Ukiortaami anguniagaq
50-iliinnginninni pitsaanerpaanera angussallugu
Julia Parsip Kalaallit Nunaanni takornariaqarnerup assigiinngissitaartumik kivinnissaa takorluugaraa, tamatumunngalu ilutigitillugu immikkoortutut ataatsimoortutut iserterfiginiarlugu. Uani atuaruk illit najukkanni imaluunniit nunat tamalaat akornanni soqutiginartutut inissisimanerpit qanoq pingaaruteqartiginera.
Qaammatini arfineq-pingasuni Visit Greenland aalajangersimasumik aqutsisoqanngereersorlu nuannersumik pisoqarpoq, tassa Julia Pars ulloq 1. februar 2018 pisortaanertut atorfinitsinneqarmat. Juliap Nuummi Nuutoqqami suliffittaassami eqqissisimasumik inissisimaneq maluginiareersimagaa, qularnanngitsumik allaffimmit pineqartumit takornariaqarnerup tungaatigut ukiuni aggersuni sapiillisaartoqarnissaa ilimagineqarsinnaavoq.
Aqutsisorlu taamatoqqissaaq pissuseqassaaq: Eqqissisimasoq ammasorlu, kisianni piffissaq takkukkaangat iliuuseqarsinnaassusilik. Julia piffissami pissanganartumi pisortanngornera qularutissaanngilaq. Sivisuumik isummat pigisimasat sukkasuumik piviusunngortinneqartarput. Pissutsit allanngortarneri sukkasarmata ilaatigut suliluunniit paasilluanngikkigut nutaanik pisoqartarpoq / ullumikkumut tulluarsassagaanni soorlu ima pisoqartussaasoq: nunatta sineriaani pingasunik mittarfittaarsimassaagut, Issittullu imaartaa ima ammatigisinnaavoq, sikumik aserorterutit Kalaallit Nunaanni ungasissuliarsinnaasunngorsimallutik.
Julia piffissami pissanganartumi pisortanngornera qularutissaanngilaq.
Continues further down the page...
Takornariaqarnermi soqutigisaqaqatigiit tamaasa pitsaalluinnartumik attaveqaateqarfigerusuppakka.
Julia: Ataatsimut isigalugu kultureqarpugut pinngortitaqarlutalu assigiinngitsorpassuarnik misigisassarsiorfiusinnaasumik aammalu takornarianut assigiinngitsorpassuarnut saaffiginnittumik kultureqarpugut. Aamma nunap immikkoortuini assigiinngitsuni aamma nunap immikkoortui akimorlugit assigiinngissitaartorujussuaqarpoq. Nunap immikkoortuini tamarmik assigiinngitsuuterpassuaqarput.
Nunap immikkoortui tamarmik aamma allanut naleqqiullugit namminneq immikkuullaarissusiminnik takutitassaqarput.
Nunap immikkoortui tamarmik aamma allanut naleqqiullugit namminneq immikkuullaarissusiminnik takutitassaqarput. Taamaak iliornikkut takornariat uteqqissinnaasarput nutaarluinnarmillu misigisaqarlutik. Nunap immikkoortuini takornariaqarfiusinnaasut amerlanerulernerisa ineriartortinneqarnerat takorusuppara – soorlu assersuutigalugu Ilulissani Icefjord Centeri – nunap immikkoortuini ataasiakkaani sunik immikkuullarissunik neqerooruteqarnersut.
Julia: Orninneqarsinnaaneq pingaaruteqarpoq. Kalaallit Nunaata ajornannginnerusumik tikinneqarsinnaanera suleqatigiissutigisariaqarparput, tamatumunnga akinut timmisartullu tikittarnerisa amerlassusaannut tunngatillugu. Mittarfiit amerlanerusut ineriartortinnerat mittarfiillu takinerusut tikinneqarsinnaanerup annertusarneqarnissaanut qulakkeerisuupput.
Ukiup qanoq ilineri ilaatigut sanngiissutit ilagaat.
Ukiup qanoq ilineri ilaatigut sanngiissutit ilagaat. Ukiuunerani immikkuullarissunik neqerooruteqarsinnaaneq pillugu eqqarsaqatigiittariaqarpugut ukiuuneranilu Nunatsinnut takornariarneq kajuminnarnerulersittariaqarparput. Iliuuseriniagara tassaavoq, takornariat sorliit sammineqarnissaat pillugu kikkut tamarmik eqqarsaqatigiinnissaat.
