Visit Greenlandimut ukiut tamaasa sineriammiit saaffiginnittoqartarpoq, umiarsuit qaqugukkut tikinnissaannik nalornisunit kiisalu nunat allat aningaasaat qanoq iliuuseqarfigineqarsinnaanerannik paasiniaasunit imaluunniit umiarsuit tikippata isumaginissaannut sulisussaaleqisunit.
Nunani allani takornarialerisunit umiarsuaatileqatigiinnilluunniit Kalaallit Nunaanni takornarialerisunut saaffiginnissutitik akineqanngippata imaluunniit kingusissukkut akineqarpata erloqisunit saaffigineqartarpugut.
Pissutsit assigiinngitsut takornariaqarnermi naapertorneqartarmata, allannguisoqartillugu periataarsinnaaneq pingaartuuvoq.
Continues further down the page...
Takornariaqarnermik inuussutissarsiuteqarnermi aningaasarsiortoqartariaqarpoq, takornariallu aningaasanik atuinissaat ajornanngitsinneqartariaqarluni.
Takornariaqarnermik inuussutissarsiuteqarnermi aningaasarsiortoqartariaqarpoq, takornariallu aningaasanik atuinissaat ajornanngitsinneqartariaqarluni. Takornarianik tikiussisut, tassa sullissisut avataaneersut tikilluaqusisussatuulli aningaasarsiorniartarput. Taamaammat aningaasanik tigusinissamut periarfissaqartinnagit, takornariat aningaasat kaasarfimmiui atorneqarsinnaatittariaqarput. Nunat allat aningaasaannik akiliisitsissagaanni allamiut aningaasaasa aningaaserivimmi qallunaat aningaasaannik taarserneri akeqartarmat. Tamannarpiaq eqqarsaatigalugu noqqutissanik akilersuisoqartariaqarpoq.
Takornariaqarfiulernerani, takornariaqalernerani takornariqareerneranilu assigiinngitsorpassuit piareersimasariqartarput. Tikitassat oqilisaanniarlugit Visit Greenland sakkussanik piareersimasuuteqarpoq. Tikitassatulli umiarsuarnik takornariat sulliserusuttariaqarput. Taamaammat tikitassat, soqutigisaqaqatigiit, aallartisaasartut il.il. sunissartik eqqarsaatigeqqissaartariaqarpaat.
Illoqarfiit nunaqarfiilluunniit tikitassat arlallit kissaatigippassuk, Visit Greenland Port Readinessimik (talittarfimmi piareersimanissamik) aaqqissuitinniarneqarsinnaavoq.
Umiarsuit takornariartaatit tikinnissaannut piareersimanissaq pillugu aaqqissuussaq suliarineqarpoq, sumiiffinni takornariat tikittagaanni aningaasarsiutaasinnaasut, amerlanerusunik suliffissaqartisisinnaaneq kiisalu inerisaanermut atatillugu angallavissanik piareersaanerit paasissutissiissutiginiarlugit. Umiarsuit tikinnissaannut piareersimanissaq pillugu aaqqissuussaq suliarineqarpoq assigiinngitsutigut piareersaanissamut sakkussaqartitsinissaq, taamaasillunilu umiarsuit tikittagaanni najugallit inerisaaniarlutik qanoq iliuuseqarsinnaanerminnik kiffartuussisinnaanerminnillu isumassarsiortinnissaat pingaartinnerullugit. Kalaallit Nunaanni umiarsuarnik takornariaqarnermut atatillugu annertusaajuarnissamut apeqqutaavoq tikinneqartartut pitsaasunik neqerooruteqarsinnaanissaat, misigisaqartitsisinnaanissaat kiisalu angallavissanik periarfissaqarluarnissaat, taamaalilluni takornariat piumasaat amerlanerit naammassisinnaajumallugit.
The main purpose of the Port Readiness Program is to provide tools for all levels of planning, thus helping communities to become more attuned to and proactive in promoting targeted local development in order to better serve the cruise industry.
Kalaallit Nunaanni umiarsuarnik takornariaqarnerup imminut akilersinnaanissaanut apeqqutaapput, tikiffiini sullissisut umiarsuaatileqatigiit ilaasuisalu pisariaqartitaannik isumalluaataannillu naammassinnissinnaanerat soorlu aamma kiffartuussinerit angallavissatullu periarfissat naammaginartumik pitsaasuunissaat piariaqartoq. Imminut akilersinnaasumik piujuartitsinissamut aamma apeqequtaapput, takornariat tikittagaanni pinngortitap kulturikkullu kingornussatta immikkuullarissut eriagalugillu pingaartitarinissaat.
