COVID-19-ip 2020-mi takornariarneq sammiveerutsippaa, minnerunngitsumillu innuttaasut aasaanerani sulinngiffeqarnissaminnut pilersaarutaat. Nunatsinni piffimmik nutaamik misigisaqassava, ilaquttat ikinngutillu salliutinneqassappat imaluunniit nunami allami sapiillisaarneqassava. Nittartakkap saqqummiunneratigut aamma ussassaarinikkut Visit Greenland aamma Nunatsinni takornariaqarnermik suliffeqarfiit nammineq nunanni sulinngiffeqarlutit misigisassarsiorfissavit nassaarinissaanut isumassarsiortinniarpaatit.
“Kalaallit Nunaat nuannerpoq, isumannanngilaq, angivoq aamma assigiinngisitaartuuvoq. Misigisassarpassuaqarpoq, naak maani najugaqaraluarluta suli ilisimagisatsinnik. Nunarput Nuan aqqutigalugu sulinngiffeqarsinnaanerit samminiarparput kiisalu suli nunarsuarmiunut nallersuussinnaasunik nutaanik misigisasaqartillutit”, Visit Greenlandimi pisortaq Julia Pars oqarpoq.
Continues further down the page...
Kalaallit Nunaanni sulinngiffeqarnissap atornissaa peqqutissarpassuaqarpoq – nuna najukkat itinerusumik atassuteqarfigilissavat, najukkami takornariartitseqatigiiffiit suliffeqarfiillu piujuaannarnissaannik ikiussavatit kiisalu ikinngutitit ilaquttatillu ilagalugit immikkuullarissunik misigisaqarlutit. Peqqutaasoq pingaarnerpaat immaqa ilaat tassaavoq takorluukkavit piviusunngortinnissaanut piffissaq pitsaanerpaajusooq.
“Ilisarisimasaqanngilanga maani nunatsinni arlaannik takorluugaqartuaannarnikunik, kisianni piviusunngortinneqarsimanngitsumik. Maanna COVID-19-ip nalaani piffissaq misigerusutavinnik misiginissannut pitsaanerulersinnaava?”, Julia Pars nassuiaavoq nangillunilu, Nunarput ukiuni makkunani – Visit Greenland suleqatillu arlallit tunniussisoralugit akulikitsumik – nunarsuarmi tamarmi ornikkumaneqarnerpaat allattorsimaffianniippoq.
Nunartputnuan.gl ima Nunatsinni takornariarnissamik inniminniinissamut paasissutissat nassaariuminartunngortillugit sananeqarnikuuvoq. Saqqaani Nunatsinnut erinarsuut nersorinninniut nassaarisinnaavat, isumassarsiat pitsaasut, sulinngiffeqarnerit qanoq atorsinnaanerit, sammisassanut isumassarsiorfiit aamma instagrammimit #nunarputnuan-imit saqqummiunneqarsimasut. Taamaattumik eqqaamajuk misigisavit #nunarputnuan aqqutigalugu allanut avitseqatigiiffiginissaat kiisalu @visitgreenland-imi malinnaagit, tassani unammisitsinerit unammilligassallu nutaat saqqummiunneqartarput.
Nittartagaq sukumiinerusumik misissorukku angalanerit ataatsimoortut takusinnaavatit. Angalanerit ataatsimoortut tassaapput angallanneqarneq, misigisat aamma unnuinerit katitikkat, angalatitseqatigiiffiup aallannginninni isumagereersimasai. Taamaasillutik angalatitseqatigiiffiit najukkami sullitat sullissinnaavaat, aammalu nuannersorsuarmik angalanissannik sullissinnaallutit – nammineq isumagisussaasuugukku matumani akikinnerukkajuppoq.
Sumunnarniarlutit nalugukku ernumassanngilatit. Nunatsinni takornariaqarfigineqartartuni suleqatigiiffiit videoliorsimapput, tassani nassuiarluarneqarpoq sooq taakkua takornariarfigissaneritit. Tikilluaqqunissannut qilanaarput.
Visit Greenlandip suleqatigisat Nunarput Nuan-imut ilanngussisut tamaasa angisuumik qujaffigerusuppaat. Ingammik nunap immikkoortuini takornariarfigineqarsinnaasunut kattuffiit suliffeqarfiillu angisuumik qujaffigaagut, taakku angalanerit ataatsimoortut nutaat isumassarsiorfiulluartullu sukkasuumik pilersippaat. Taakkua saniatigut peqatigisat tamaasa sulinngiffeqarluni angalanermik akiliunneqartarnerup ima allanngortinneqarnera, angalasussat angalanerup unnuinerullu Nunatsinni pisussanngortinnerat. Tamanna ima isumaqassaaq, ilaqutariit amerlanerusut namminneq nunaminni sulinngiffeqarnissaat aningaasaqarnikkut ajornarunnaarnissaa.
Takornariaqarnermut suliffeqarfiuit misigisassanik aaqqissuuteriikkanik nunarputnuan.gl-imut suli ikkunneqarsimanngitsunik suliaqarsimallutit? Taava paasissutissat imarisanut, akinut sivisussutsimullu tunngasut ilanngullugit uunga allagit: stine@visitgreenland.com, taamaasillutik saqqummiunneqassapput. Misigisassat aaqqissuuteriikkat tamarmik nunarputnuan.gl-ikkut akeqanngitsumik saqqummiunneqassapput. Misigisassat aaqqissuuteriikkat pillugit ussassaarutit nunarputnuan.gl-imiittut inuussutissarsiortunut akeqanngilaq.
Suliffeqarfiit tassunga ilanngullugu takornariarfissaatiminni neqeroorutiminnik ilisarnaatilerlugu, grafikkilerlugu aamma atortut kikkunnut tamanut akeqanngitsut nunarputnuan.gl-imiittut ussassaarinermut paasisitsiniaanermi atorsinnaavaat. (Toolkit).
Paasissutissat sukumiinerusut uunga saaffiginninnikkut pissarsiarineqarsinnaapput:
Pisortaaneq Julia Pars
Visit Greenland
Oqarasuaat 342831
