Danmarkimi Udlændingestyrelsenip kiisalu Danmarkip Beijingimi aallartitaqarfiata, Kinamiut Kalaallit Nunaannut takornariarusuttut visummimik piniaraangata immikkut tuaviuuttalerpaat. Tassa siornatigut Kinamiut Danmarkiliarniartut visummimik piniaraangamik sap.ak. 2-3 utaqqisaraluarput, maannakkulli Danmarkiliarniartut, aamma Kalaallit Nunaannukarniartut nunanullu Schengenimut ilaasunukarniartut ulluni pingasuinnarni utaqqisinneqartalerput.
Taamatut aaqqissuineq ADSimik taaneqartartoq Kalaallit Nunaanni takornarialerisutut iluaqutigerusukkukku Udlændingestyrelsen ingerlatsisutut akuerineqarnermut uppernarsaammik qinnuteqassaatit. Taava taamatut Nunatsinni takornarialerisutut uppernarsaammik piguit Kinami angalatitsiviit aamma taamatut akuerineqarnermik uppernarsaatillit suleqatigilersinnaalissavatit, takornariat ataatsimut isumagisasi piaartumik visummimik pisinnaanissaannut. Aaqqissuussaq pillugu uani atuarsinnaavutit: http://vg.gl/pref.
Takornarialerisutut akerineqarlutit uppernarsaammik uunga allallutit piniarsinnaavutit visa@us.dk, kiisalu uunga CC-tut nassiullugu: akr@us.dk, Suliffiutivit aqqa, najugaq, nittartagaq, qanoq sivisutigisumik ingerlatsiknikuunerit kiisalu ADS Ordning naapertorlugu akuerineqarlutit uppernarsaammik piniarlutit allalugu. Tamatuma kingorna apeqqutinik nassissavaatsit. Akissutivit nassiunneranniit sap.ak. arlallit qaangiuttut ADS ordning naapertorlugu akuerineqarninnut uppernarsaammik nassinneqarsinnaavutit. Annertunerusumik paasisaqarusukkuit una saaffigiuk; b2b@greenland.com
Continues further down the page...