Siulersuisuni ilaasortat uku taarserneqarput:
Maliina Abelsen siusinnerusukkut Air Greenlandimi niuernermut pisortaasimavoq aammalu akisussaaffinnik angisuunik akisussaaffeqarsimasoq, soorlu AWG 2016 pisortaanerusimasoq aammalu siusinnerusukkut Inunnik Isumaginninnermi Aningaasaqarnermilu Naalakkersuisuusimasoq, juni 2018-imili Visit Greenlandimi siulittaasuusimavoq. Maliina Abelsen ilaatigut siulersuisuni ilaasortat sinneri ulluinnarnilu aqutsisut ilagalugit ingerlatseqatigiiffiup periusissiaanut 2020-2023-mut siuttuusimavoq. Periusissiaq februar 2020-mi saqqummerpoq akisussaassusilimmillu takornariaqarneq piujuartitsinissamik qitiutitsivoq.
Erik Bjerregaard, ukiuni 38-ni ilaatigut Air Greenlandimi aammalu ukiuni 23-ni Hotel Arcticimi pisortaanerusimasoq kingullermik 2015-imi siulersuisunut qinigaavoq. Erik Bjerregaard arlaleriarluni Visit Greenlandimi siulersuiusuni ilaasortatut toqqarneqarsimavoq.
Johanne Bech, takornarissanik angallassisartoq aamma inuussutissarsiutigalugu piniartoq Sisimiuni Kangerlussuarmilu immikkut ittumik qimussimik takornariussisartoq. 2014-imi siulersuisunut ilaasortanngorpoq.
Siulersuisuni ilaasortat toqqarneqaqqittut tassaapput:
Visit Greenlandip siulersuisuini ilaasortat pingasut nutaat tassaapput:
Morten Nielsen juli 2018-imi Hotel Arcticimi pisortaaneruvoq siusinnerusukkullu Kangerlussuarmi hotelimi pisortaasimalluni, Hotel Hans Egedemi tuniniaanermut pisortaasimalluni kiisalu Air Greenlandimi qaffasissuni atorfeqarsimalluni, kingullermi COO-tut – Chief Operations Officer. Morten Nielsen siusinnerusukkut Greenland Tourismsimi siulersuisunut ilaasortaasimavoq.
Pitsi Høegh 2008-mili Greenland Sagalandsimi Qaqortumiittumi takornariaqarnermik ingerlatseqatigiiffimmik namminersortumik ingerlataqarsimavoq. Pitsi siusinnerusukkut Qaqortumi takornariaqarnermi pisortaasimavoq kiisalu Qaqortumi Arctic Umiaq Linemi immikkoortortami aqutsisuusimalluni. Pitsi EVU takornarialerinermik aamma allaffissornermik Nuummi Niuernermik Ilinniarfimmi ilinniarsimasuuvoq.
Mia Scheel titartaasarfimmi Zeso Architecsimi Københavnimiittu piginneqataavoq kiisalu suliffeqarfinni arlalinni siulersuisuni ilaasortaalluni, Kvann Kompagniet, OL Gulve, Cornfield Press il. Il. Mia Scheel illussanik titartaasartutut ilinniarsimavoq CBS-imiillu, Bradford Universitytimit aamma Green Building Councilimit allalinnik ilinniagaqarluni/ilinniaqqissimalluni.
Kalaallit Nunaanni Namminersorlutik Oqartussat Anette G. Lings siulersuisuni siulittaasutut nutaatut toqqarpaat. Anette G. Lings Hotel Sisimiuni aamma Arctic Incomingimi pisortaavoq. Anette Sisimiuni peroriartorsimavoq immikkullu
takornariaqarnermi ilinniagaqarluni Akademimik aningaasaqarnermik ilinniagaqarluni. Siusinnerusukkut Sisimiuni takornariaqarnermi pisortaasimavoq takornariaqarnermi paasissutissiinermik avammullu ussassaarinermik qitiutsitsisumik kiisalu Air Greenland Travelimi isaasunut pisortaasimalluni. Anette arlaleriarluni Visit Greenlandimi siulersuisunut ilaasortaasarsimavoq. Kingullermik 2015-imi qinerneqarpoq.
Siulersuisut ulloq 7. april Morten Nielsen siulittaasup tulliatut inissittoq inissitsiterput. Siulersuisut maannakkut ukunannga inuttaqalerput:
Siulittaasoq nutaaq Anette Lings ima oqarpoq:
“Siullermik siulittaasuusimasoq Maliina Abelsen periusissiaqarnermik pingaarutilimmik maanna 2023-p tungaanut periusissiamik anguniagaqalernitsinnik suliamik ingerlatsisimaneranut qutsavigerusuppara. Visit Greenlandimi siulittaasutut sulinissara qilanaaraara. Aatsaat taama mittarfissanut nutaanut taama annertutigisumik aningaasaliinerit oqaluttarisaanermi qaffasitsigut suliarisussanngorpagut. Aningaasaliineq takornariaqarnermik tunngaveqartoq. Maannakkut Kalaallit Nunaanni takornariaqarneq assorsuaq ajornartorsiorpoq, tamannalu 2020-mi takornarissat ikileriarujussuarnik kinguneqassaaq. Siulersuisuni pisup qanoq isumaginissaa annertuumik qitiutissavarput, ilutigitillugulu siunissamut nukittussuseq aammalu Kalaallit Nunaanni takornariaqarnermik inuussutissarsiornerup ineriartortinnissaa isigissavagut”.
Continues further down the page...
