup iliuuseqarfiginissaanut alloriaqqinnissamullu tigussaasunik iliuusissanik pilersitsinissaq, Kalaallillu Nunaanni umiarsuarnik takornariaqarneq siunissamut pisinnissaa. Workshopimut peqataasut umiarsuarnik takornatiartaatinut attuumassutilinnik suliaqartartut nunatsinniillu piffinnit assigiinngitsuneersut 50-it sinnerlugit amerlassusillit tikilluaqquneqarsimapput.

Juunip ulluisa 24-anni 2020 saqqummersinneqarpoq

Maannakkumut (16. Juunip 2020), COVID-19 peqqutaalluni suli naluneqarpoq umiarsuarnik takornariartaatit aasaru ingerlanneqarumaarnersut. Taamaattumik workshopertoqarnerani ulloq siulleq nunarsuarmi tamani tuniluuttoqarnera ukkatarineqarpoq Kalaallillu Nunaanni umiarsuarnik takornariaqarneq qanoq sunnerneqarnersoq oqaluuserineqarluni. Tassani Naalakkersuisunit, takornarialerisunit, umiarsualivimmi agentinit AECO-miillu saqqummiisoqarpoq. Ullup tulliani Kalaallit Nunaanni umiarsuarnik takornariaqarneq siunissami qanoq ingerlajumaarnersoq oqaluuserineqarpoq. Tassani ataqatigiinnermut aaqqissuussinerit nutaat, Takornariaqarnermi periarfissat nutaat Kalaallillu Nunaat tamakkerlugu pilersitsiniarnerit pillugit saqqummiisoqarpoq. Ulloq taanna aamma soqutiginartumik, inuiaqatigiit ilanngussorneqarneri pillugit oqallittoqarpoq. Tamanna Kalaallit Nunaanni takornarialerisunik nunanilu tamalaani umiarsuarnik takornarialerisunik ataatsimoortitsivoq.

Assingajaanik ulloq siulleq ataatsimiittoqarpoq oqaloqatigiinnertalimmik. Ataatsimiinnerup siunertarivaa Kalaallit Nunaanni takornarialerusut nunanilu tamalaani umiarsuarnik takornarialerisut ataatsimoortinnissaat, nutaanillu isumannaatsunik Kalaallit Nunaanni umiarsuarmik takornariartarneq aallartisaqqinniarlugu iliusissanik suleqatigiillutik nassaarniarnissaat. Ataatsimiinneq assut pissarsiaqarfigineqarpoq peqataasut tamarmik nutaanik aaqqiissutissaasinnaasunik siunnersuuteqarsimapput paasineqarporlu siunissami suleqatigiinnikkut anguniakkatsinnik naammassisaqarluarsinnaasugut. 

Continues further down the page...

s

Ataatsimiinnermit tigusat pingaarnerit uani atuarsinnaavatit.

Attugaqanngikkaluarluni misigisassat:

  • Oqaluuserineqarluartut ilaat tassaavoq attugaqanngikkaluarluni misigisassat. Taakkua tassaassapput takornarialerisuniit aaqqissuussat nutaat umiarsuarmiit imaluunniit Kalaallit Nunaanni inoqarfiunngitsumi misigineqarsinnaasut, takornariartitsisartut qanillinngikkaluarlugit.
  • Umiarsuarnik takornarialerisut Kalaallillu Nunaanni takornarialerisut tamarmik kajumillutik isumassarsiat tamakku oqaluuserivaat. Umiarsuarnik takornarialerisut nassuiaapput nunamut qaqisarnerit eqimattakkaanillu ikittunik ilaasullit sullinneri sungiusimallugit.
  • Siunnersuutigineqarpoq umiarsuarnik takornarialerisut tikitami inuiaqatigiit aningaasatigut ikiorsersinnaagaat, naak umiarsuaq illoqarfinnut tikissinnaanngikkaluartoq.
  • Umiarsuarnik takornarialerisut naqissuserpaat tikiffimmi inuiaqatigiit iluaqutigisinnaasaanik anguniagaqartuaannarlutik ilaasullu aamma taamak soqutigisaqakkajuttut.
  • Isussunneq (aaqqissussaq) attugaqanngikkaluarni takornariartitsinermi atorneqarsinnaavoq – takornariartitsisup tikeraartut qanillinngikkaluarlugit oqaloqatigisinnaavaat.
  • Attugaqanngikkaluarluni misigisaqarneq atuutsissagaanni maluginiutit ilanngunnissaat pingaaruteqarpoq: Pisisartut sapinngisamik piviusumik misigisaqartikkit; misigisassaq naamasinnaassavaat arlaatigullu malugisinnaassallugu. Sapinngisamik misigisassaq piviusunngortiguk. 
  • Nunamut tussagaanni tikitassat atatiinnarnissaat pingaaruteqarpoq – site-specific guidelines (Kalaallit Nunaanni sumiiffinni aalajangersumasuni najoqqutassat) tassani ikiutaasinnaapput.
  • Nunamut tunnermi imaluunniit nunami atortulersugaanngitsumi tunnermi  Akileraarutit akitsuutillu inuiaqatigiinnut/takornarialerisunut isertitat qularnaarsinnaavaat.

