Nuuk ingerlatsiviit akimasut akornaniilerpoq. Nunatta illoqarfittut pingaarnersaat ukioq manna ornigassanut soorlu Paris aamma Sydney assigalugit TIME Magazine’s World’ Greatest Places to Visit 2021 Listimi tatigisaasumi takuneqarsinnaavoq. Allattorsimaffik takornarianut najoqqutassaavoq ataatsimoortoq, ukiut tamaasa aaqqissuisut suliassamullu paasisimasaqarluartut nunarsuarmit tamaneersut suleqatigalugit saqqummersinneqartartoq. Nuummi sissaq atuarlugu aqqusininnguit arsarnernillu takunissamut periarfissaqarluarnerata pingaarnertut, nunatta illoqarfittut pingaarnersaata takussutissiamut inissinneranut qularnaarinnipput.
”Tupinnaqaaq Nuuk TIMEp 2021-mut allattorsimaffianut ilaalermat. Ornigassaqqissutut Nuuk isigineqalermat nersorinninneruvoq. Allattorsimaffiit taamaattut pingaaruteqarput, inuit angalanissami tullia pilersaarusiornerani ornigassap eqqaamanissaanik qulakkeerinnimmat” Visit Grenlandip pisortaanera Hjörtur Smárason oqaluttuarpoq.
Continues further down the page...
Nuup avatangiisinik piujuaannartitsinermillu ukkatarinninnera, ilaatigut nunarsuarmi illoqarfiit pingaarnersaanni siullersaalluni piujuaannartitsisumik tunngavilittut anguniagaqarnera, TIMEp ilanngutsitsinermi erseqqissarpaa.
”Nalunngilarput avatangiiseq piujuaannartitsinerlu takornariat Nuummiullu pingaartittorujussuugaat. Taamaattumik nunatta illoqarfittut pingarnersaat piujuaannartitsinerup tungaanut ineriartortinnissaa ilungersuutigiuaannarparput. Nuannerpoq suliniutivut nunarsuarmi iluarineqarmata aammalu suliniutit maluginiarneqarneqarmata pingaartinneqarlutillu,” Anne Nivíka Grødem Sermersooq Businessimeersoq oqarpoq.
Nuup Timesip allattorsimaffianut ilanngunneqarnissaa 2017-imi aallartippoq Visit Greenlandip tusagassiortoq Lauren Breedlove girlwanderlist.com-imik allattartoq nunatsinnut qaaqqummagu. Tikeraarnermini nunarput, misigisassat asseqanngitsut eqqumiikajaallu nuannaringaalerpai, nunatta misigitissinnaasai.
Ukioq manna TIME Magazinep ornigassaqqissutut ilanngusseqqummani, nunatsinni misigisani eqqaamalluarlugit nunarput ornigassatut kajumissaarutiginissaanut nalorninngiivippoq.
Visit Greenlandimi senior manageri Tanny Por, tusagassiortumut attaveqartup nuannaarutigaa Breedlovep angalanera ukiut sisamat qaangiutereeraluartut nuannersumik kinguneqarneri.
”Tusagassiortumik nunatsinnut tikeraarsaanerup kinguneranik nittarsaassineq pitsassuuvoq. Pilersaarusiorneq, tusagassiortullu angalanissaanik tapersiineq suleqatinillu amerlasuunik peqataatitsineq aningaasaliineruvoq, kingunissaqalersinnaavorlu siunissamut ungasissumut iluaqutaalerluni, soorlu TIME Magazinep allattorsimaffianut ilaalerluni ukiut sisamat qaangiunnerini,” Tanny Por Visit Greenlandimeersoq oqarpoq.
Visit Greenlandip pilersaarutigaa Air Greenland, IcelandAir suleqatillu allat pingaarutillit suleqatigalugit ukiut tamaasa nunatsinnut tusagassiortunik angalatitsisarusullutik nunatsinnilu takornarialerisut tamaasa ilanngussaqarnissaannut tikilluaqquai. Paasissutissat amerlanerusut takuneqarsinnaapput: https://traveltrade.visitgreenland.com/gl/tusagassiutinut/
Allattorsimaffimmut Nuup ilaalerneranut tunngavilersuut uani nassaassaavoq.
Tanny Por, Senior Manager, Visit Greenland
+45 2076 9690
