”TMTmut atatillugu aaqqissuussani pissarsiarisagut tassaapput, takornarialerisut akornanni qaninnerusumik ataqatigiissinnaalernerat, tamatumalu kingornanik oqarsinnaavugut takornarialerinermi ataatsimut anguniakkat siunniussallu isumaqatigiissutigalutigit, nunarsuatsinni tamani niuernermi patajaannerusumik inissisimanissarput anguniarlutigu”, Sisimiuni Sirius Greenmlandimeersoq, Bo Lings, oqarpoq.
Ataatsimeersuarnermi Visit Greenlandip Air Greenlandillu aaqqissugaanni piaartumik erserpoq, takornarialerisut atassuteqaqatigisartagassaminnik pitsaasunik pilersitsinissartik pisariaqartikkaat. Tamanna inerisaanermi, ataatsimut anguniagaqarnermi minnerunngitsumillu ilisimasanik agguaasseqatigiinnermi pisariaqarluinnarput, takornarialerisut nutaat aallartilluarlutik niuernermi periutsinik nioqqutissanillu pitsaasunik pilersitsisinnaaqqullugit.
I believe that we have created something together here that we can build on. - Naasu Lund, Riding Greenland
Continues further down the page...
Ataatsimeersuarnermi aamma siunertarineqarpoq, takornariaqarnerup annertusarnera, inerisaaffigineqarnera akisussaassusilimmillu ingerlannera eqqummaffiginiartillugu, takornariaqarnerup akornutaalinnginnissaata qulakkeerneqarnissaa. Taamaammat peqataasut 130t tapiissutaasa katersornissaat pingaaruteqarpoq, taakkua naapertorlugit assigiinngitsunik politikerinut innersuussuteqartoqarmat, maanna Inuussutissarsiornermut
Nukissiornermullu Naalakkersuisumut, Aqqalu Jerimiassenimut, tunniunneqartunik.
”Seminarimi pitsaalluinnartumik paasiniaaqatigiittoqarpoq. Takornarialerisut kattuffiillu takornarialerinermut attuumassutillit tapersersuilluarsimapput. Oqaluuserisariallit qaqinneqartarnerisa kingunerannik, pitsaalluinnartunik politikerinut oqariartuuteqartoqarpoq.” Bo Lings, Sisimiuni Sirius Greenlandimeersoq.
– Kalaallit Nunaanni takornarialerisut sinnerlugit innersuussutinik 11nik saqqummiillutalu ingerlateqqiisinnaanerput nuannaarutigaarput. Innersuussutit pisortani sulisut namminersorlutillu takornarialerisut suliaraat, taakkunannga amerlaqisut ullut tamaasa takornarialerisarput, taamaammat innersuussutit ulluinnarni unammilligassanik periarfissanillu aallaaveqarput, Julia Pars, Visit Greenlandip pisortaa, tusagassiuutinut nalunaaarummini taamatut allappoq.
Nunani tamani isumassarsiornissaq anguniarlugu saqqummiisartut, soorlu takornarialerinermi siunnersuisarfeqarfik Bannikin Travel & Tourismimeersut kiisalu Keilir Universitetimeersut, Islandimi misigisassarsiortunut ilisimasortanik ilinniartitsivimmeersut, aaqqissuisut aggersarsimavaat. Siunnersuinissaq kisimi tamani anguniarneqarani – aamma nunat akornanni nutaanik attaveqaqateqartalernissaq anguniarneqarpoq.
”TMTmi pissarsiaqarfigisara tassaavoq, Kalaallit Nunaanni annertusaanerup eqqumaffigineqarnerujussua. Avatangiisinut pinngortitamillu illersuinissamut tunngasut assut pimooruppaat, tamannalu Islandimiut ilinniarfigisinnaavaat,” Arnar Hafsteinsson, Islandimi misigisassarsiortunut ilisimasortat ilinniarfianni, Keilir Universitymeersoq oqarpoq.