Kalaallit Nunaat ajugaavoq! Visit Greenland internettikkut akissarsissutigineqartartumik annerpaamik akissarsitinneqarpoq, tassalu ameriikkami Webby People’s Voice Awardimi nammineq videoliaq “The Future of Travel in Greenland” (”Kalaallit Nunaanni siunissami angalaneq”). Videoliap imarivai Covid-19 aamma Visit Greenlandip nunattinni sulinngiffeqarnerup nalaani angalanissamik (staycation, Nunarput Nuan)periarfissat nittarsaaneqarneri. Taamatut nittarsaassinermi videoliaq 3 minuttinik sivisussuseqartoq uani “Rejser og oplevelser” (”Angalanerit misigisassallu”) unammissutigineqartumut innersuunneqarsimavoq, tassani inuppassuit nunani tamalaaneersunit toqqarneqartarsimavoq. Ukioq manna Webby Awardeqarnerani inuit 2 millioninit amerlanerusut taaseqataasimapput, Kalaallit Nunaatalu unammillertigisimasani soorlu CNN amma Tourism New Zealand ajugaaffigalugit.
”Assorujussuaq tulluusimaarpunga, ingammillu tulluusimarutigaara Visit Greenlandimi sulisoqaratta pikkorilluinnartunik. Taakku suliaq tamaat, oqaasertalersuineq videoliornerlu, suliarisimavaat”- taamak oqarpoq Visit Greenlandip pisortaanera nuannaaqisoq tulluusimaartorlu Hjörtur Smarason, nangillunilu:
”Ajugaassutigineqartup takutippaa pitsaasumik oqaluttuassaqaraanni nassaarsiullaqqillunilu, taava unammisat aningaasaateqarnerujussuit taamaalillutillu periarfissakkaanerujussuit ajugaaffigineqarsinnaanerat. Siunissami takornariat suli amerlanerusut nunatsinnut kusarnartumut tikeraarsarniarutsigit una pisoq assut ilinniarfigissinnaavarput.”
Webby Awardimut taasisimasut qimerluualaaraanni takuneqarsinnaavoq Kalaallit Nunaat nunanit amerlasuuneersunit taaguunneqarsimasoq, sualummik USA-miit taaguunneqarsimavoq – taamaallallu taasisut 1 procentii nunatsinninngaaneerlutik. Visit Greenlandip videoliaanut taasisorpassuit saniatigut video inuit internettikkut naapittarfiini tusinderpassuariarluni takuneqarsimavoq. Webby-awardilu tusagassiorfissuarni soorlu New York Times, BBC aamma Washington Postimi akulikitsumik allaaserineqartarluni.
Akissarsiaq kusanartoq napaatip nunarsuarni tuniluunnera peqqutigalugu internettikkut aaqqisuussisoqarneratigut tunniunneqassaaq.
The Future’s Not for Sale
Continues further down the page...
“The Future’s Not for Sale” (”Siunissaq tuniniarneqanngilaq”) taamak oqarpoq Visit Greenlandimi sulisoq Ivaana Olsen, Webby Awardimi videoliornermi ajugaanermut tunngatillu oqaatsit taakku tallimat/marluk atorneqarpoq. Tassani eqqarsaatigineqarput nappaat tuniluuttoq peqqutigalugu takornariaqarnermi pilliutaasimasut tassungalu atatillugu takornariaqarnerup inuunermik akeqannginnissaa anguniarlugu. Kalaallit Nunaanni Covid-19 suli toqqutigineqarsimannginera nalunaarutigineqarnikuuvoq, inuillu 31-iuviinnaat tunillatsimasutut nalunaarsorneqarsimapput. Oqalugiaatip naatsup takutippaa Kalaallit Nunaanni aqutsisut akisussaassuseqarlutik piujuartitsisumillu takornariaqarnissaa ukkatarigaat. Kalaallit Nunaat nunarsuup kiatsikkiartornerani qitiusut ilagivaat. Nunarpassuarnut allanut naleqqiullugu Kalaallit Nunaata kiatsikkiartornera marloriaammik sukkaneruvoq.
Videoliaq ajugaassutigineqartoq pinngorpoq nunanut allanut angalasinnaanerup killersugaanerani nunatsinni najugaqartut nunaminni angalanissaannut kajumissaarutitut.
Webby pillugu paasisaqarnerorusukkuit – una alakkaruk: The internet’s highest honour
Visit Greenlandip ajugaaneq pillugu oqaaseqaataa uani alakkaruk her.
Paasisaqarnerorusukkuit uku attavigisinnaavatit:
Hjörtur Smarason – apeqqutinut tamanut tunngasut
Pisortaane – Visit Greenland
Mobile: +45 22 80 14 16 / +299 27 99 98
Email: [email protected]
Tanny Por – videoliornermi Webby Awardimullu saaffiginninnermi akisussaasoq
Senior Manager – Visit Greenland
Mobil / Mobile: +45 20 76 96 90
Email: [email protected]
