Visit Greenlandip sulinngiffeqarnerup nalaani nunatsinni angalalluni misigisassarsiorfissatut periarfissat usassaarutigineri Facebook atorlugu aamma ingerlatilerpaa. Facebookimi qupperneq aamma Nunarput Nuan’imik ateqarpoq. Angalarusuttunut periarfissaalissaaq Facebook atorlugu sumiiffinni ataasiakkaani neqeroorutit kikkunnit saqqummiunneqarnersut msissuataarsinaanissaat. Visit Greenlandilu neriuppoq nunatsinni najugaqartut suli amerlanerusut nunatsinni periarfissanik takunninnermikkut isumataartinneqassasut.
”Nunatsinni takornarialerisunit amerlaasuunit pitsaasumik qisuariarfigineqarpugut, taamaammallu Facebook perifissatut aliangiussimallutigu. Facebooki nalunaarutai malillugit Kalaallit Nunaanni facebookimik atuisut 42.000 missaannik amerlassuseqartut, taannalu periarfissaq pingaaruteqarpoq taamaalilluta ussassaarutit suli amerlanernut apuussinnaalissammata.” Taamak oqaluttuarpoq Kim Insuk, Visit Greenlandimi Nunarput Nuan’imik ataqatigiissaarisoq.
Nunatsinni sulinngiffeqarluni angalanissamik ussassaarutit Visit Greenlandip hashtag #NunarputNuan atorlugu siammartertassavai taamaalilluni suut neqeroorutigineqarnersut malinnaavigineqarsinnaaniassammata.
Continues further down the page...
Nunarput Nuan tassaavoq maj 2020’mi, Covid-19 atuutilernerani, nunanullu allanut angalasinnaaneq mattunneqarmat, Visit Greenlandip nunatta iluani sulinngiffeqarluni angalanissamik ussassaarutaa. Nunarput Nuan internettimi quppersagaani nunarputnuan.gl sulinngiffeqarnermi misigisassarsiorfissatut periarfissat 100 sinnillit saqqummiunneqarnikuupput, Blue Ice Explorersimilu sulisoq Claus J.B. Pedersen isumaqarpoq suliniut iluatsilluartoq:
”Massakkorpiaq nunatsinni najugaqartut mailikkut saaffiginnissutaannik ulikkaarpoq, taamaammat soorluuna ussassaarineq iluatsilluarsimasoq” taamak oqarpoq Claus J.B. Pedersen.
Naak Nunarput Nuan Facebookikkut saqqummeraluartoq Nunarput Nuan internettikkut quppernera ingerlaannassaasq taamaalilluni nunatsinni takornarialerisut nunatsinni sulinngiffeqarnermi periarfissat akeqanngingimik neqeroorutigisinnaaniassammatigit.
Paasisaqarnerorusukkuit uku saaffigisinnaavatit:
Mads Daniel Skifte – allanik apeqqutissaqaruit
Pisortap tullia – Visit Greenland
Mobil: +299 55 82 78
Email: mads@visitgreenland.com
Kim Insuk – Nunarput Nuan-ussassaarinermi ataqatigiissaarisoq
Web Editor – Visit Greenland
Mobil: +299 34 28 26
Email: insuk@visitgreenland.com
