Qallunaaq Anders Hemmingsen, inuit attaveqaataanni tissinartunik ilanngussisarneq nalunnginneqaatigaa, qallunaanillu 1,2 millioninit Instagramikkut malinnaaffigineqartarluni. Tassani atuisut videonik, assinik memesinillu tissinartunik maannakkullu pisunik ingerlateqqiisarput. Maanna influenceri 35-nik ukiulik aappani Julie Schoe ilagalugu siullermeerluni Kalaallit Nunaannut tikeraassaaq.
“Kalaallit Nunaata tikeraarnissaanut assut erinisuppugut. Angalassagaangatta attartukkamik angalanerit nerisassanik ulikkaartut imermilu aerobicernerit tamatigungajak toqqartarpagut, taamaammat iglomi unnuinissaq pissanganarpoq.“
Hemmingsen taamak oqaluttuarpoq. Kalaallit Nunaata piorsarsimassusaata misiginissaa qilanaaraa, neriuuteqarlunilu kalaallit inuusuttut assinik videonillu Instagramimut ikkussisarumaartut, qungujunnarisatik ulluinnartillu takutillugit.
“Assinik videonilliu tissinartunik, kalaallit kisimik nunaminni misigisartagaannik takutitsisunik nassittarsinga. Kalaallit Nunaata, ilissi nalunngisassi takutinnissaanut periarfissanngorpoq.”
Angalanerminni aappariit iglomi najugaqarneq, arsarnernik takusassarsiorneq, qimusserneq aputisiutinillu pisunneq misigissavaat, kalaallit suleqatigisassatik peqatigalugit. Aamma pilersaarutaavoq Julie Schoenip, Danmarmiki ukiumi imaanut pissittartup, ”arctic plunge” misilinnissaa – tassa Ilulissani nillernerulaami imaanut pissinneq.
Angalaneq aamma inunnut Kalaallit Nunaannut ilisimannippallaanngitsunut takutitsinissamut periarfissamik tunisivoq. Tassa Kalaallit Nunaat ornitassaammat piorsarsimassutsimik misigisassanillu immikkut ittunik ulikkaartoq.
Visit Greenlandip pisortaa, Hjortur Smarason oqarpoq,
“Maanna nunani avannarlermiunut, Kalaallit Nunaannut ilisimasaqarpallaanngitsunut, Kalaallit Nunaata eqqortup takutinnissaanut kalaallit periarfissaqalerput. Kalaallit Nunaata nutaaliaasup, takornariarfissatullu ukiumi sunik neqeroorsinnaanerluta oqaluttuarinissaannut periarfissaatsialaavoq immikkuullarissoq. Ukiumimi takornariarneq siuarsaavigerusupparput. Visit Greenlandimiit kajumissaarusuppassi inunnut attaveqaatinut imassaatisi tissinartut, Anders Hemmingsenip Instagramianut nassiuteqqullugit.”
Anders Hemmingsen avannaanut sap. akunnerani aggersumi, 4. – 8. april tikeraassaaq.
Instagramimi malinnaasut tunniusimasut saniatigut Hemmingsen tusagassiuutip BT-p Podcastianit ateqartumit ‘Helt væk’ nalunnginneqarpoq. Tassaani Hemmingsenip tusaamasat aallakaatitsisartullu studiamut qaaqqusarpai, taamaalillutik uumasuutinik meeranermilu ikinngutinik ujaasinerit akissuteqarfigisarlugit.
Angalaneq Visit Greenlandimit Air Greenlandimiillu aningaasaliiffigineqarsimavoq Arctic Friendimiillu aaqqissuunneqarsimalluni. Hotel Icefiordimi Igloo Lodgesini ineqassapput.
Anders Hemmingsen – [email protected] +45 60 22 24 69
Tanny Por – PR-imi aqutsisoq – Visit Greenland [email protected] +45 20 76 96 90
Continues further down the page...
