Immikkut anguniagassatut eqqartorneqarput siunnerfiit ilusilersugassat, nunatsinni takornariaqarnerup siammarnerunissaanut, taamaasillunilu ineriartornermut piujuartussamut takornariaqarneq iluaqutaasinnaanissaanut iluaqutaassalluni.
Siulersuisut qulequttat pingaarutillit paasisassarsiorfigaat, ilaatigut ‘Grow Greenland – Towards Better Tourism’-imik taallugu pilersitaq aammalu tunisassiornermut misissuinerit nunat immikkoortortaqarfiiniillu suleqatigiinnerit. Taamatuttaaq suliniutit neriorsuummut, akuersissutinullu aaqqiissutit, nunatsinni takornariaqarnermi piujuartitsinermut sakkussatut ilusilersuinermi atorneqarsinnaanngornissaat eqqartorpaat.
Ukioq manna umiarsuarnik takornariaqarneq aamma nalilersuiffigineqarpoq. Nunatsinni peqqinnissaqarfiit, Issittumilu Sakkutooqarfik paasisaminnik saqqummiipput, nalilersuinermut iluaqutaaqisunik.
Siulersuisut pingaarnertut siunnerfigaat nutaaliorneq, piujuartitsinerlu aallaavigalugit Kalaallit Nunaat tikitassatut nuannerluinnartutut nittarsaattassallugu. Tikitassaq takornariaannarnut pisuunnguallannermik misigititsinani, kisiannili tamanut pisuunnguallannermik misigititsisassasoq.
Continues further down the page...
