Kalaallit Nunaat imaannaanngitsooqqippoq – tamatumuuna Ilulissat nunarsuarmi 2022-mi tikeraarfissatut piukkunnarnerpaat Timesimi allattorsimaffimmi ilaammat. Nunarsuarmi ussassaarutini ussassaarutigineqarnerpaat soorlu Galápagosøerne, Great Barrier Reef, International Space Station, København, Miami aamma allarpassuit ilagalugit.
Timesip allattorsimaffiani Greatest Placesimi Kalaallit Nunaat siullermeerluni ilaanngilaq. 2021-mi illoqarfittut pingaarnersaq Nuuk ornigassatut erseqqissaatigineqarpoq piujuaannartitsineq aamma tamaanimiut ineriartortitsinerat ukkatarineqarluni.
Ilulissat allattorsimaffimmut pilerigineqartumut Times listimut ilannguppoq issittoq pillugu ilinniartitsineq – ungasinngitsukkut Kangiata Illorsuani sananeqaqqammersumi – pissutigalugu.
”Takornariaqarneq piujuaannartitsinerlu piffissani tamani tunulliunneqartuaannarput. Tamanna Kalaallit Nunaata allanngortikkusuppaa oqimaaqatigiinneq mianernartoq ukkataralugu silaannaap allanngoriartornera sunniutai misissorlugit.” Time nittartakkamini taama nassuiaavoq.
Tamaani najugaqarrtunut isumaqarluarpoq.
Avannaata Kommuniani borgmesteri Palle Jeremiassen oqarpoq:
”Ilulissanut takornariarneq nunarsuarmi pitsaanerpaanut ilaavoq, ilaatigullu tikiffigineqartartunit siullersaalluni marlunnik ullorialimmik Michelinip neriniartarfianik Ilimanami neriniartarfilik. Tamassuma saniatigut Kalaallit Nunaata Avannaani najugallit inussiarnersuunertik ilisimaneqaatigaat aamma tamanna illoqarfitsinnut tikikkuit misigissagit neriuutigaara.”
Patsisit allat ilagaat Ilulissani Kangiata Illorsua aamma KOKS, tamarmik aningaasaateqarfiup Realdaniamit tapiiffigineqartut. Kangiata Illorsua illussanik titartaasartumit Dorthe Mandrupimit titartarneqarsimavoq aamma ilisimatusarnermut, ataatsimoornermut ilusilersuinermullu qitiuvoq. Taanna aamma neriniartarfik Michelinimit ulloriaasanik marlunnik ulloriaasaligaq KOKS (Kalaallit Nunaanni 2022-mi aamma 2023-mi) nunaqarfimmi ungasinngitsumiittoq Ilimanami tassaapput patsisit nutaat marluk Kalaallit Nunaannut piffissami ungasinngitsumi tikeraarnissaannut.
Kalaallit Nunaat misigisassarsiortuinnit ornitassaajuaannarsimavoq, kisianni nunarsuarmit arriitsumik tikikkuminarsiartorpoq maanna Nuummi Ilulissanilu mittarfiliornikkut.
2024-p naalernerani Amerika Avannarlermit imaluunniit Europamit toqqaannartumik timmisartukkut tikinneqarsinnaalissaaq!
Visit Greenlandimi pisortaagallartumut, Anne Nivika Grødemimmut, pattalaarneqarneq periarfissaavoq Kalaallit Nunaata Nunarsuarmut nammineq nittarsarsaassinnaalernera Ilulissat sammineqarnerat iluatsillugu.
”Taakkuninnga allattorsimaffiliornerit sumiiffiup nunarsuaq tamakkerlugu ukkatarilerneqarnera naleqalersitsivoq aamma nunamut. Ilulissat kajungerisullu allat, soorlu KOKS tusagassiuutitigut eqqumaffigineqalerput takornarialerisut Kalaallit Nunaannut tamarmut soqutiginnilersitsisumik.”
Nutaanik mittarfiliornikkut Kalaallit Nunaat nunarsuarmut ammarpoq aamma Kalaallit Nunaata annersaa akunneq ataaseq timmisartorluni tikinneqarsinnaalissaaq.
”Nunatsinni takornariaqarnerup piujuaannartitsisumik ineriartortinnissaanut oqilisaatissavarput aamma taamaaliorusuppugut tamaanimiut takornarialerisut peqatigalugit, inuiaqatigiit kissaataat najoqqutaralugit aamma nunani assigiinngitsuni suleqativut siunersiorlugit,” Anne Nivika Grødem naggasiivoq.
Visit Greenland
Pisortaagallartoq Anne Nivika Grødem
Mail: [email protected]
Tel: (+299) 56 02 82
www.visitgreenland.com
www.traveltrade.visitgreenland.com
Avannaata Kommunia
Avannaata Komuniani borgmesteri Palle Jeremiassen
Mail: [email protected]
Tel: (+299) 56 59 81
https://avannaata.gl/
Destination North Greenland
Takornarialerinermi siunnersorti Suusaat Mathiassen
Mail: [email protected]
Tel: (+299) 38 76 93
https://avannaata.gl/
Continues further down the page...