Ingerlasussanik piareersaaneq aqutsinerlu:

  • Ingerlasussanik piareersaaneq umiarsuarnik takornarialerisunut assut pingaaruteqarpoq – orsersornissamut periarfissat, inuit qanilillisinngikkaluarlugit ilaasunik paarlaassineq isumannanngitsoq, il.il.
  • Misileraaneq, sukkasuumik innarluummik suussusiliineq, PPE equipment (Inunnut illersuinissamut atortussat) kiisalu inatsisiliorneq erseqqissoq atorfissaqartinneqarput – taakkulu pillugit ersarissumik attaveqaqatigiinneq.
  • Tikeraartut piffimmi aalajangersimasumi qanoq amerlatigisut ataatsimooqqusaanerat pillugu najoqqutassat pisariaqartinneqarput.
  • Umiarsuit piffinni sivisunerusumik uninngasassappat?
  • Nunamut tunnissamut pilersaarutit allanngorarsinnaanerisa akuerinissaat pingaaruteqarpoq, silap pinngortitallu allanngorarnerisa pilersaarutit nikisissinnaammassuk.

Alloriarneq tigussaasoq tullinnguuttoq:

  • Inuiaqatigiit / takornartialerisut ataatsimoorlutik imminni oqaloqatigiissutigisinnaavaat suut aalajangersimasut pisariaqartinnerlugit suullu piffimminnut kissaatsiginerlugit. Suut iluarivaat? Umiarsuarmik takornariariaaseq qanoq ittoq kissaatigivaat? Umiarsuillu kissaataannut qanoq tulluuppat? Umiarsuarnik takornariartitsisartut allanngorarsinnaasunik akuersaarinnipput inuiaqatigiillu piumasaat piviusunngortikkusullugit – suut piumasaqaataanersut nalunnginnissaat taamaallaat amigaatigiinnarpaat. Takornarialerisut imminnut naapeqatigiissinnaappat? najoqqutassanillu piffimmut atuuttussanik sanallutik? Najoqqutassat taakku umiarsuarnik takornarialerisunut ingerlateqqissinnaavaat.
  • Umiarsuarnik takornariartartut, ukioq manna angalanissaminnut inniminneereernikut suli perusupput, nalunngikkaluarlugu ukioq manna angalanissaq allaanerujusuussasoq. Paasitittariaqarpagut angalaneq qanoq allaanerussuteqassanersoq, piareersimaniassammata. Umiarsuarnik takornarialerisut isumaqarput pisisartut tamanna ajorinavianngikkaat.
  • Piffiit, attugaqanngikkaluarluni takornariarfigisinnaasut sumiinneri aalajangiunneqassapput. Kalaallit Nunaanni takornarialerisut piffinnik tikiffigineqarsinnaasunik misigisassanillu piareersaasariaqarput.

Suleqatigiinneq pillugu:

  • Attaveqaqatigiinnerit ersarissut paasiuminartullu pingaarnersaapput! Oqaloqatigiinnerit, ilisimasanik paarlaasseqatigiinnerit takornarialerisullu akornanni ilikkakkallu pillugit tuniniaasartut, umiarsualivimmi agentit, Kalallit Nunaanni takornarialerisut oqartussallu akornanni attaveqaqatigiinnerit pingaaruteqarluinnarpoq.
  • Oqalliffimmik piffissani aalajangersimasuni naapiffigisartagassatsinnik pilersitsisinnaavugut?
  • Takornariaqarnerup upperinissaa suleqatigiinnikkullu angusarisinnaasagut assut pingaaruteqarput.

