• Saqqaa
  • Nutaarsiassat
  • Umiarsuit
  • Sakkussat
  • Takornarialerisut
  • VG pillugu
Traveltrade - Visit Greenland
  • Saqqaa
  • Nutaarsiassat
    • Niuerfik
  • Umiarsuit Takornariartaatit
    • Umiarsuit tikittarfii
  • Sakkussat
  • Takornarialerisunik ujarliut
  • Niuernermik ineriartortitsineq
    • Saqqummersitsinerit 2021
  • Tusagassiutinut
  • MICE
  • Visit Greenland pillugu
    • Sulisut
    • Periusissaq
    • Suliffissat
    • Ukiumut nalunaarut ileqqoreqqusallu
    • Saaffissat
  • → Media Request Form
  • → VisitGreenland.com
  • Search

Visit Greenlandip pisortaa qujavoq qanorlu ingerlasoqarneranik nalunaarluni

“Tulluusimaarutigaara akisussaassusilimmik takornariaqarneq piujuartitsinermik ukkatarinnittoq oqaluuserisassatut inississimagakku”.

Julia Pars Nuummi allaffimmi 26. februar naggataassaaq

Visit Greenlandimi ukiut pingasut pisortaanertut sulereerluni Julia Pars 26. februari soraarpoq, nutaanik unammillernartunik ujartuiniarluni.

”Kalaallit Nunaanni takornariaqarnermi piffissaq pingaaruteqartup ingerlanerani Visit Greenlandimi pisiortaaneq assut ataqqisimavara. Takornariaqarnerup sumut ineriartortinnissaanut kissaatigineqartut pingaartumik oqallisigineqarsimapput. Malunnartumik Kalaallit Nunaanni siammasissumik isigalugu takornariaqarneq ukuninnga pingasunik tunngaveqartoq kissaatigineqarpoq; aningaasaqarnikkut siuariartorneq, avatangiisinut tunngatillugu piujuartitsineq piorsarsimassutsinnullu eriagisaqarneq”.

Pisortaq soraalersoq aperisimavarput ukiut kingulliit pingasut kingumut oqaluuserisinnaanerai, suullu suliassat unammillernartullu Kalaallit Nunaata takornariaqarnermut siunnersuisoqatigiiffiani pisortaasimanermini nalaatarisimanerai.

Suna tulluusimaarutiginerpaaviuk?

“Tassaalluinnarpoq periusissamik, piujuartitsinemik nunarsuarmullu anguniakkanik naammassisaqaqataanissamut ukkatarinnittumik sanaartorsimaneq. Periusissami tassani pinngitsoorani angusassat sisamat, akisussaassusilimmik takornariaqarnermut piujuartitsinermullu ukkatarinnittut nassuiaasersorsimavagut. Ataatsimersuarnermit ”Towards More Tourism”-mit, 2018-mi pisumit 130-nillu peqataaffigineqartumit siunnersuutinillu 11-nik angusaqarfiusumit, akisussaassusilimmik takornariaqarnermut tunngasunik periusissaq aamma ilaatigut aallaaveqarpoq.”

Periusissaq februarimi 2020-mi saqqummersinneqaraluarpoq, COVID-19-illi kingunerisimavaa tuniniaanerup annerusumik ukkatarinissaa. Taamaattumik takornariaqarnermut siunnersuisoqatigiit COVID-19-eqarnera peqqutigalugu periusissaq 2020-mi nalilersoqqittariaqarsimavaat. Periusissaq nutaaq 2021-2024-mut atuuttoq VG strategi-mi saqqummiunneqarnikuuvoq.

Pingaartumik nuannaarutigaara Visit Greenland maanna siammasissumik isumaliuutersuuteqartumik periusissamik, ukiuni tulliuttuni suliassatigut ornigassaqarmat. Saniatigut aamma nuannarutigaara Visit Greenland nunap immikkoortuini takornarialerisunut DMO-nut (destination management organisations) qaninnerusumik attaveqalersimammat, taakkuuppummi nunap immikkoortuini takornariaqarnerup ineriartortinnissaanut nittarsaanissamullu suliarinnittut. Illua-tungeriit tamarmik qaninnerusumik atassuteqalernissamik anguniagaqarsimapput. Attaveqaqatigiinnerit, pingaartumik COVID-19-eqarnerani suliniutissat pingaarutillit pillugit oqinnerusumik oqaloqatigiinnernik kinguneqartitsisimapput.

Continues further down the page...