Julia: Isumaqarpunga Visit Greenlandip, Kalaallit Nunaata Naalakkersuisuisa kiisalu tunisassiortut, sulisut, niuerutillit (takornariaqarnerup ataaniittut) pingaaruteqartut. Politikerit pitsaasumik oqaloqatigisassavagut, taakkuummata takornariaqarnermi tunngavissanik aaliangersaasartut, soorlu assersuutigalugu attaveqatigiinnermi suliniutinut tunngatillugu. Ilutigitillugu isumaqarpunga, nunap immikkoortuini allaffiit nittarsaannissamut attaveqaataasut pingaaruteqartut, nunap immikkoortuini neqeroorutinik tuniniaasuummata kiisalu nunap immikkoortuini takornarianik sullissisut ataqatigiissumik attavigisaramikkit. Takornariaqarnermik suliaqartut nunani tamalaaniittut aamma takornariaqarnermi pingaarutilimmik inissisimapput, taakkua tassaagamik niuerfinni takornarianut qanittut; puigornagulu, taakkuummata takornarianik sammisallit neqeroorutaannik pisisartut.
Julia: Piujuartitsineq takornariaqarnermi qulakkeerneqarnissaa akisussaassusilimmillu angalarsarnissat qulakkeerneqarnissaa qitiutikkusuppara. Pingaarnertut angallattut avatangiisinik eriaginnissapput, najukkani kulturi ikorfartorlugulu iluaqusersussavaat aamma aningaasarsiornerup tungaatigut pissarsissutaassaaq. Uannut eqqarsaatigissallugu pingaaruteqarpoq, takornariaqarnerup Nunatsinni qanoq ittumik sunniuteqartinniarnera.
Takussaavoq, taanna UNESCOp eriagisassatut allattorsimaffianut ilanngussaq, pisorlu angivoq, taamaattumik UNESCO aallaavigalugu saqqummerneq atorluassagaanni piujuartitsineq aallaavigalugu aqunnissaa pingaaruteqarpoq, taamaasilluni internetikkut nittartakkat illersorneqassapput attanneqarlutillu.
Julia: Takussaavoq, taanna UNESCOp eriagisassatut allattorsimaffianut ilanngussaq, pisorlu angivoq, taamaattumik UNESCO aallaavigalugu saqqummerneq atorluassagaanni piujuartitsineq aallaavigalugu aqunnissaa pingaaruteqarpoq, taamaasilluni internetikkut nittartakkat illersorneqassapput attanneqarlutillu. Nunap immikkoortuini allaffiit illersuinerup tamatuma qulakkeernissaanut angisuumik suliassaqarput kiisalu internetikkut nittartakkat pillugit ilisimatitsinissamut – nunarsuaq tamakkerlugu pulaarfiit kisiisa atornagit, kisianni aamma imminut nittarsaannikkut.
Julia: Nunap immikkoortuisa angallaviginissaat takornarianillu aallussisut ataasiakkaat oqaloqatiginissaat qilanaarisorujussuuara. Nunama pitsaasumik iliuuseqarfiginissaa inuuninni anguniagaraara, takornarialerinerlu tamatumunnga periusissatut toqqarsimavara. Ineriartornermut tunniussissallunga qilanaaraara.
Julia: Siunissaq qaamaqaaq. Takornariaqarnerup eqqortumut ingerlanera sorpassuit takutippaat. Angalasut maanngartartut amerliartorput, aamma takornariaqarnermi aallarnisaasut amerliartorput – aatsaat taama amerlatigipput. Takornariaqarnerup qitiujartuaarnera Nunatsinni ersarippoq.
Julia : toqqaannartumik attavigerusuppiuk? Uunga allagit: julia@visitgreenland.com imaluunniit toqqaannartumik uunga sianerit: +299 34 28 32
Siunissaq qaamaqaaq. Takornariaqarnerup eqqortumut ingerlanera sorpassuit takutippaat.
Want to get in touch directly with Julia?
Write to julia@visitgreenland.com or call direct to +299 34 28 32
Julia takkuteqqammisoq naapipparput tulluusimaarlutalu oqaasiinik maani avitseqatigerusuppatsigit.
Julia: Siullertut tusarnaarusuppunga. Takornariaqarnermi soqutigisaqaqatigiit tamaasa pitsaalluinnartumik attaveqaateqarfigerusuppakka.
Julia: Pinngitsoornanga Vestnorden Travel Martimi Akureyrimi Islandimiittumi oktoberimi peqataassaanga, Nuummilu novemberimi Visit Greenlandip Airgreenlandillu nuna tamakkerlugu takornarialerisunik napititsineranni takornariaqarnermik sammisaqartut akornanniissaanga. Pisut pisortatigoortut sioqqullugit, nunatta immikkoortui tamaasa angallaviginiarsarissavakka, tassanilu takornariaqarnermik sammisallit toqqaannartumik naapillugit, piffinnilu ataasiakkaani takornariaqarneq suunersoq malussarfiginiarlugu. Tamatuma saniatigut neriuppunga, nunat tamalaat akornanni messinut Visit Greenlandip peqataaffigisartagaant peqataasassallunga.
