Nittartagaq Tourismstat.gl septembarimi 2013-mi saqqummeqqaarpoq. Tassani saqqummersinneqarput VG’p takornarissanik assigiinngitsunik immikkoortiterineranit paasissutissat, kiisalu kisitsisit Nunatta Naatsorsueqqissaartarfianeersut grafikkitallit, suut kisitsisit takorusunnerlugit aallaavigalugu pinnguarisinnaasat.
Kinguneratigut VG’p nittartagaatimi imarisai nutarsarlugit ingerlateqqinnikuuai, maannakkullu nittartagaq nutaaq piareerpoq.
Continues further down the page...
VG’p takornariat pillugit misissuinermit nalunaarsuinerit siulliit 2015-mi ukiartoq saqqummersippai. Nalunaarsuinerit Q3 2015-meersuupput tamakkiisumillu nunatsinneertuullutik.
Tourismstat.gl-ip nutaap saqqummiunnerani aamma nalunaarsuinerit 2015-meersut tamakkerlugit saqqummiunneqassapput. Nalunaarsuinerit kommunekkaarlugit agguataarneqarsimapput, ataaserlu nuna tamakkerlugu paasissutissanik imaqarluni.
Neriulluta saqqummiussagut tigulluarumaarisi, upernaaq atorluarisiuk!
Maannakkut nunatta immikkoortuinit kisitsisit ataatsimut takusinnaavatit; Takornariat nunani assigiinngitsuneersut pillugit, soorlu timmisartuni ilaasut, inuit unnuisarfinni unnuisut amerlassusaat, unnuinerit amerlassusaat tamakkerlugit, il.il. – sumi najugaqarneri aallaavigalugit immikkoortitikkat.
Takornariat assigiinngitsut ilisarnaqutaasa immikkoortiternerisa suliarineri maannakkut itinerusumik maanna paasisaqarfigisinnaavatit. Teoria, takornariat nunatsinnukartartut periusaasa misissoqqissaarneri immikkoortiternerilu, il.il. Saniatigut ukua pillugit katersueqqinnernit: Piorsarsimassusermik Soqutigisallit, Ungasissumut Angalatuut, Pinngortitamut Asannittut, Pinngortitamik Pingaartitsisut kiisalu Immikkut Soqutigisallit, aamma itinerusunik paasissutissanik imaqarpoq,
