Visit Greenland kusanarluinnartunut ilannguppoq. Video Kalaallit Nunaanneersoq Future of Travel in Greenland, suliniummut Nunarput Nuanimut COVID-19-mullu atatillugu sanaaq internetip Oscarianut innersuunneqarsimavoq, ”Travel and Adventure” – Webby Awardip ataani. Innersuunneqartut sinneri imaannaanngillat. Unammisagut ilaatigut tassaapput annertuumik ingerlatsisut, nutaarsiassaqarfik CNN aamma New Zealandip takornariartitsivia. Videoliarput videoni nassiunneqarsimasuni, 13,500-t akornannit toqqarneqarsimavoq.
Uagut tassaavugut Davit mikisut Goliatinut angisuunut, eqqugassamut kusanaqisumut unammillertut
“Ilanngunneqarsimanerput tulluuasimaarutigaarput. Tamanna ilimagisimanngilluinnaraluarparput. Nammineerluta tamaat isumagisimavarput – manuskript allalugu immiussinerillu ingerlallugit – unammisagut taamaaliorsimanngillat, taakkumi annertuumik akiliillutik ussassaarutissanik sanasartunik videoliortitsisimapput. Uagut tassaavugut Davit mikisut Goliatinut angisuunut, eqqugassamut kusanaqisumut unammillertut”, Visit Greenlandimi pisortaq Hjortur Smarason nuannaarluni oqarpoq nangillunilu:
“Kisianni ilissi aalajangiisuussaasi kina People’s Choiceimi ajugaassanersoq, tamassilu kusanartumik videoliorsimanitsinnut isumaqataagussi, kajumissaarpassi nittartakkamut uunga isernissarsi – taasinermilu qinerluta. Ajugaassagutta sapinngisamik tapersersorneqarnissarput pisariaqartipparput”.
Tassaavormi People’s Choice (inuit qinigaat) ajugaasorlu taasinermi nassaarineqassaaq. Qinersinissaq assut pingaaruteqarpoq, videomi ajugaappat Kalaallit Nunaat qaammaavigitissaaq nunarsuarlu kaajallallugu nersugaassalluni.
Innersuunneqarnerup kusanaqisup saniatigut Visit Greenland Webby Awarsimiit nersugaasimavoq nittartagaq “Dive deeper into Greenland” pillugu. 2012-mi aamma Visit Greenland Webby Awardsimi nittartakkamut pitsaanerpaamut ajugaasimavoq. Taamani Nikolaj Coster-Waldauip New Yorkimi pinnataq aasimavaa.
Paasisaqarnerorusukkuit una takuuk (tuluttut): https://visitgreenland.com/articles/kickstart-greenlands-tourism-webby-awards/
Attavissaq:
Hjörtur Smarason – apeqqutinut nalinginnaasunut
Pisortaq – Visit Greenland
Angallattagaq/Mobil/Mobile: +45 22 80 14 16 / +299 27 99 98
Email: hjortur@visitgreenland.com
Tanny Por – videomut Webby Awardsimullu qinnuteqaammut akisussaasoq
Senior Manager – Visit Greenland
Qallunaat nunaanni angallattagaq/Mobil/Mobile: +45 20 76 96 90
Email: tanny@visitgreenland.com
Continues further down the page...
