Pitsaaqutit
-
Suliffeqarfiutit nunarsuatta sinneranut atassuteqalissaaq
Illit ingerlatsiviit assigiinngitsutigut takornariarnianut nassaarisitinniarsinnaavaat. Takornariarniat toqqaannartumik nammineq naapillugit niueqatigisinnaavatit imaluunniit online-booking atorlugu internetikkut attaveqarfigisinnaallugit. Ingerlatsiviit amerlanerit saaffiginneriaatsit taakkua ataatsikkut periarfissarisarpaat, takornariarniat toqqaannartumik kiisalu angalatitsiviit takornariartitsiviillu nunanit tamaneersut aqqutigalugit takornarianut anngunniartarluti
Kalaallit Nunaanni pilerisulersitsiniaagaangatta, nalinginnaasumik aalajangersimasumik periuseqartarpugut. Tamanna uani grafikkimi takuneqarsinnaavoq:
Una tooruk assilu angineq takullugu
Illit neqeroorutigisavit pilersinnissaanut noqqaavigineqarneratalu ingerlaavarnissaanut, Visit Greenland nunallu immikkoortortaani takornarianik isumaginnittut, DMOt, sunniuteqaqataapput. Sutigulluunniit ikiuuttartugut takusinnaavat:
Continues further down the page...
Not everyone knows the nitty gritty differences between all the different terminology within tourism. Here is a quick overview of the most important tourism players in Greenland, defined by the Global Development Research Center.
Agent – tassaavoq, allat sinnerlugit pisinnaatitaaffeqarluniluunniit iliuuseqarsinnatitaasoq. Angalatitsivinni atorfillit nalinginnaasumik, pisortaq eqqaassanngikkaanni, tassaakkajunnerupput agentit saaffiginnitunik isumaginnittussatut, bilitsinik isumaginnittussatut, sumiiffinni sullissisussatut imaluunniit annertuukkuutaarlugit nioqqutilittut (Amerikami Avannarlermi taamatut atorfeqartitsineq nalinginnaasuunngilaq) atorfillit.
Angalanissanik aaqqissuussisartoq/Turoperatør – tassaavoq, inuk imaluunniit suliffeqarfik angalanissanik periarfissiillunilu nioqqutissatut nittarsaasartoq kiisalu angalanissat ataatsimut ataqatigiissaarnissaanut pisariaqartitanik isumaqatigiissuteqartartoq. Angalanissanik aaqqissuussisartut amerlanerit angalanermut agentit aqqutigalugit imaluunniit sullitassat toqqaannartumik attaveqarfiginerisigut nioqquteqartarput.
Destination management-firmat (tuluttut naalisarlugu DMC) – Sumiiffinni isumaginnittoqarfiit – Tassaapput suliffeqarfiit sumiiffinni aalajangersimasuni inniminniinissanik angalanissanillu ataatsimeersuarnissanilluunniit aaqqissuussisartut, akunnittarfinni unnuisarnissat, assartuussinissat, takornariarnissat, ataatsimiinnissat immikkuullarissunillu misigisassaqartitsinissat ilanngullugit isumaginnittussat. Angalanissanik aaqqissuussisartut ataatsimeersuarnissanilluunniit pilersaarusiortartut destination management-firmanik ikiorteqakkajupput, taakkua sumiiffinni pissutsinik immikkut ilisimaarinninnerat pissutigalugu.
Destination marketing organisation (DMO) – Sumiiffinni takornariarfissat nittarsaannissaannut kattuffik Tassaapput National Tour Associationimut ilaasortat ilaat, soorlu nunami namminermi nunalluunniit immikkoortortaani takornarialeriffiit, qitiusumik ataatsimeersuartitsisarfiit takornarianillu isumaginnittoqarfiit kiisalu niuertut peqatigiiffii, illoqarfimmik, nunap immikkoortortaanik imaluunniit nunamik aalajangersimasumik takornariarfissatut pilerisaarutiginnittut.
