Tusagassiuutinut nalunaarut
Corona pillugu suli apeqqutissarpassuaqarpugut, tamannalu Kalaallit Nunaanni takornariaqarnerup aallartisaqqinnissaanut tunngatillugu nalunartoqaqaaq. Qanoq sivisutigisumik pisortanik taamaallaat angallassisoqassava? Qanoq sivisutigisumik nunamut iserniarnermut killilersuisoqassava? Takornarianik isaatitsisinnaalernissatsinnut innuttaasut qassit illersuummik kapineqaqqaassappat? Apeqqutinut taakkununnga akissutit takornariaqarnerup siunissaata isumannaarnissaanut periusissanut tunngatillugu aalajangiisuussapput.
“Akissutissanik arlalinnik amigaateqarpugut, takornariaqarnerup 2021-mi qanoq ingerlanissaanik takutitsisinnaasunik, maannakkorpiarlu akissutissanik peqartoqanngilaq. Taamaammat sapinngisatsinnik takorluukkanik sanaartorsimavugut, piffissaq takornariaqarfigineqartartoq qanoq isikkoqassanersoq eqqoriarlugu – ajunngitsutigut ajortutigullu,” Visit Greenladimi pisortaagallartoq Mads Skifte taamak oqaluttuarpoq.
Visit Greenland neriuppoq Kalaallit Nunaanni takornarialerisut pilersaarusiornerminni eqqoriaanerit sakkussatut atorluarsinnaassagaat.
Continues further down the page...
Umiarsuarnik takornariartaatit:
2021-mi umiarsuarnik takornariaqarneq ammarneqanngitsoorpoq.
Nunakkut takornariat:
Inuit sapinngisamik amerlanerpaat julimi illersuummik kapitereersimappata Danmarkimiit/mut timmisartuussinerit nalinginnaasumik ammarneqassapput (sap. ak. arlallit tamanna kinguaattoorsinnaavoq). Angalasut tamarmik illersuummik kapineqarsimanerminnik uppernarsaammik pas-eqassapput.
Eqqoriaanerup ilimanassusaa 80%-mut inissinneqarpoq.
Umiarsuarnik takornariartaatit:
Innuttaasut amerlanerpaartaat julimi (sap. ak. arlallit kingusinaarsinnaavoq) illersuummik kapitereersimappata umiarsuit takornariartaatit tikittalernissaannut ammaasoqassaaq. Ilaasut tamarmik illersuummik kapineqarsimanerminnik uppernarsaammik pas-eqassapput.
Nunakkut takornariat:
Inuit sapinngisamik amerlanerpaat julimi illersuummik kapitereersimappata Danmarkimiit/mut timmisartuussinerit nalinginnaasumik ammarneqassapput (sap. ak. arlallit tamanna kinguaattoorsinnaavoq). Angalasut tamarmik illersuummik kapineqarsimanerminnik uppernarsaammik pas-eqassapput akunnerillu 72 sioqqullugit misissorneqarsimanerminnit coronaqannginnermut akissummik pereersimassallutik.
Eqqoriaanerup ilimanassusaa 15%-mut inissinneqarpoq.
Umiarsuarnik takornariartaatit:
18. april 2021, tusarliussanut piffissarititaasoq qaangiuppat, umiarsuit takornariartaatit tikittalernissaannut ammaasoqassaaq. Ilaasut tamarmik illersuummik kapineqarsimanerminnik uppernarsaammik pas-eqassapput.
Nunakkut takornariat:
18. april 2021, tusarliussanut piffissarititaasoq qaangiuppat Danmarkimiit/mut timmisartuussinerit nalinginnaasut ammarneqassapput. Angalasut misissorneqarsimanerminnit coronaqannginnermut akissummik pinissap tungaanut mattusimanissaat piumasaqaataassaaq, Kalaallillu Nunaannut tikinnermiit ullut tallimat qaangiuppata misissorteqqissallutik.
Eqqoriaanerup ilimanassusaa 5%-mut inissinneqarpoq.
Takorluukkat pingasut tassaapput ajunnginnerpaamik, akunnattumik aamma ajornerpaamik pisoqarsinnaaneranut eqqoriaanerit – Covid-19-qarnerani killilersuinernut takornaiaqarnermullu tunngatillugit. Saniatigut eqqoriaanerit ilimanassusaat procentinngorlugit inississimavagut, ukua uuttuutinut sanilliullugit: Kalaallit Nunaanni illersuummik kapitittarnerit, nunarsuaq tamakkerlugu illersuummik kapitittarnerit, illersuummik kapineqarsimanermik uppernarsaammik pas-imik pilersitsinerit, napparsimaveqarfinni inissaqartitsineq, il.il.
Angalasinnaanermut killilersuinerit pillugit paasissutissanik nalunaarneq, 18. April pisussaq aalajangiisuussaaq.
Attavissaq
Apeqqutissaqaruit attavigitigut:
