Nuuk, Kalaallit Nunaanni illoqarfiit pingaarnersaat illoqarfittut piujuartitsisutut anguniagaqarusuppoq – nalunaarusiaminnilu tassaasumi Destination benchmark performance Report (tuluttut), Earthcheckimiit bronzinnannerminni tamanna angusinnaanngulerpaa.
“Nunarsuarmi siullerpaalluta illoqarfinni pingaarnersani piujuartitsisutut allagartartaarusuppugut – siunissamillu piujuartitsinissamik imaqartumik anguniagallit suleqatiginninnissaannut kajungilersikkusullugit”, Charlotte Ludvigsen, Sermersuumi bogmesteri taamak oqarpoq.
Sermersooq Kommune, Nuummi inissisimasoq, EarthCheckip Sustainable Destinations programmiani peqataasimavoq. Programmip anguniagaraa inuiaqatigiinni akisussaaffilimmik piujuartitsisumillu takornariaqarneq siulersussallugu ineriartortissallugulu. Programmip inuiaqatigiit sinaakkusersorpai, avatangiisinut inuiaqatigiinnullu tunngasunik suliaqarnerminnik nalunaarsuinissaminnut ingerlaavartumillu ineriartortsinissaminnut ikiorserlugit.
Avatangiisi pillugu nunarsuarmi ajornarnartorsiutinik – assersuutigalugu kissatsittoornermi gassimik aniatitsineq, avatangiisimi pinngortitseqqinniarneq, -pitsanngorsaaniarneq, -kingornussanillu ataavartinnissamik oqaluuserinninnissaq Nuummi pisussaaffittut isigivarput. Programmip siunertaraa inuiaqatigiit, piujuartitsinissamik anguniagaqarnissaannik sumiiffimminnilu aallarnisaanernik sanaartorsinnaanissaannut piginnaasanitsinnissaq.
“Nuummut anguniakkatsinni piujuartitsineq qitiusumik inissinneratigut pitsaassutsimik qaffaanissatsinnik anguniagaqarpugut!, Bogmester Ludvigsen oqarpoq nangillunilu: “Suliniuteqarnitsinni suleqatitta sumiiffimmi najugallit suleqatiginerisugut, piujuartitsinermik kinguneqartitsinermik tunniusserusuppugut”
Ukiut tamaasa avatangiisi pillugu suliniutini naammassisat nakkutigineqartarput malitassallu nalunaarsuutit piujuartitsinermut tunngasut kingulliit malillugit nutaanngorsarneqartarlutik, Kommunellu anguniagaannut sanilliunneqarlutik. Ukiuni tulliuttuni angusat, ukiut siuliinut, kiisalu nunani tamalaani sumiiffinni assigiinngitsuni angusanut sanilliunneqarsinnaalissapput.
“Nalunaarusiaq ‘EarthCheck Benchmarking Performance Report’ aallarniutaavoq qajannaatsoq. Unammillernartumut qanoq pimoorussitiginitsinnik takutitsiinnanngilaq, paasissutissalli, suleqatitsinnit suleqatigerusutatsinnillu takuneqarsinnaalissapput, takornariallu, piujuartitsinissamik anguniagaqartut amerlissallutik”, bogmester Ludvigsen oqarpoq.
“Imermik atuinerput kiisalu mingutsitsinngitsumik innaallagissamut atuineq, Nukissiorfimmit isumagineqartoq eqqarsaatigissagaanni allanut naleqqiulluta ajunnginnerusumik inissisimavugut. Taamaakkaluartoq ikummatissanik atuinerput suli pitsanngorsarneqarsinnaavoq. Ukiumut malitassanik pilersitsisarneq, ingerlatsinitsinni killiffitsinnik kiisalu unammillernartut suunerinik qaavaniit takunnissinnaassusermik tunisivoq,” Asmus Jessen Rubæk, Sermersooq Businessimi siunnersorti oqarpoq.
“EarthCheckimi suliffeqarfiit, inuiaqatigiit naalakkersuisullu pitsaasumik inerneqartitsinissaannik pimoorussilluta ikiorusuppagut, tamannami nunarsuatsinnut suliffeqarfinnullu iluaqutaassammat. Sermersuup Kommuneata, piujuartitsinissamut suliniutinut pimoorussinera pillugu, naak tuniluunnersuaqaraluartoq, assut tupigusuutigaarput. Neriuutigaarput allat aamma malinnaajumaartut, “André Russ, EarthCheckimi tuniniaanermi Vicepræsident oqarpoq.
Visit Greenlandimi Nuuk Sermersuullu Kommunea angusarissaarneranik pilluaqquagut. Visit Greenlandip takornariaqarnermut periusissiaa piujuartitsinissamut anguniakkanik qiterisitaqarpoq, tassaasut anguniakkat 4, 8, 12 aamma 17.
Najoqqutaq: Kommuneqarfik Sermersooq
Continues further down the page...
