Kalaallit Nunaat ornitassatut avinngarusimasutut isigineqartarpoq, nalunngiliulli qeqertaq ungasissoq ilisimaneqarpianngitsunik aqqutissiaqartoq? Avinngarusimasumiilluni ilungersuanartut ilagaat Kalaallit Nunaannut takornariatut angalaniaraanni paasissutissanik nassaaruminaattarnera. Visitgreenland.com-imut nutartikkamut iserlutit Ornitassat pillugit nangeqattaartut nutaat iserfigikkit, quppernerit taakkua Kalaallit Nunaanni ornitassanut 27-nut paasissutissat pingaaruteqarluartut tuluttut, tyskisut aamma qallunaatut atuarneqarsinnaasut neqeroorutigaat.
Ornitassat pillugit nangeqattaartut nutaat, angalasoq Kalaallit Nunaannut angalanissaanut takussutississavaa pilersaarusiornissaanullu ikiussavaa siornatigornit ajornannginnerusumik.
Angalanermi ilitsersuutit aamma paasissutissat naatsorsuutigineqartut saniatigut, ornitassat tamaasa qanoq taaneqartarnerinik immikkut ittunik nangeqattaartut immiussaqarput, hashtagsit digitaliusut atorlugit tamaanimiunik takornarianillu attaveqartoqarsinnaavoq, aamma silap qanorinneranut paasissutissat toqqaannartut pissarsiarineqarsinnaapput, illit ullorisappit qanoq ingerlanissaa aqunniarlugu.
”Takornariaqarnerit illoqarfigisami aallaveqartut pilersinneqareernikut siuartorneranni Visit Greenlandimit ikorfartorneri ingerlatiinnassavagut, tikitassani digitalikkut ikiuinikkut aamma tikitassat ilisimaneqarpallaanngitsut, takornarialerinerinermik angusaqarluarusuttut ukkatarinerisigut. Takornarialerinermi alloriarneq siulleq tassaavoq saqqumilaarnermik attaveqarnernillu pilersitsinerit,” Anne Nivikka Grødem Visit Greenlandimi pisortaanerugallartoq nassuiaavoq.
Ornitassat avinngarusimasut, Ornitassat pillugit nangeqattaartuni nutaani erseqqissarneqartut ilagaat Tunumi nunaqarfiit apummik poorsimasut Kuummiut aamma Tiilerilaaq, Kalaallit Nunaanni nunaqarfiit avannarlerpaaq Siorapaluk, nunatsinni nunaqarfiit annersaat Kapisillit aamma illoqarfik kujallerpaaq Nanortalik. Nunap immikkoortuini DMO-t suleqatigalugit paasissutissat misissorneqarput. Taakku pillugit paasissutissiinermi Visitgreenland.com-ip ornitassat taakku tikeraarnissaannut takorluuinerit aallartippai – aamma piviusunngortinnissaannut peqataavoq.
Assersuutigalugu Siorapalummi oqaluffiup atuarfittut atuakkanillu atorniartarfittut atorneqarnera (soorlu nunaqarfippassuit amerlasuut aamma taamaaliortartut), aamma illut tamarmik imermik kuuinnartumik peqanngitsut, imerlu kommunit imermik kuutsitsivianit aaneqartariaqarnera pillugu atuarsinnaavutit. Paasissutissat tamarmik iluaqutaasut ornitap paasinissaanut iluaqutaasut.
“Kalaallit Nunaaliarniaraanni paasiniaanermut piffissarujussuaq atorneqarajuppoq. Ornitassat pillugit nangeqattaartut neqeroorutigaat iserasuaatit, soorlu sumiiffinni takornarialerisut ilisaritillugit aamma misigisassanik kiffartuussinernillu pissarsiarisinnaasat suusinnaaneri paasissutissiissutigalugit. Kalaallit Nunaanni tamani takornarialerisut angorusutaat takornarianullu kiffartuussinerup ukioq kaajallallugu ineriartortinnissaa, Ornitassat pillugit nangeqattaartuliap ikorfartorpai” Visit Greenlandimi pisortaanerugallartoq Anne Nivikka Grødem naggasiivoq.
Paasisaqarnerusinnaavutit uani https://visitgreenland.com/da/destinationer/
Qisuariaatit atorfissaqartipparput! Ornitassat pillugit quppernerit suli pitsaanerulersinnissaanut una immersorlugu ikiortigut!
Anne Nivika Grødem – saaffginnissutit nalinginnaasut, nivika@visitgreenland.com, +299 56 02 82
Suliniummi aqutsisut:
Kim Insuk – insuk@visitgreenland.com / +299 25 31 23
Johanna Himstedt – Johanna@visitgreenland.com / +45 50 12 74 06
Continues further down the page...
