‘’Tulluusimaarutigeqaarput kalaallit videoliaat ‘Date a Destination’ soqutigineqarluni toqqagassanngortinneqarsimammat’’, Visit Greenlandimi pisortaq Anne Nivika Grødem oqarpoq. ‘’Visit Greenland sinerissamilu immikkoortortaqarfiit takornariaqarnermut suliallit suleqatigiillutik suliarisimasaat tulluusimaarutiginarpoq allamiuniit maluginiarneqarsimammat, allaammi qinigassanngortinneqarluni. Suliami siunertaasimavoq nunatsinni sumiiffiit nalunnginneqarneruallaanngikkaluartut kusanaqisut takutinnissaat. SKIFT tassaasoq takornariaqarneq pillugu suliaqartartut, video suliarput pitsaasutut suliaalluartullu nalilerpaat. Nunatta assigiinngitsorpassuartigut kusanassusaa tulluusimaarutigaarput takutissinnaallugu.’’
SKIFT IDEA Awards ukiut tallimassaa takornariaqarnermi suliaalluartunik nutaaliaasunillu nersualaarinnittartuni annersaattut ingerlalereersimavoq. Ukioq manna 300-it qinnuteqarsimasut akornanni toqqagaalluni assut nersualaarutigineqarpoq. Nersorneqartartut tassaapput isumaqarluartumik soqutiginaatilimmillu takornariaqarnerup silarsuaani suliaasut, takorluuilersitsisinnaasut siunissami takornariaqarneq qanoq ikkumaarnersoq qanorlu issinnaanersoq.
Filmi toqqarneqarsimasoq ‘’Date a Destination: Greenland as six personalities’’, tassa isumaqartoq ‘’Tikitassaq aapparalugu: Kalaallit Nunaat kinaassutsit arfinilinngorlugu.’’, takutippaa Visit Greenlandip nunarput qanoq nunanut allanut ussassaarutigisarneraa, qanorlu ukioq kaajallallugu sila pisarnersoq, qanorlu takornariaqarneq nunatsinnut innuttaasunut iluaquteqarnersoq. Filmi nutaajusumik nunarput isigilersippaa, takutillugulu nunatta pinngortitaa kusanaqisoq, kulturerput, kinaassutsit arfinillit aqqutigalugit.
Filmimik pilersitsisut:
Saaffiginniffissat:
Continues further down the page...
