Kisimiinnerpugut misigisut ukiaq ukiorlu qaangiutipallattartut? Tassanngaannaq upernariataassaaq takornariartussagullu timmisartut ulikkaarlugit tikissapput apuserillutik, qimusserlutik qamuteralallutillu.
Suleqatigiinnerup ilisimasanillu avitseqatigiinnerup anersaavani takornarialerisartut soqutigisaqartullu marlussuit nunatsinniittut upernaanerani takornariartitsisarneq pillugu misilittakkaminnik ilisimasaminnillu avitseqatigeqqulluta qinnuigigaatigut. Nuannaarlutik taamaasiorput kikkunnullu tamanut takornariaqarnermik ingerlatsisunut inuulluaqqusipput.
Nunap immikkoortuini assigiinngitsuni upernaakkut takornariartitsinissaq qanoq isikkoqarpa?
Continues further down the page...
Kajuminnartumik, paasissutissiisumik isumassarsiorfiusumillu internetikkut nittartagaqarneq aammalu inuit attaveqatigiittarfiiniinneq tassaapput piffissami takornariaqarfiusumi pulaartuusinnaasunik malugineqarfiusinnaasut. Internetikkutttaaq inniminniisinnaaneq suli annertunerusumik iluaqutaasinnaavoq. Suut tamarmik upernarnerani inissippata pisiniartussatit qulakkeerniarlugit imminut piffissaqartilissaatit. Eqqaammallugu, upernaaq aamma tassaammat aasaanerani takornarissat takornariarnissaminnut piareersarfiat, taamaattumik aamma tamanna siunissamut aningaasaliineruvoq.
Anders Lykke Laursenip, Nuuk Water Taximeersup, oqarneratut, internetikkut nittartakkamik suliaqarneq internetikkullu inniminniisarfinnik nutarsaaneq tassaapput immineq, Water Taximilu piginnittut allat suliaasa annersaat. Anders oqarpoq: ”Internetikkut inniminniisarfiuteqanngikkuit akiliinissamulluunniit periarfissaateqangikkuit, tuaviornerpaamik pisaassaatit. Sapinngisaq tamakkerlugu takornarissat takornariarnissamik nassaarnissaat inniminniinissaallu sapinngisaq tamakkerlugu oqilisaatikkit – tamanna tassaavoq suliap affaa!
Suliffiuteqaruit sulisukitsumik, niuernernik assigiinngitsunik suliaqartartunik, imaluunniit suliassarpassuaqaruit siusinaarlutit aallartinnerit iluaqutigissavat. Takornariartitsinernit nutaaniit pilersaarusiornermut immaqalu kiisami TripAdvisorit iluatsillugu, piffissaq allat takusinnaasaannik sukkanerulersarpoq. Amerlasuut ukiakkut, imaluunniit juullertinnagu, aallartereertarpaat, piareersarlutik aallartittarput.
Umiartortut Angerlarsimaffiat Sisimiuniittoq assersuutigissagutsigu, sisimiuni qimussertartut isumaqatigiissusiorfigalugit novembarimi aallartittarpoq.
Naak upernaakkut takornariartorpassuaateqanngikkaluarlitit qaammatit taakkua suliffeqarfiutinnut nalitoorujussuupput.
Naak upernaakkut takornariartorpassuaateqanngikkaluarlitit qaammatit taakkua suliffeqarfiutinnut nalitoorujussuupput. Inga Gisladottir, Blue Ice Explorerimi sulisoq oqarpoq, ukiuunera tamaat avammut ussassaarinermut aasaaneranilu ikkussuussassanut isumaqatigiissutit suliarisarpaat. Upernaakkut suliassat, soorlu assersuutigalugu umiatsiat singinneri aasaaneranilu unnuisarfiit piareersartarneri, suliarisarpaat. Siunnersuutaa pingaarnerpaaq tassaavoq takornariaqalernissaanut piareersarluarnissaq: ”Atortut tamaasa piffissaq sioqqulluarlugu piareeqqassapput. Siusinaartumik inniminniigit imaluunniit atortut nutarsakkit, taamaasillutik takornarissanut neqeroorutit angalanissallu takornarnissat tikinnissaannut piareeqqassapput”
Takornarialerisorpassuaqarpoq upernaakkut takornariartitsisarnerup iluaqutaanik takunnissinnaasunik, naak aasaaneranut naleqqiullugu takornarissat upernaakkut amerlanerpaasanngikkaluartut. Anders Lykke Laursenip Nuup Kangerluani, piffissami umiatsikiffiusumi, eqqissisimanarnera nuannarisarpaa. Aamma taanna isumaqarpoq, sineriak apummik qalligaq nunamut pinnersaataasoq, ingammik imaq qatsungatillugu. Erik Hansen, Sisimiuni Umiartortut Angerlarsimaffianneersoq, isumaqarpoq, upernaaq nuannernerpaasartoq, arsarnerit suli unnuakkut takussaasarmata, ullullu ingerlanerani seqinnertarluni.
Nunap immikkoortuini assigiinngitsuni upernaakkut takornariartitsinissaq qanoq isikkoqarpa?
Takornariartitsisartut ilaannut, soorlu Nuuk Water Taximut, sikusartumiinngitsumut upernaakkut takornariartitsineq siusissorujussuakkut aallartittarpoq, kigaatsumik aalajaatsumillu, februarimi ukiuunerani umiatsianik matoqqasunik attartortitsineq aallartittarpoq. Kingusinnerusukkut apriilimi upernaanerani takornariartitsineq annertusarniarlugu umiatsiat ammasut singinneqartarput.
Avannarpasinnerusumi qimmit qimuttut killeqarfianni Umiartortut Angerlarsimaffiata Sisimiuniittup takornariarpassuit martsimi aprilimilu misigisarpai. Iniutaat takornarissanik ulikkaartarput, ullullu ingerlaneranni tikeraartuisa qimusserneq, akunnittarfimmit aaqqissuunneqartoq, assorsuaq nuannarisarpaat. Qamuteralannissaminnut sisoraatinillu attartornissaminnut aamma periarfissaqarput.
Kalaallit Nunaata Kujataani upernaakkut suli nipaattarpoq. Taqqavani takornarissanik aallussisut, Blue Ice Explorer, ukiut qulikkaat marluk sinnerlugit piusimasut upernaaq naaleraangat / aasaq aallartikkaanga, maajip naggataata missaani, takornarissat tikilluaqqusarpaat
