Visit Greenland tallimanngornermi ileqquusumik ataatsimeersuarnermini ilaasortat nutaat tallimat tiukilluaqquaat. Ilaasortat nutaat tassaapput Allan Chemnitz Innovation South Greenlandimeersoq, Gerth Olsen Qeqrtalik Business Councill aamma Destination Diskobay, Anne Nivikka Grødem Sermersooq Business, Jens Jakob Lennert suliffeqarfinnik allanisaasartoq kiisalu Kattie Nielsen Narsami suliffeqarfimmik aallarnisaasoq. Taakku uku taarserpaat Mia Scheel, Arni Gunnarson, Morten Nielsen, Sakiko Daorana aamma Pitsi Høegh.
Siulersuisunut ilaasortat nutaat tamarmik inuussutissarsiornermik takornariaqarnermillu inerisaanermik, suliffeqarfinnik aallarnisaanermik tunuliaqutaqarput taamaammallu taakku iluini ilisaqarlutillu piginnaassuseqarfigivaat, taakkulu Kalaallit Nunaanni takornariaqarnermut mittarfiit tallineqarnerisa kingorna inerisaasoqarnissaanut ilaqutaasussaapput.
Visit Greenlandip suliassaani pingaarnersaavoq Kalaallit nunaanni takornariaqarnerup annertusarnissaa taamaalilluni inuiaqatigiinni aningaasaqarnikkut innutaasunullu iluaqutaasinnaaniassammat. Ukiuni ingerlareersuni Visit Greenlandip nunarput avammut nittarsaattarneratigut Kalaallit Nunaat nunatta avataani immikkut adventure destinationitut (immikkut misigisassarsiorfissatut) ilisarnaateqartilerlugu ilisimaneqalersinnikuuvaa. Takornarianut taamaattunut erseqqarissumik oqariartuuteqartarsimaneq qanittukkut imminut akilerpoq, tassa webby awardimik akissarsitinneqarnikkut. Taassuma takutiinnarpaa siulersuusimasut anguniakkat qaffasissut, soorlu piujuartitsineq aallaavigalugu takornariaqarnikkut ajornartorsiorfiuleruttornerani ineriartortitsineq erseqqarissoq, angusaavoq pitsaasoq.
Takornariarneq inuusutissarsiutillu Kalaallit Nunaanni aningaasaqarnikkut ajunngitsumik tunniusseqataasarpoq, taamaanneralu piffissap ingerlanerani siulersuisuusartut ataatsimoorullugu siunertarisarpaat.
Nunarsuarmi oqaluttuarisaanikkut annertuumik ajornartorsiortoqartoq avaqqunneqarsinnaanngilaq, takornariaqarnerlu pilerseqqillugulu aallarnisartariaqalertussaavoq. Kalaallit Nunaata siunnerfigaa attaveqqatit nutaat, tassanilu pingaaruteqarluinnarput tikittussanik iluamik tigususisinnaanissaq nunallu immikkoortui qimmorlugit attaveqaatit pinngitsooratik iluatsilluarnissaat. Visit Greenlandip siulersuisuini issiasut 65%-II sinnerlugit ilisarnaasersuinermik, avammut nittarsaassinermik kiisalu inuussutissarsiornermik takornariaqarnikkullu siuarsaanermik suliaqarput. Tamanna suleqatigiinnikkut nukittorsaasoqarnissaa 2018-imi TOWARDS MORE TOURISM ataatsimeersuarnermi kissaatigineqartumut iluaqutaassaaq. Taamanikkulli Visit Greenland nunallu immikkoortuini takornariaqarnikkut suleqatigiiffiit ukkatarissallugu aaliangiunnikuuvaat, taamaalilluni soorlu nunaqarfinni aallarnisaarusuttut pitsaasunik sinaakkuteqarnissaannik periarfissiissammat.
Visit Greenlandip siulersuisuni siulittaasuat siulittaasutut qinigaaqqippoq, piujuartitsinerlu aallavigalugu nunallu immikkoortortaani tamarmiusuni misigisassarsiortitsinissamik inerisaanermi suliani ingerlateqqissallugit. Anne Nivikka Grødem siulittaasup tulliatut qinigaavoq.
Continues further down the page...