Unammillernartut annersaat suusimappat?

”Tupinnanngitsumik unammillernarnersaasimavoq Covid-19-p Kalaallit Nunaanni takornariaqarneq 70%-mik 2020-mi kinguariartissimammagu. Tuniluunnersuaqarneq tamatta ulluinnatsinnik, kiisalu takornariaqarnerup iluani isertitanik allanngusisimavoq.

Visit Greenlandip COVID-19-eqarnerani Kalaallit Nunaata takornariarfissatut soqutigineqarnerata atatiinnarnissaa, kiisalu takornariaqarnermut ajoqutaasinnaasunik pakkersimaarinnissinnaasunik suliniuteqarneq suliassarisimavaa.”

Taamaattumik Visit Greenlandip suliniut ”Nunarput Nuan” sukkasuumik aallartisarsimavaa, Kalaallit Nunaata iluani angalarusussutsip uummaarissarnissaa anguniarlugu. Oqariartuut ”Nunanni angalagit” peqatigiiffinnit suliffeqarfinnillu amerlasuunit tapersersorneqarsimavoq, soorlu angalanissamut ataatsimut pisiassanik atuutilersitsineq, kiisalu akiliunneqarluni feriarnernik naleqqussaanerit.

”Nuanneqaaq suliniut, Naalakkersuisunit ikiorsiissutit saniatigut pitsaasumik malunnartumillu takornarialerisut akornnani sunniuteqarsimammat.

Sunniut iluaqutaasoq atatiinnarusullugu Visit Greenlandip ukioq manna ”Nunarput Nuan” ingerlateqqippa, taamaalillutik takornarialerisut akunnittarfiutillillu ikaarsaarfimmi taperserneqarniassammata.”

Kalaallit Nunaanni takornariaqarneq siunissami qanoq takorloorpiuk?

”Kalaallit Nunaat takornariarfissatut isigissagutsigu pisariaqartitat tamaasa pigaagut – tigusisinnaanerput ornikkuminassuserpullu soorunami pitsanngorsartuassavagut, takornariartitsisartunillu takornatialerisunillu amerlanerusunik ilinniagalinnik naammassititsisassaluta. Aallartitserusussuseq qaffatseqqissavarput taamaattoq nunatta pinngortitaa piorsarsimassutsikkullu assigineqanngissusaa tassaneereeput. Ukiuni kingullerni Kalaallit Nunaannut soqutiginninneq annertooq nunani tamalaani tusagassiutitigut malugisimavarput. Taamaakkaluartoq Kalaallit Nunaanni takornariaqarnerup COVID-19 sioqqullugu inissisimasimaneranut inisseqqinnissaanut suliniuteqassaagut. Taamaattumik Visit Greenlandip aningaasanik annerusumik pilersornissaa pisariaqarpoq, takornarianummi misigisassarsiortunut sunniuteqarluartumik pilerisaarinissamut pisariaqarmat,” Julia Pars oqarpoq.

2020-mi Visit Greenland takornariaqarnermik inuussutissarsiortuniit aningaasaliisussanik suleqateqalernissaminut suliniuteqarsimavoq. Maannakkumut suleqatissat tallimat iluatsissimapput.
Suliniut tassaavoq Kalaallit Nunaata saqqumilaarnissaanik, sunniuteqarluartumik attaveqaqatigiinnissamik Kalaallillu Nunaatalu takornariarfissatut 2022-mi annerusumik tikiffigineqartalernissaanut anguniagalik. Visit Greenland, Kommuneqarfik Sermersooq, Air Greenland, Greenland Holding kiisalu Sikuki Harbour tamarmik aningaasaliisuupput suliniutillu aallartisarnissaanut ikiutaasimallutik. Suliniut tassaavoq, takornariaqarnerup qaffatseqqinnissaanut pisariaqarluinnartoq, nunallu immikkoortuinut tamanut, mittarfissat nutaat ammaanneqannginnerini sianiginninnermik pilersitsisoq.

Akiuussutissap takkunnera takornariaqarnerup iluani, 2021-illu ingerlanerani angalasinnaanermut killilersuinerit sakkukillinissaannut neriuummik nutaamik tunisivoq.”

Sunartaa maqaasissamaarpiuk?