Umiarsuit tikinnissaannut piareersimanissamut suliniummi suliassat pingaartut ilagaat taassuma qanoq atorneqarnissaanut ilitsersuutip inerisarnera. Ilitsersuut taanna inerisagaavoq umiarsuarnut takornariartaatinut atatillugu sumiiffinni soqutigisaqaqatigiit paasisaqarnerunissaannik ikiornissaat kiisalu namminneq qanoq tamatuma atorluarneqarneranut annertusaaqataasinnaanissaannik isummersornissaat.
Ilitsersuut taanna atorlugu makkua anguneqarsinnaapput:
Sumiiffinni aalajangersimasuni umiarsuarnik takornariaqarnermik soqutigisallit sakkussaqartinniarlugit ilitssersuut suliaavoq. Angallavissat pitsanngorsarnissaat, amerlanerusunik sulisoqalernissaq, angalatitsinissanik pilersaarusiorneq kiisalu umiarsuarnik takornariaqarnermik suliaqareersunik suleqatissarsiorneq, tassaapput maluginiarlugit pingaarnersiugassaannik ilitsersuut. Ilitsersuummi allaaserineqarput sakkussaasinnaasut aaqqissuunneqarsinnaasullu, misissuinerit kiisalu umiarsuit tikinneranni atuartup naammassisassamisut nalunaarsugassaanut assersuutit. Ilitsersuummi aamma minnerunngitsumik sumiiffinni najugallit umiarsuarnik takornariaqarneq pillugu paasissutissinneqarput kiisalu periarfissanik inerisaanissamullu pilersaarusiornissamut periarfissiilluni.
Kikkut tamarmik umiarsuarlutik takornariartartunik soqutiginnittut, soorlu pilersaarusiornissaminnut, takornarianut nioqqutissanik kiisalu kiffartuussinermik isumaginnikkusuttut ilitsersuut atorsinnaavaat. Ilitsersuut kattuffinnut, kommuninut suliffeqarfinnullu namminersortunut, umiarsuit takornariartaatit tikinnissaannut aaqqissuisartunut imaluunniit nioqqutissanik kiffartuussinernillu isumaginnittussanut atugassatut naleqqussagaavoq.
Soqutigisaqaqatigiinnut pineqartunut makkua ilaapput:
Annertunersusumik paasisaqarusuttut qinnuigissavagut uunga Mads D. Skifte saaffigeqqullugu: mads@visitgreenland.com imaluunniit oqarasuutikkut 55 82 78
Umiarsuit takornariartaatit tikinnissaat pitsaanerpaamik piareersarsinnaaqqullugit, ornitassat avataaneersunik sullissisoqanngitsut piginnaanngorsartariaqarput. Taamaammat inuit naapertuuttunik piginnaasallit ataatsimeeqatigisariaqarput, kiap suut suliarissanerai neqeroorutillu sorliit salliutinneqassanersut isumaqatigiissutigalugit.
Piginnaanngorsarnissamut siunnersuutit arlallit makkuupput:
Pitsaanerpaamik piareersimarusukkaanni qaqugukkut umiarsuit tikinnissaat paasiniarlugu linki una atorneqarsinnaavoq: Cruise call site. Tassuuna aamma paasineqarsinnaavoq umiarsuaq sumiinnikuunersoq qassinillu ilaasoqarsinnaanersoq. Taamaakkaluartoq umiarsuit pilersaarutaasa sila imaluunnit siku pissutigalugit allanngorsinnaasarneri piareersimaffigineqartariaqarput. Taamaammat allannguisoqarnissaanut sillimasoqartariaqarpoq, soorlu timmisartorfissat allanngoriataartarnerannut maanna sillimasarluni sungiunneqareernikuusoq.
Pissutsit assigiinngitsut takornariaqarnermi naapertorneqartarmata, allannguisoqartillugu periataarsinnaaneq pingaartuuvoq. Sullitat assigiinngitsorujussuarnik pisariaqartitsillutillu kissaateqarsinnaapput, piffissapsivikitsuaqqap ingerlanerani sila allanngoriaqataarsinnaasarpoq, suleqatigisat assigiinngitsunik suliassallit arlaannik peqquteqarlutik takkussinnaajunnaarsinnaapput. Taamaammat sullissinissamut aaqqissuussami sapinngisamik allannguinissamut pilersaaruteqareertoqartariaqarpoq.
