Visit Greenland aamma Film.gl kalaallit filmiliai nunarsuarmioqatigiinnut nittarssaanneqarnissaanut suleqatigiinnissamik isumaqatigiissuteqarput

Visit Greenland aamma Film.gl suleqatigiinnissamik isumaqatigiissuteqarput, kalaallit filmiliai siuarsarneqarlutillu, Kalaallit Nunaat nunat tamalaat akornanni filmiliorfissatut ersarinnerulersinniarneqassalluni. Isumaqatigiissutip toqqammavigai filmiliortarnerup periarfissiissutai aamma takornariaqarnermi periusissiap suliniutaanut iliuuseqarneq, taakkulu Kalaallit Nunaannut iluaqutaasussamik ineriartortitsissapput.

Nuuk, 16. decembari 2024

Filmiliortarneq aamma Kalaallit Nunaata ilisarnaatigisai

Filmiliat toqqammavigalugu takornariarneq tassaavoq nunarsuaq tamakkerlugu maluginiagaq, filmimi sumiiffiit takutinneqarsimasut soqutigineqarnerulerlutilli takornariat amerlanerulertarneri. Filmip sumiiffiit soqutiginarsisittarpai tassanngaanniillu takornariat amerlanerulertarnissaat anguneqarsinnaavoq. Nunani allani misilittakkat takutippaat filmiornermut ataavartumik aningaasaliinerup takornariaqarnerup iluani siuariartortitsinermut iluaqutaasinnaasoq.

Taakkua saniatigut filmiliortarnerit sumiiffimmi aningaasaqarnermut iluaqutaasinnaapput, soorlu unnuinermut, angallannermut aamma kiffartuussinernut atuineq aamma filmiliortarnerup ingerlanneqarnerani suliffinnik pilersitsinikkut. Visit Greenland aamma Film.gl-ip suleqatigiinnerat periarfissat taakkua atorluarnissaannut siunertaqarpoq Kalaallit Nunaannut iluaqutaasussamik.

-Filmip atorneqarnera Kalaallit Nunaata nunarsuarmioqatigiinnut ilisimaneqarnerulernissaa ajornannginnerulersittarpaa. Suleqatigiinneq aningaasaqarnikkut ingerlatsinermik kisimi iluaqutaassanngilaq, nunaqqatigiinnilu filmiliortarneq nukittunerulersitsissalluni.  Anne Nivika Grødem Visit Greenland-imi pisortaaneq oqarpoq.

Suleqatigiinnermut tunngatillugu anguniakkat

Suleqatigiinneq aallaqqaammut 2025-p naaneranuta tungaanut ingerlanneqassaaq, Visit Greenland suliniutunut aaliangersimasunut aningaasaliineratigut. Aningaasaliissutit nunani tamalaani filmfestivalinut peqataanissamut atorneqassapput, ataatsikkullu Kalaallit Nunaat filmiliorfissatut soqutiginartutut aamma ersarinnerulissalluni.

Aningaasaliissutit kalaallit filmiliortartut nunani tamalaani attaveqarfinnut peqataanissaanut, filmiliornermilu suliniuteqarnermi peqaraaneq ajornannginnerulersissavaa, nunatsinnilu piorsarsimassuseq pinngortitarlu ersarinnerulersissallugu. 

Film.gl-ip siulersuisui aningaasaliissutinut akisussaasuupput, aningaasaliissutit suniliutinut nunanilu tamalaani periarfissatsialannut agguassallugit. Piumasaqaatigineqarpoq suliniutit nunarsuarmi pingaaruteqassasut nunani tamalaani suliniutinik peqataanissamik. Kalaallit Nunaata peqataatinneqarnissaa anguniarlugu, piumasataavoq suliniutini minnerpaamik ataatsimik kalaallimik peqataatitsisoqartassasoq. Suleqatigiinneq taamaasilluni Kalaallit Nunaata nunarsuarmi ilisarnaatigisai nukittorsarniarlugit, nunatsinnulu filmiliortarnermi ineriartortinneqataassalluni.

-Isumaqatigiissummi matumani, Film.gl-imit nunani tamalaani filmiliortarnermi Kalaallit Nunaata periarfissarititaasai saqqummiunneqartussanngorput, taamatuttaaq nunatsinni filmiliortartut attaveqaatissanut nutaanut suleqateqarnissamullu periarfissinneqarlutik. Klaus Georg Hansen, Film.gl-imi siulersuisuni siulittaasoq oqarpoq.