Vestnorden 2022

Ullorsiutinni 15-22 septembari nalunaaqutsikkit

Septembari 2022-mi Kalaallit Nunaata Vestnordenimut matut ammaqqissavai. Saqqummersitsineq 19-22 septembari, Nuummi ingerlanneqassaaq.

Pisussamut atatillugu, nunap immikkoortuani aallarniutaasumik ataatsimiinnissamut takornarialerisutut illit qaaqqusaavutit. Ataatsimiinneq nunap immikkoortuani Destination Managerimit, Visit Greenlandi suleqatigalugu aaqqissuunneqarpoq.

Vestnordenimi inuit 300-400-t, pisisartut tuniniaasullu peqataasussaapput. Tassani pisisartut Kalaallit Nunaannut tuniniakkaminnik annertuserusuttut, imaluunniit Kalaallit Nunaannut nutaatut tuniniaasalerusuttut naapinnissaannut periarfissaqassaatit.

Peqataanissamut attaveqarfinnillu nutaanik pilersitsinissamut immikkut ittumik periarfissatsialaavoq. Imaassinnaasormi suleqatissatit nutaat tassani naapikkitit.

Kissaatigaarput sapinngisamik amerlasuut Vestnordeneqarnissaanut tikilluaqqusisuujumaartut. Taamaattumik internetsikkut ataatsimiinnissamut qaaqqusaavutit, tassani oqaluttuarissagatsigut Vestnordenimi saqqummersitsineq qanoq ingerlanneqassanersoq kiisalu Vestnordenimi peqataanerup pitsaaqutai suunersut.

Saniatigut aamma Vestnorden Pre Tourit oqaluuserissavagut, Vestnordenertoqannginnerani nunap immikkoortuini tamani ingerlanneqartussat. Pre Tourernissat ulluni ukunani ingerlanneqassapput: 15-19 Septembari.

Taamaattumik: ullorsiutinni 15-22 septembari nalunaaqutsikkit

Apeqqutissaqaruit attaveqarnissannut tikilluaqqusaavutit:
helene@visitgreenland.com

Vestnorden pillugu paasisaqarnerorusukkuiut una nakkutigiuk:

Vestnorden hjemmeside

Uani takusinnaavatit ullut sorliit, nunap immikkoortuini sorlerni internetsikkut aallarniutaasumik ataatsimiittoqassanersoq:

Visit South Greenland
17. Januari nal. 10.00-11.00

Destination Arctic Circle
19. Januari nal. 11.00-12.00

Visit Nuuk
20. Januari nal.14.00-16.00

Avannaata Kommunia
18. Januari nal. 10.00-11.00

Destination Diskobay
19. Januari nal. 13.00-14.00

Destination East Greenland
28. Januari nal.13.00-14.00