”Nunap immikkoortuini takornarialerisut naapittarneri oqaloqatigisarnerilu. Naapittarneri nukissanik nutaanik tunisiuaannarsimapput, taakkuuppummi ulluinnarni tikeraartuminnik sullissilluartartut, Kalaallillu Nunaata ajunnginnerpaamik takutinnissaanut iliuuseqartartut. Saniatigut aamma Visit Greenlandip iluani nunani tamalaaneersunik suleqateqarneq. Sulisut pimoorussillutik Kalallit Nunaannut takornariaqarnermut suliniuteqartuupput. Tamarmik inutsialaapput maqaasissavakkalu.

Arlaannik oqariartuuteqarpit?

Siammasissumik oqaloqatigiinnerit pisariaqarput

“Takornariaqarnerup ineriartortinnissaanut inuussutissarsiortut pingaarutillit tamarmik iluanni oqaloqatigiinnerit pingaaruteqarluinnarput. Sinaakkutaasut atugassarititaasut ataavartumik nutarterneqartassapput, aningaasaqarnerup siuariartortinnissaanut piujuartitsinissamullu iluaqutaaniassammata akimmiffiunatik. Taamaattumik inuussutissarsiortut inuussutissarsiornermullu naalakkersuisoqarfik sinaakkutaasut atugassarititaasut pillugit siammasissumik oqaloqatigiittarnerisa ingerlatiinnarnissaat pingaaruteqarpoq.

Siuariartortitsissaagut ueqqivigineqarnatali

Erseqqarippoq nunap immikkoortuini takornariaqarnerup siuariartortinnissaa, taamaakkaluartorli ueqqivigineqannginnissaq kissaatigineqartoq. Tamanna ataatsimmersuarnermi ”Towards More Tourism”-mi paasineqartut ilagivaat. “Towards More Tourism”-mi siunnersuutissat 11-t erseqqaarissut inissinneqarsimapput, tassaasut akisussaassusilimmik takornariaqarnermik piujuartitsinissamillu anguniagaqartut. Taamaattumik Visit Greenlandip innuttaasut apeqqarissaarfigivaat, paaserusullugu takornariaqarneq qanoq isigineraat. Takornariaqarnermi siunnersuisoqatiit nalunaaqutsersuinernik nutaanik aamma aaqqissuivoq, Kalaallit Nunaanni takornarialerisut tuniniagaasa pitsaassusaat qaffatsinniarlugu kiisalu ukiorpassuarni takornariaqarnerup inuussutigisinnaanera isumannaarniarlugu.

Towards More Tourism kiisalu siunnersuutit 11-t pillugit uani paasisaqarsinnaavutit: Atuaruk

Nalunaarsuutit sukkasuut tatiginartullu pisariaqartippagut 

Neriuutigaara aamma sakkussat pingaarutillit, aqqutissatsinnik eqqortumik takutitsisut atuutilersinneqarumaartut. Tassami takornariat qassit Kalaallit Nunaannut tikittarnersut, ullormut aningaasanik qanoq atuitigisarnersut kiisalu suliffissanik qanoq pilersitsitiginersut naatsorsorsinaasariaqarpagut. Taakkuuppummi piviusut politikeritsinnut, kommunenut takornariaqarnermillu suliaqartunut tamanut takutissinnaasagut. Nalunaarsuutit sukkasuut takiginartullu pisariaqartippagut. Tikittartut suli amerlanerulinnginnerini nuna tamakkerlugu takornariaqarnermut naatsorsuisinnaanissamut suliarinninnikkut tamanna isumannaartariaqarpoq.

Qilanaarisaqarpit arlaannillu naggataasumik oqaasissaqarpit?

”COVID-19-ip kingorna ulluinnarmut uteqqikkumaarpugut – ulluinnaat tassaasut takornariaqarnerup iluani siumukarnernik kiisalu pisoqarfiusumik imaqartut. Tamatuma malinnaaviginissaa inuttut qilanaaraara. Visit Greenlandimi pisortaaninni angusat tulluusimaarutigalugillu nuannaarutigaakka. Uanga kisima suliarinngilakka, kisianni aamma siulersuisut sulisullu takornariaqarnermut tunniusimallutik suliaqarsimapput.

Naggasiullugu qujaffigerusuppakka sulisut, siulersuisut kiisalu takornariaqarnermik inuussutissarsiortut tamaasa, Kalaallit Nunaata takornariaqarnerata ineriartortinnissaanut anguniagaqarluta ataatsimiittarsimanitsinnut. Iluatsitsilluarnissassinnik, takornariaqarnermillu piujuartittsisumik anguniagaqarlusi sulilluarnissassinnik kissaappassi.”

