Februarimi 2022-mi Kalaallit Nunaanni ataasiinnarmik qorsummik matuarsaatilerneqarsimasumik akunnittarfeqarsimavoq, maannali pingasunik peqalereersimavugut. Tassami Hotel Hans Egede aamma HHE Express matuersaatinik qorsunnik uppernarsaaserneqarsimapput.
”Nuannaarutigaarput tulluusimaarutigalugulu akunnittarfiutigut tamarmik qorsummik matuersaaserneqarsimammata,” Pisortaaneq Jørgen S. Bay-Kastrup oqarpoq. ”Piujuartitsilluni inooriaaseq tamatta pigilertariaqarparput, kinguaariinnut tulliuttunut tamanna tunniuttussaavarput. Tamanna unnuisartutta aamma naatsorsuutigisarpaat”.
Matuersaat qorsuk tassaavoq nunani tamalaani takornariaqarnermi avatangiisinut ilisarnaat. Avatangiisinut pitsaanngitsumik sunniisarnermut annikillisaanissamut, sulinermi atugassarititaasunik pitsanngorsaanissamut sumiiffimmilu suleqatigiinnissanut suliffeqarfinnut ilitsersuussutaavoq.
Nuummi akunnittarfinni marluusuni uppernarsaatip anguneqarneranut peqqutaanerpaapput nerisassanik maangaannartitsinnginnissamut, sumiiffinni pisiortorfinnik atuinerunermik, plastikkinik ataasiartakkanik atuinaveersaanermik, innaallagissamik sipaarnermik, imermik pappiaqqanillu sipaarnermik suliffeqarfiullu iluani unammisitsinernik nuannersunik inuppalaarnermik pilersitsisunik kiisalu anguniakkanik nutaanik angusaqarnernik kinguneqartitsisunik ukkatarinninneq.
Uppernarsaaserneqarneq tassaavoq niuernermi pitsanngorsaaneq taamaattumillu ajunnginnerusunik angusaqarneq – aningaasatigut, isumaginninnermut, avatangiisunut kinguaariillu tulliit illersornissaannut.
Continues further down the page...