Destination management-organisation (DMO) – Sumiiffinni takornariarfissanik isumaginnittut kattuffiat – Tassani sumiiffimmi aalajangersimasumi takornariarfissap nittarsaanissaata saniatigut takornarianik isumaginninnissaq pineqarneruvoq.
Atortunik attartuisarfik – tassaavoq suliffeqarfik, sukisaarsarfissiani sullissinissamik atortunillu neqerooruteqartoq.
Nioqqutaasinnaasumik nutaamik, angalanermut agentinut tusagassiuuteqarfinnulluunniit pilerisaarutigerusutannik isumassarsiaqarpit, imaluunniit inuit iluaqutigisinnaasavit attaviginiarnerannut ikiortissarsiorpit? Taava Visit Greenland saaffigiuk, taava suliap ingerlateqqinnissaa isumagissavarput, peqatigalutit. Uunga allagit B2B@greenland.com imaluunniit uunga sianerlutit (+299) 34 28 20.
Angalatitsisut ilaasa Kalaallit Nunaanniinnikuunngisaanaraluarlutik nunatsinni neqeroorutigineqartut nutaat neqeroorutiminnut ilanngutiinnarsinnaasarpaat. Taamaakkaluartoq neqeroorutit aalajangersimasut nutaat angalatitsisut neqeroorutaannut ilanngullugit nittarsaatigineqartinniarnerat qaammatinik ukiunilluunniit arlalinnik sivisussuseqakkajuttarpoq. Iluatsinnissaanut pissutsit assigiinngitsut apeqqutaasarput, soorlu angalatitsivimmi aaqqissuussisartut takornarianut soqutigittunut atatillugu qanoq piareersimatiginersut kiisalu qanoq ilisimasaqartigalutillu atassuteqarfeqartiginersut apeqqutaasarlutik.
Angalatitsivinni assigiinngitsuni pingasuni aaqqissuussisartut suleqatigilerniarnerinut qanoq sivisutiginikuuneranut, aajukua assersuutit pingasut:
Regent Holidays tassaavoq angalatitsivik, sumiiffinnut ilisimasassarsiorfigineqarnikuunngitsunut sapiiserluni takornariartitsisartutut tusaamaneqarpoq. Kalaallit Nunaat angalatitsiviup ukiorpassuarni ornitassatut aalajangersimasumik neqeroorutigisarnikuugaluarlugu, Tunumi ingerlatsivik takornarianik isumaginniffik aaqqissuusseqataasinnaajunnaarmat tamanna unitsiinnarnikuullugu. Angalatitsivimmili neqeroorutinik akisussaasoq Vestnorden 2017imut peqataalluni, orninneqarsinnaasuni takornarialerisut akunnittarfiillu atassuteqarfigileqqippai. Tunumi suleqatini toqqaannartumik atassuteqarfigalugit maanna Tunumukarnissaq Regent Holidaysip neqeroorutiminut ilanngullugu nioqqutigilerpaa.
Hauser tyskiupput Tunumi suliaqartartut – Hauser 1984-mi Tasiilami takornariartitsisarneq Robert Peroni The Red Housemeersoq peqatigalugu aallarnisaanikuupput. Kisianni Hauser takornariaqarneq Tunumiinnaanngitsoq sammerusullugu Kujataanut 2017-mi misissuiartorput suleqatissallu eqqortut attaveqarfigilersimallugit. Maannakkut Trekking (pisunneq) Erik Den Rødep angerlarsimaffianiit misigisassatut tuninialerpaat 2020-mi piariissallugu.
Sumiiffinni takornarinik isumaginnittunut aalajaatsumik atassuteqarneq ikorfartorneqassaaq
Sumiiffimmi pissutsit misilittagaqarfiginissaat ilinniarluarsimasunillu ilisimasortaqarnissaq pingaaruteqarput
Suliffeqarfinni pissutsit pingaartinneqartut imminnut assingusinnaasut suliffeqarfinnit amerlanerusunit atuutsinneqaleqqunarput
Nunanit tamanit noqqaassut aallaavigisassat attavigineqarnerat inississaaq taakkualu piumasaat sumiiffimmi neqeroorutigineqartunut naleqquttuussaaq