Julia Pars Visit Greenlandimi pisortaanertut 26. Februar 2021 soraassaaq. Kalaallit Nunaanni takornariaqarneq sinnerlugu suliaanut qujavugut.

Explore related articles, offers and tour providers:

  • Visit Greenland pillugu

By Visit Greenland

Visit Greenland Kalaallit Nunaanni Takornariaqarneq Pillugu Siunnersoqatigiiuvoq, takornariaqarnerup misigisassaqartitsinerullu, nittarsaassinerullu ineriartortinnissaanut akisussaaffeqarlutik. Namminersorlutik Oqartussanit 100%-imik pigineqarpugut, aktianillu piginneqatigiiffittut aallartinneqarsimalluta.

https://traveltrade.visitgreenland.com/gl

Editors' pick

Cross country skiers on a coffee break in East Greenland

Tassami Travel Trade Forum Aallarteqaaq

Oqaaseqaatit nuanninngitsut, Facebookimi torinngitsumik allattartut e-mailikkullu akissutit arritsut qatsuppigit? Taamaappat Travel Trade Forum attaveqaqatigiiffiuvoq ilinnoortoq.

  • #Illoqarfiit nunaqarfiillu
  • #Nunap immikkoortui
  • #Takornarialerisut
  • #Visit Greenland pillugu
  • #Timersornerit pisussallu
  • #Outfitter
  • #Neriniartarfik
  • #Tunissutissaarniarfik
  • #Angalatitsisarfik
  • #Takornariartitsisarfik
  • #Angallassisartut
  • #Tamanut atorneqarsinnaasut
  • #Takornariaqarnermi ineriartortitsineq

Pisortamiit nutaamit allakkat

Piffissami nalaatsinerlunnermi paasisassat pingaarnersaat ilaat tassaavoq nalaatsinerlunnerup inunnut sunniutaa suunersoq. Takornariaqarneq aallarteqqippat ileqqumisut ileqqinnavianngilaq. Soorunami naluarput qanorpiaq allannguuteqarumaarnersoq, misissuinerilli takutippaat takornariat avinngarusimasunut angalarusunnerulissasut. Tikiffissat inuppassuaqarfiunngitsut. Tikiffissat covid’eqarnerata nalaani pitsaasumik aqutsisimasut. Tikiffissat toqqissisimaffiusinnaasut. Tikiffissat Kalaallit Nunaattut ittut.

  • #Takornarialerisut
  • #Visit Greenland pillugu

Visit Greenlandimi siulersuisut taarserneqarnerat

Visit Greenlandip immikkut ittumik ataasimeersuarnerani ulloq 2. april 2020, allaffiup qaani ataatsimeersuarnertut ingerlanneqartumi, Kalaallit Nunaanni Namminersorlutik Oqartussat Visit Greenlandimi tamakkiisumik pigineqartumi siulersuisuni ilaasortat pingasut taarserneqarput.

  • #Visit Greenland pillugu

Piffissaq takornariaqartarnera pisoqartitsinikkut sivitsorneqarsinnaavoq

Ukiup ingerlanerani aamma takornariaqartannginnerigaluatigut pisoqartitsinikkut takornarianik pilerisaarisoqarsinnaavoq.

  • #Visit Greenland pillugu
More related articles

Keep Exploring

Things to Do

Browse culture and nature (outdoor, hunting, fishing, cruises) related activities, as well as combination of both types.

Plan your trip

Read about practical information on how to get to Greenland, how to get around, when to travel or where to stay.

Destinations

Explore the regions and towns around Greenland and dig deeper into the experiences in each destination.

About Greenland

All about art, music, history, as well as animals, climate change and other interesting information about Greenland.

Visit Greenland
Traveltrade.visitgreenland.com Visit Greenlandimit ingerlanneqarpoq, takornarialerisunullu Kalaallit Nunaannut attuumassutilinnut tamanut sakkussanik paasissutissanillu tunioraalluni.

Quppernerit

  • Saaffissat
  • Umiarsuit tikittarfii
  • Assiutitta atorneri
  • Tusagassiutinut
  • Kalaallit Nunaanni misigisassarsiorneq

Linkit pingaarutillit

  • VisitGreenland.com
  • Assiisivik
  • Kisitsisaatit
  • Big Arctic Five
  • Emailikkut pisartagaqalerit
Copyright Visit Greenland 2019 © Produced by Visit Greenland and KathArt Interactive
  • Facebook
  • Instagram
  • Twitter
  • Mail
Scroll to top