Nunarsuarmi takornariaqarnemut ingerlatsiviit ataqqiniarlugit nalliuttorsiutiginiarlugillu allattuiffik pilersinneqarsimavoq. Ingerlatsiviit tassaasut nunarsuaq tamakkerlugu tuniluuttoqarnerani qisuariarsimasut, angalanernillu isumannaatsunik akisussaassuseqartumillu ingerlanneqartunik isumaginnissimasut. FN’imi World Tourism Organizationi naapertorlugu qisuariarnerit taamak ittut nutaaliullaqqissusermik piumassuseqarluartumillu takutitsinissamik pisariaqartitsisimapput.
Ingerlatsiviit allattuiffimmi ilanngunneqartut tassaapput pisortatigoortumik ingerlatsiviit imaluunniit naalakkersuisunit pigineqanngitsut – tassa politikki, programmi suliniutillu aqqutigalugit aaqqiissutinik nutaaliorlutik sanaartortartut. Ingerlatsiviit amerlasuutigut aaqqiissutinik atuutsilersitsisarput, naalakkersuisunut ajornaannerulersitsisunik, namminersortut sukkassusaat, teknologiivi, skala naammassisaqarsinnaassusaallu atorluarlugit sukkanerusumik inerneqartitsinissaannut. Pingaarnerpaavorli eqqaassallugu, ingerlatsiviit taakku takornariaqarnerup iluani aqutsisinnaassusermik nutaaliorsinnaassusermillu takutitsisuunerat, teknologii digitaliseerinngilu atorlugit takornariaqarnermik tikikkuminarnerusumik naapertuilluartumillu pilersitseqataasarlutik – pingaartumik ataani allassimasuni:
Allattuiffik Apoliticalimit saqqummersinneqarpoq, Mastercard UNWTO todaylu suleqatigalugit, septemberip 27-ni, tassa FN-ip nunarsuarmi takornariaqarnermut ullorititaani. Visit Greenlandip toqqarneqarsimaneranut peqqutaaqataasut tassaapput:
“Visit Greenlandi tassaavoq Kalaallit Nunaanni takornariaqarnermut siunnersuisoqatigiit, Nunap immikkoortui siuarsarnerisigut, nuna tamakkerlugu nittarsaanneratigut, nutaaliornikkut pilerisaarinikkut misigisassarsiortunut takornarianut nittarsaassisut. Ingerlatsiviup suleqatini peqatigalugit, ilisimasanik paarlaasseqatigiinnikkut isumassarsiornikkullu akisussaassusilimmik ineriartortitsivoq, nunarsuarmilu takornariaqarnermi ingerlatsisuni silap pissusaata allanngoriartorneranut tunngatillugu siuttut ilaanniillutik. Ingerlatsivik Nordic Tourism Working Group-imut ilaasortaavoq Nunap immikkoortuini takornariarfissanik ineriartortitsinermi aqutsisuuneq (Destination Development Senior Manager), Idrissia Thestrup sinniisoralugu. Nordic Tourism Working Groupip ingerlatsiviit, piujuartitsisumik ineriartortitsinissamut, pinngortitamik atajuartitsinissamut, inoqqaallu pisarneq malillugu inooriaasaannik illersuinissamut ikiortarpai.”
Hjörtur Smarason, Visit Greenlandimi pisortaq ima oqaaseqarpoq:
“Angusaq tassaavoq Visit Greenlandimi sulisut suliaannut kusanartunut nersorinninnerit ilaat, aamma takutitsivoq iluatsitsineq suliffeqarfiup angissusaanut tunngajuaannanngitsoq kisianni qanoq ilioriaatsimut tunnganerusoq. Suliffeqarfiup mikissusaata karsip silataanut ukkatarinnittariaqalersippaatigut nutaaliorsinnaatillutalu. Takusinnaalerparput ornitassat allat Kalaallit Nunaannut isiginnittalertut, ornitassat ineriartortinnissaannut ingerlannissaannullu tunngatillugu.”
Allattorsimaffik tamakkiisoq uani takuneqarsinnaavoq:
Paasisaqarnerorusukkuit attavigisinnaavarma: https://apolitical.co/list/en/tourism-75
Idrissia Thestrup
Pilerisaarinermik aqutsisoq, Visit Greenland
Tel: +45 4220 4279
Email: idrissia@visitgreenland.com
Continues further down the page...
