Linda Kleist 28-nik ukiulik Qeqertarsuup Tunuani Destination Manageritut
atorfeqareersimavoq. Ukiut kingulliit sumiiffimmi takornariaqarnerup ineriartortinnissaa sulissutigisimavaa, innuttaasut, kattuffiit takornarialerisut inuussutissarsiortullu qanimut suleqatigalugit.
”Visit Greenlandimi takornariaqarnerup nuna tamakkerlugu iluaqutaasumik
ingerlanneqarnissaa anguniarparput, ineriartortitsinerullu piujuartitsusumik
ingerlanneqarnissaa sumiiffimmilu innuttaasunik peqataatitsineq pingaartitaralugit. Tamanna anguniarlugu nunatsinni takornariarfissat amerlanerusut piareersarneqarput ineriartortinneqarlutillu, taamaalilluni takornariarfissatut pilerineqarneruleraluttuinnarneq piareersimaffigineqarneruniassammat. Lindap suliamigut inuttullu tunuliaqutaa tunngavigalugit, suliffeqarfimmi piginnaasanik amerlanerusunik pilersitsissaagut, tamannalu ineriartortitsinermut pitsaasumik sunniuteqassaaq.” Visit Greenlandimi pisortaq Anne Nivíka
Grødem nassuiaavoq.
Destination Development Managerissaq markedsføringsøkonomitut ilinniarsimavoq, International Hospitality Managementimilu bacheloriulluni. Saniatigut Kalaallit Nunaanni sumiiffinni amerlasuuni najugaqartarsimavoq, nunanullu tamalaanut tunngatillugu, Kinami
paarlaateqatigiinnermi peqataasimanermini misilittagaqarluni. Tassani takornariaqarneq piujuartitsisoq ilinniarsimavaa.
”Kalaallit Nunaanni sumiiffinni amerlasuuni najugaqarsimavunga, taamaalillungalu ilikkarnikuullugu takornariarfissat tamarmik assigiinngissuteqarnerat, nunatsinnilu takornariaqarnermut immikkut tamarmik tunniussisinnaallutik. Nunap iluani takornariaqarnermi, sumiiffinni najugaqartut aallaavigalugit ineriartortitseqataanissara, Kalaallillu Nunaata misigisassarsiorfissatut pilerinartutut nunarsuup sinneranut nittarsaannissaa qilanaaraakka.” Linda Kleist oqaluttuarpoq.
Continues further down the page...