Workshopiminngaanniit paasissutissanik pinissannut soqutiginnikkuit, soorlu saqqummiinernit powerpointit, Stine Selmer saaffigiuk: stine@visitgreenland.com

Explore related articles, offers and tour providers:

  • Umiarsuit takornariartaatit
  • Umiatsiarneq

By Liz Cooper

Liz has previously worked for Visit Greenland as part of the content, online, B2B and press teams. She is currently an industrial PhD candidate at Visit Greenland and Copenhagen Business School, researching sustainable cruise tourism.

http://visitgreenland.com

Editors' pick

Towards Better Tourism 2023. Photo by Magnus Biilmann - Visit Greenland

Cruise Forum 2024

Ukiumut umiarsuatigut takornariarfissap aallartinnginnerani, Kalaallit Nunaanni umiarsuarnik takornarialerisut sap. ak. manna Cruise Forum 2024-mik taallugu, Visit Greenlandip aaqqissuussaani naapeqatigiissapput.

  • #Umiarsuit takornariartaatit
The MSC Poesia. Photo Aningaaq R. Carlsen - Visit Greenland

Visit Greenlandip umiarsuartigut takornariartitsinermik suliaqartut innersuussutaat saqqummiuppai

Ukiuni marlunni nunarsuaq tamakkerlugu nappaammik tunillaassuuttoqareersorlu 2022-mi umiarsuartigut takornariartaatitigut takornariat kingumut tikeralerput amerlaqalutik.

  • #Umiarsuit takornariartaatit
The MSC Poesia. Photo Aningaaq R. Carlsen - Visit Greenland

Visit Greenlandip erseqqissarusuppaa umiarsuarmik takornariartitsineq unammillernartoqarlunilu iluaqutissartaqarsinnaasoq

Uani piffissami aasaagaa Kalaallit Nunaanni umiarsuarnik takornariaqarneq annertuumik oqallisaavoq. Ilaatigut isumaqartoqarpoq umiarsuarnik takornariartaatsit amerlavallaat Kalaallit nunaanni umiarsualivinni aqqusaartartut, naak tassani inatsisitigut malittarisassat aamma annikikkaluartut.

  • #Nunap immikkoortui
  • #Avannaa
  • #Kujataa
  • #Nuna allanngutsaaliugaq
  • #Nuuk eqqaalu
  • #Qeqqata
  • #Tunu
  • #Umiarsuit takornariartaatit

Kalaallit Nunaata isussunneranut eqqissillutit sinilerit

Nuna tamakkerlugu takornariaqarnermut siunnersuisoqatigiit Visit Greenlandi videoliorsimavoq atserlugu “Feels of Greenland”. Video iluaqutigalugu qasuersaarsinnaavutit coronallu stressernartua puujulaarlugu. Visit Greenlandip ASMR-ip silarsuaanut 40 min. qaaqquaatit, tassanilu takusinnaavatit piorsarsimassutsitsinniit tigulaakkat 11-it.

  • #Piorsarsimassuseq
  • #Qajartorneq
  • #Umiatsiarneq
More related articles
Visit Greenland
Traveltrade.visitgreenland.com Visit Greenlandimit ingerlanneqarpoq, takornarialerisunullu Kalaallit Nunaannut attuumassutilinnut tamanut sakkussanik paasissutissanillu tunioraalluni.

Quppernerit

  • Saaffissat
  • Umiarsuit tikittarfii
  • Assiutitta atorneri
  • Tusagassiutinut
  • Kalaallit Nunaanni misigisassarsiorneq

Linkit pingaarutillit

  • VisitGreenland.com
  • Assiisivik
  • Kisitsisaatit
  • Big Arctic Five
  • Emailikkut pisartagaqalerit
Copyright Visit Greenland 2019 © Produced by Visit Greenland and KathArt Interactive
  • LinkedIn
  • Facebook
  • Instagram
  • Youtube
  • Pinterest
Scroll to top